Nehemia 9:32 - Angami Naga CL (Re-edited) Bible (BSI)

³² “Süla tsie, hie Kepenuopfü, kezhau, kekuou, siro kemerie zokecü Ukepenuopfü, diekhakeshüu mu kekhrie se bayakezhau, Asiriamia kediu teiki nu vor thie ketso, kemezhiekecü, hie gei hie kediko gei, hie kedinuoko gei, tsiu hie zievoko gei, hie siedzekesiko gei, hie puonuoko gei, mu n themia peteko gei kevor ha üse mhathopuo mo ükecü chüwa hiecie.

Nehemia 9:32 Iomraidhean Croise

Kediko Kerieu 8:23

Sidi sie, “He-i Jihova, Israelko Kepenuopfü, tei pesogei rei, morei kijü khro rei, n kemhie Kepenuopfü puorei tuo molie, noe n kituomia u nou pete se n mhodzünu ketuomia gei n die khapie baya tsiu ngumezhieya;

Kediko Kenieu 15:19

Asiria kediu Pul-e vor kijüu perhie; sitse Menahem-e raka talent nyie puo pie Pul tsü, puo bu puo kedibau chü kemeteiketuo la.

Kediko Kenieu 15:29

Israel Kediu Peka teiki Asiria Kediu Tiglat-pileser vor di Ijon mu Abel-bet-maka, Janoa, Kedesh, Hazor, Gilid mu Galil, Naftali kijü pete lielie, sidi themiako tepie Asiriamia die chü vota.

Kediko Kenieu 17:23

Jihovae puo mhingu nu Israel chü kediwata kemochie, puoe puo kituoko siedzekesi peteko geinu pukeshüu chüshü. Süla Israel-e puo thuo puo kijü nunu teze Asiria nu voketa thie ketso rei si tuo zo.

Kediko Kenieu 17:3

Asiria kediu Shalmaneser-e vor di puo perhie; sitse Hoshea puo khro leta, sidi khezhanuo pie puo tsü.

Kediko Kenieu 17:6

Hoshea dikelie cie thepfü cie Asiria kediue Samaria lielie; sidi puoe Israelko teze Asiria nu vota, sidi uko khapie Gozan rüu Habor khie Hala nu mu Medes nadiko nu shüwa.

Kediko Kenieu 23:29

Puo teiki Faro Neko Ijipt kediue Asiria Kediu ki kho di Eufrat rüu nu vo, siru Josia kediue vo puo ze kese, derei Faro Nekoe Megido nunu puo ngulie tse, puoe puo dukhriwa.

Kediko Kenieu 25:7

Siru ukoe Zedekia mhingu nunu puo nuonuoko dukhriwa, siro Zedekia mhi kerülawa sidi mese dziekha pie puo phalie di puo ze Babilon nu vota.

Ezra 4:10

mu seyie kekreiko pehüu kezhau Osnapar-e uko tepie ketsewa di uko bu vo Samaria nadiko mu kerüu khie lutsatie kijü kekreiko nu lhouketakoe leshü thushü.

Ezra 4:2

ukoe Zerubabel mu chienuo krütako ki vor di sie uko ki, “Hie bu rei nie ze di chücie, hieko rei nie kemhie nie Kepenuopfü rüsuoya zocü la, mu Asiria kediu Esar-hadon hie ze hanu vorkeshü yawinu hie rei ruosuo chüpie puo tsü vorta zo,” sita.

Ezra 9:13

Hieko mhatho kesuoko la, hie gei kevor peteko, hie kephouma kemeriekecüko la, noe ngukeshü ki, hie Kepenuopfü, hie kejo zhakhra chü kezhü de chü mokecü ngushü, sidi hieko lhieshü ürei;

Nehemia 1:5

Sidi sie, “He-i Jihova teigei keba Kepenuopfü, kezhau mu kemerie zokecü Kepenuopfü, noe n khrieyakezhako tsiu n diekhakeshüko chüüzeyakezhamia gei n dietseidiekho-u mu ngukemezhie khapie baya,

Chieliko 47:2

Kerükrietho Jihovae kemeriecü la; kijü pete mho kedi kezhau zo.

Chieliko 66:3

Ukepenuopfü ki haikecü pulie, “N mhathoko u ngo zalie! N kekuo kezha nunu n ngumvüko u thuo u khapie n khro shüwatuo.

Chieliko 66:5

Vor di Ukepenuopfü mhathoko mehocie; puo mhathoko ha chüüphou mhodzünu kemerie!

Toukepra 18:8

Sitse Mosae puo meiu ki Jihova Israel la Faro gei mu Ijiptmiako gei kedipuopuo chüshü shikecü, mu cha nu uko mha kere dzükelie nu, kimhie di Jihovae uko shüphralie shikecü pete pushü.

Isaya 9:6

Nuo puo penuopie u tsüshüte, thepfunuomia puo pie u tsüshüte, kekuo puo bouka gei tuo; mu puo za thopie Mharhükesi Ungo-u, Kekuo Kepenuopfü, Kechachie Puou, Vitho Kedinuou chütuo.

Daniel 9:4

Ae Jihova a Kepenuopfü ki a kejo phra di sie, “He-i Niepuu, zha mu u ngokecü Kepenuopfü, n khrieyakezhako tsiu n diekhakeshüko se bayakezhako gei n ketseikevi tsiu dietseidiekhokelieu se baya,

Daniel 9:6

Hie n kituo siedzekesiko, n za nu hie kediko, hie kedinuoko, mu hie puonuoko, tsiu kijü nu themia peteko ki pukeshüko rünyü mvüte.

Daniel 9:8

He-i Jihova, hie kediko, hie kezhako, mu hie puonuoko gei thenga tuote, kekreilamonyü hie n gei phoumawate.

Levimiako 26:18

Tsiu mha hako nu zorei nie a die rünyülie lho ro, a nie kephoumako la hade thenie pie nie pechütuo.

Levimiako 26:21

Siro nie a petsouzhü zo mu a die rünyülie lho ro, nieko kephoumako la a nieko pechükecü kerieki de thenie khashütuo.

Levimiako 26:24

a rei nieko petsou sa votuo, nieko kephoumako la a thuo süde thenie nieko vütuo.

Levimiako 26:28

a rei noupfhü nunu nie petsou tuo zotuo, di nie kephoumako la a thuo süde thenie se nie pechütuo.

Pulakeshüzho 7:12

Siro nie-e pethokeshü hako rünyü mu chüüzelie ro, Jihova nie Kepenuopfüe n puonuoko gei dietseidiekho-u mu puo kekhrie ketho-u khapie batuo üdi rüsekeshüu puoe n gei khapie ba zotuo;

Pulakeshüzho 7:13

puoe n khrietuo, japie n tsütuo, mu n chü pekruoshütuo; puoe n puonuoko tsütuo üdi rüsekeshü kijüu nu japie n phou geinu kepar siu, mu n kijü siu, n lha mu n khubedzü mu n tier, n kicükiri tsiu n kuo mu temvü kro-u pete chü pekrashütuo.

Pulakeshüzho 7:21

No uko prei hie, Jihova n Kepenuopfüe zha mu kemeriekecü Kepenuopfü, puo nie donu bakecü la.

Pulakeshüzho 7:9

Süla Jihova n Kepenuopfü sü Ukepenuopfü zocü siliecie, pelelie kesü Kepenuopfü, puo khrie mu puo diezeyakezhamia gei we phou nyie puo ketso rei puo dietseidiekho-u puo kekhrie ketho khapie baya,