Nehemia 9:5 - Angami Naga CL (Re-edited) Bible (BSI)

⁵ Sitse Leviko, Jeshua, Kadmiel, Bani, Hashabneia, Sherebia, Hodia, Shebania, mu Pethahia, ukoe sie, “Siethalie di kechachie mu kechachie ketuo nie Kepenuopfü tsheliecie. N za thetshetherhu kepfü bu kemeyieu chüliecie, süue theja mu ketshe pete mho zo.”

Nehemia 9:5 Iomraidhean Croise

Kediko Kerieu 8:14

Sitse kediue puo zie rürei vorlie, sidi japie Israel mechükehouu pete tsü, süki Israel mechükehouu pete-e tha zo.

Kediko Kerieu 8:15

Puoe sie, “Israel Kepenuopfü, Jihova bu zapuzayie chüliecie, puoe puo tie pie a puo David ki pu, mu puo dzie üse süu chü tseilie, süu pukecü,

Kediko Kerieu 8:22

Sitse Solomon-e Israel kro-u pete kehou kebau nu Jihova ruosuo chüu mhodzünu thalie, tsiu puo dzie yhapie teigei petsoulie.

Kediko Kerieu 8:27

“Derei Kepenuopfüe kijü nu lhoutuoü ketho me? Harie, teigei mu tei kerükrietho-u rei n se balie kenjüe; siliro a chükelie ki hau kedipfü süki rei meretie shi!

Seyiedze Kerieu 16:36

Jihova, Israel Kepenuopfü bu thejakepfüu chücie, kechachie nu kechachie ketso.” Sitse themia peteko “Amen!” idi Jihova tshelie.

Seyiedze Kerieu 29:11

He-i Jihova, kezha, kekuo, zapuzayie, kuokelie mu kedi pete n vie zo; teiko gei mu kijü ketuo pete n vie zocü la; kedi kechü n vie zo, he-i Jihova, mu noe mha peteko mho puotsüu chüte.

Seyiedze Kerieu 29:13

Süla hie Kepenuopfü, hie tsie n thezieya mu n za kezhau tsheya.

Seyiedze Kerieu 29:20

Süsie David-e sie mechükehou ki, “Jihova nie Kepenuopfü tsheliecie.” Sitse mechükehou pete Jihova uko puonuoko Kepenuopfü tsheshü mu nuketsu di u khapie Jihova mu kediu mhodzünu shü.

Seyiedze Kenieu 20:13

Sikeba ki Juda themia peteko u nuonuo kecünuoko, u nupfünuoko mu u nuonuoko ze di Jihova mhodzünu tha.

Seyiedze Kenieu 20:19

Siro Leviko, Kohat mu Kora yieko u pfhe peto se di Israel Kepenuopfü Jihova tshetuo üdi siethata.

Ezra 3:11

Sidi ukoe chieli ketsiepie Jihova tshe, tsiu puo thezie di sie, “Puoe vicü la, puo kekhrie rüdirüli kemo se Israel ngumezhiekeshüe kechachie bayacü la.” Siro themia pete Jihova tshekeshü ki, shie peto seshü, kekreilamonyü Jihova kiu mvüdzeko dzeshülieketa la.

Nehemia 9:4

Süki chapra gei, Leviko, Jeshua, Bani, Kadmiel, Shebania, Buni, Sherebia, Bani mu Kenani, uko pfhephra kemerie chü di krapie Jihova uko Kepenuopfü ki shü.

Nehemia 9:6

Sitse Ezrae sie, “N rübei Jihova zo; noe tei chüshü, teiko mho teiu, sünu ketuo pete, kijüu mu sünu ketuo pete, dzükezhako, tsiu sünu ketuo pete chüshü, mu no süko pete se baya; tsiu teigei ketuo krodiko n rüsuoya.

JOB LESHÜDAU 1:21

Sidi puoe sie, “A methuo di a zuo va nunu vor, ru a methuo di tuo latatuo; Jihovae khashü mu Jihova thuo zeliete; Jihova bu zapuzayie chüliecie.”

Chieliko 106:2

Supuonie Jihova mhatho kezhako pu phalie ta? Morei puo ketshe pesi hulie ta?

Chieliko 134:1

Harie, Jihova tsheliecie, nieko Jihova kituo pete, pezei gei rei Jihova ki nu thayakezhako!

Chieliko 145:2

Teisonhie a n tshetuo, mu kechachie a n za tshetuo.

Chieliko 145:5

A n zapuzayie therhu kezha kerükrie, mu n mhatho u ngocüko medotuo.

Chieliko 146:2

A rhei keba chie Jihova tshetuo; a rhei keba chie a ketshe tsali chüpie Kepenuopfü ki shütuo.

Chieliko 16:2

A Jihova ki puyie, “No sü a Niepuu zo, No zo moro a kevi-e puorei tuo mo.”

Chieliko 66:2

Puo za zayieu pie kelishülie; puo ketshe chüpie zapuzayie chüshülie.

Chieliko 99:3

Uko bu n za kezha mu u ngokecüu tsheliecie; puoe mesa.

Toukepra 15:11

“He-i Jihova, terhuoko donu suonie n mhie ga? supuo n mhie, kemesa nu kuo phi di, mhatho kevithoko nu u ngokecü chüya ga?

Toukepra 15:6

He-i Jihova, n dzie n zatsa, kekuo nu zayie kechüu, he-i Jihova, n dzie n zatsa, ngumvümia biewaya.

Daniel 2:20

Daniel-e sie: “Ukepenuopfü za bu thephou pete nu meyieliecie, mhasi mu kekuo puo vie zocü la.

Mathi 11:25

Süteiki Jisu sie, “He-i, a Puo, tei mu kijü Niepuu, a n tsheya, kekreilamonyü no mhakesikeleko ki we mha hako keviepie tuo di pie nuoranuoko pesipengukeshü la.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Pulakeshüzho 28:58

Mhanuü noe Jihova n Kepenuopfü zapuzayie kechüu mu puo za u ngokecüu prei di leshüda hau nu thupie keba thezho hau dieko pete chüüzelieketuo le terülie moro;

Pitor Kerieu 1:3

U Niepuu Jisu Khrista Puou mu Ukepenuopfü bu thejakepfüu chücie! Puo u ngumezhiethorcü la kesia nunu Jisu Khrista rhei lasiekelie geinu u penuo kesapie kerhei siedze kemerü nu shülie,

Capiko 13:18

Sitse dielieue sie, “No kidi a za ketsoya ga? Süu le tsokeliepfü mo.”