Nehemia 9:6 - Angami Naga CL (Re-edited) Bible (BSI)

⁶ Sitse Ezrae sie, “N rübei Jihova zo; noe tei chüshü, teiko mho teiu, sünu ketuo pete, kijüu mu sünu ketuo pete, dzükezhako, tsiu sünu ketuo pete chüshü, mu no süko pete se baya; tsiu teigei ketuo krodiko n rüsuoya.

Nehemia 9:6 Iomraidhean Croise

Keriekitho 1:1

Sietsenu Ukepenuopfüe tei mu kijüu chüshü.

Keriekitho 1:9

Siro Ukepenuopfüe, “Tei khro dzüko bu vo thechü puo nu kengulie, mu kijü keso bu parlie,” ishü ru silie.

Keriekitho 2:1

Sidi teiko mu kijüu mu sünu ketuo pete chü tseilie.

Keriekitho 32:2

mu Jakob-e uko ngu tse sie uko ki, “Hauha Ukepenuopfü razhüchü zo,” sidi puo thechü süki za üse Mahanaim chüwa.

Kediko Kerieu 22:19

Sitse Mikaia sie, “Süla no Jihova die rünyüliecie: Ae Jihova puo kediba gei ba di ngu, siro teigei krodiko pete puo dzie puo zatsatie tsiu puo vitsatie tha.

Kediko Kerieu 8:27

“Derei Kepenuopfüe kijü nu lhoutuoü ketho me? Harie, teigei mu tei kerükrietho-u rei n se balie kenjüe; siliro a chükelie ki hau kedipfü süki rei meretie shi!

Kediko Kenieu 19:15

Siro Hezekia Jihova mhodzünu kecha chü di, “He-i Jihova Israel Kepenuopfü, cherubnie mhogei di kebau noe Ukepenuopfü, n rübei zo, kijü nu kedirüvie pete mho kebau, noe tei mu kijü chüshü.

Kediko Kenieu 19:19

Süla tsie he-i Jihova hie Kepenuopfü, a n ki chaya, kediba pete bu rei noe Ukepenuopfü Jihova zo, n rübei zo ükecü silieketuo la, puo dzie nunu hieko kelashücie.”

Nehemia 9:5

Sitse Leviko, Jeshua, Kadmiel, Bani, Hashabneia, Sherebia, Hodia, Shebania, mu Pethahia, ukoe sie, “Siethalie di kechachie mu kechachie ketuo nie Kepenuopfü tsheliecie. N za thetshetherhu kepfü bu kemeyieu chüliecie, süue theja mu ketshe pete mho zo.”

Chieliko 102:25

Noe thiedzütho kijüu mvüdzeko seshüwate, mu teiko rei n dzie mhatho phre zo.

Chieliko 103:21

Jihova tsheliecie, nieko puo krodi peteko, nieko puo liethoko, puo nei chüyakezhako.

Chieliko 115:15

Tei mu kijü chükeshüu Jihova bu japie nie tsücie.

Chieliko 124:8

Hie kekhruoe Jihova za gei ba, tei mu kijü chükeshüu.

Chieliko 146:6

Tei mu kijü chükeshüu; dzükezha mu sünu keba peteko, kechachie ketho-u khapie bayakezhau.

Chieliko 24:10

Zapuzayie Kedi hau supuo ga? Krodiko Jihova, puoe zapuzayie Kediu zo. Selah

Chieliko 33:6

Jihova die üse teiko chülie, mu puo thesüu pie sünu ketuo krodi pete chülie.

Chieliko 36:6

N diethoe kijüthou kezhako mhie zo; n capikoe kesou kezha mhie; harie Jihova, noe themia mu khunuo pekru phreshüya.

Chieliko 86:10

Noe zha zo mu u ngocü mhathoko chüshüya; n rübei Ukepenuopfü zo.

Isaya 37:16

“He-i Krodiko Jihova, Israel Kepenuopfü, Cherubko mho kediba gei kebau, kijü nu kedi pete mho, n rübei Ukepenuopfü zo; noe tei mu kijü chüshüe.

Isaya 37:20

Süla tsie, he-i Jihova hie Kepenuopfü, puo dzie nunu hie kelaliecie, sitse kijü nu kedi pete rei n rübei Jihova ücü silietuo.”

Isaya 43:10

Nieko a zhapuko zo, Jihovae siya, a thuo kedakelieu, a kituou zo, nie bu silie di a pelelie, mu a sü puo zo ücü silieketuo la. A mhodzü terhuo kekrei puorei chüshü mo, morei a sie rei puorei chüshülie lho.

Isaya 44:6

Jihova, Israel Kediu, mu puo Rhakelieu, krodiko Jihovae puya: Ae therieu mu ae thelau; a sie terhuo kekrei jü.

Isaya 44:8

Mha prei hie, morei michieta hie; a thiedzünu nie ki pu mu pesishüwata mo üme? Nieko a zhapuko zo! A kemo terhuo kekrei ba me? Tsiekrie kekrei puorei jü, a puo rei si mo.

Isaya 45:12

A kijüu chüshü, mu themia chüpie puo gei shü; a dzie thuo teiko ciethashü; mu a uko kro pete ki diekhashü.

Jeremia 32:17

He-i Niepuu Jihova! Noe n kekuo kezha geinu n bou yhashü di teiko mu kijü chüshüe! siro n la mhapuorei chülie kelho tuo mo.

Ezekiel 20:11

A a zhoko khapie uko tsüshü, mu a kepethadieko pie uko pekieshü, kehoupuorei süko medzikeliemia sügeinu rheilieketuoko.

Jona 1:9

Sitse puo sie, “A Ibrimia puo, A Jihova, teigei ketuo Ukepenuopfü dzükezha mu kijü keso chükeshüu rüsuoya.”

Johan 10:30

A mu Puou hienie sü puo zo.”

Mhakechüko 4:24

Siro uko süu sikeshü ki, uko pete keze puo chü u pfhephra peto di Ukepenuopfü ki, “Kekuotho Niepuu, tei mu kijü, dzükezha tsiu süko nu ketuo pete chükeshüu,

Pulakeshüzho 10:14

Harie, teiko mu teiko teiu rei, kijüu mu kijüu nu keba peteko Jihova n Kepenuopfü vie zo,

Pulakeshüzho 32:39

Tsie A sü, A zokecüu siliecie, a sie terhuo kekrei jü; ae biekhrishü mu chü perheishüya, ae bie kerüzashü mu chü kemeneshüya; mu a dzie nunu shüphrase talieketuo puorei tuo mo.

Pulakeshüzho 6:4

Rünyüliecie, harie Israel, Jihovae úko Kepenuopfü, Jihovae puo zo.

Ibriko 1:3

Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

Ibriko 1:6

Süsie rei puo nuorieu bu kijü nu kevor ki, puo sie, “Ukepenuopfü dieliemiako pete puo rüsuocie,” isi zo.

Pesikeshü 14:7

Puoe pheshie di, “Ukepenuopfü preilie mu zayie pie puo tsülie, themia nyie pepiketuo teiu vorketa la; tei mu kijü, dzükezha mu dzümhidzürüko chükeshüu rüsuolie,” isi.

Pesikeshü 4:11

“Hie Niepuu mu hie Kepenuopfü, no sü zayie mu therhu tsiu kekuo lielie kesüu zo, no mha peteko chüshücü la, tsiu n medo la süko tuo mu chükelie zokecü la.”