Nehemia 9:29 - Angami Naga CL (Re-edited) Bible (BSI)

²⁹ Siro noe uko bu n zho-u nu rürei la vorlieketuo la uko pethashü, sirei uko kemiako di n diekhakeshüko ze mvüta, sidi noe pethokeshüzhoko varhuo di phouma, süko mia puoe chüüzelie ro puoe rheilietuo, derei uko u bouka kereilie, mu u nou chü perelie, tsiu rünyülie lho üte.

Nehemia 9:29 Iomraidhean Croise

Kediko Kenieu 17:13

Sirei Jihovae siedzekesiko mu siedzekenguko geinu Israel tsiu Juda petha di sie, “Nieko mha kesuo nunu rüreilie di a diekhakeshüko mu ae chünukecüko a khapie nie puonuoko ki keshü zhoko tuoi, tsiu a kituo siedzekesimia geinu khakeshü tuoi chüüzeliecie,” ishü.

Kediko Kenieu 17:14

Ukoe uko puonuoko tuoi, Jihova uko Kepenuopfü pele moketa tuoi rünyü mvü di uko nou reta.

Seyiedze Kenieu 24:19

Sirei puo uko ze Jihova ki la vorlietuo üdi uko ki siedzekesiko ketseshü, sükoe mha süko vi kemo petsoushü zo ürei, ukoe rünyü mvüta.

Seyiedze Kenieu 33:10

Jihova Manasseh mu puo themiako ki die pushü zo, derei uko puo pfhe rünyü mota.

Seyiedze Kenieu 36:15

Jihova, uko puonuoko Kepenuopfü puo chaliemia ketsepie uko ki shü baya zo, puoe puo themiako mu puo kebachüu ngumezhiecü la.

Nehemia 13:15

Süteiki a Juda nu themia huo sabat nhie khubedzü the, telha pfü kengu tsiu gada pie dakecü, sizomonyü khubedzü, khubesi siro chiede mu thepie doneiünei se sabat nhie Jerusalem nu kevor ngushü, ru uko mhazekecü nhie a uko ruoshü.

Nehemia 9:10

Siro zasiko tsiu u ngoko chüpie Faro mu puo kituoko, mu puo kijü nu themia peteko kieshü, kekreilamonyü ukoe hie puonuoko gei uzhosuokecü noe sikecü la. Sükemhie di noe tsiedo teiki kemhie n za pesishüte.

Nehemia 9:16

“Derei uko siro hie puonuoko kemiakota, mu u nou reta, sidi no diekhakeshüko ze mvüta.

Nehemia 9:26

“Sishierei uko n die ze mo, di n perhieta, sidi n zho-u kelhoupie u sietsa shüwa, tsiu n siedzekesimia, uko bu rürei n kitsatie vorlietuoü zhapu kechüko dukhriwa, mu uko themia thepesuo sekecü mhatho chüshü.

Nehemia 9:30

Noe teicie kekra uko gei shükhreshühie vor, sidi n siedzekesimia geinu n Ruopfü se di uko pethashü, sizo shierei ukoe unyie kereishülie mo; süla noe uko khapie kijüu nu themiako dzie nu shüwa.

Toukepra 10:3

Süla Mosa mu Aron unie Faro ki vo, di puo ki, “Jihova, Ibriko Kepenuopfüe puya, ‘Kichiepuo no a mhodzüki n thuo n bie kerünuoshü mvü ba zotuo ga? A themiako bu tuoliecie, uko bu a rüsuoketuo la.

Jeremia 17:23

Sishü rei ukoe rünyü morei uko nyie kedeishü mo, derei pietsümvü, sidi mia pfhe silie lhoü mu pethakeshü lielie lho üta.

Jeremia 19:15

Krodiko Jihova, Israel Kepenuopfüe puya: Ae nadi hanu mu puo nado pete nu kepeka dze pukeshü pete se vortuo, kekreilamonyü uko vo meteithor di a die rünyü mvüketa la.

Jeremia 42:19

Jihova nieko ki puya, he-i nie Juda geinu lhiekelieko, Ijipt nu tsu hiecie, siro a thie nie tarhokeshüu si touliecie.

Jeremia 43:2

Hoshaia nuou Azaria mu Karia nuou Johanan mu themia kemiakokecü kekreiko pete rei sie Jeremia ki, “No meda bate, hie Kepenuopfü Jihova n ketsepie n bu, ‘Ijipt nu lhoutuoü tsu hie’ ishünu mo zo;

Jeremia 44:10

Ukoe thie ketso rei uko nou rünuolie mo morei michielie mo, morei a zho tsiu ae chünu di khapie nie mhodzünu mu nie puonuoko mhodzünu keshü nu tuolie mo.

Jeremia 7:26

sirei ukoe a pfhe rünyü mo, morei uko nyieto kereishü mo, derei uko vo meteithor. Ukoe uko puonuoko ki rei suokuokecü chüta.

Ezekiel 20:11

A a zhoko khapie uko tsüshü, mu a kepethadieko pie uko pekieshü, kehoupuorei süko medzikeliemia sügeinu rheilieketuoko.

Daniel 5:20

Derei puo nou rükrie sieta mu puo kemiako di puo nou reketa ki, kediba geinu puo khawa, tsiu puo zayieu puo geinu chüwa.

Hosea 6:5

Süla a siedzekesiko ze di uko dathewa, a a tie nu dieko pie uko dukhriwatuo, tsiu a ketsokecüu kezie tuoi vota.

Levimiako 18:5

Süla nie-e a zhoko mu ae pethokeshüzhoko zetuo, sikeliemia rheilietuo; Ae Jihova zo.

Mathi 19:17

Sitse Jisu sie puo ki, “No kiüdi a ki mha keviu dze ketsoya ga? Keviu sü mia puo rübei zo. No kerhei nu le nyü liro, diekhakeshüko zeliecie.”

LUK THUKESHÜ DIELIEKEVI 10:28

Sitse Jisu sie puo ki, “No kela toushüte, no hau chülie, silie liro no rheilietuo,” sishü.

Rommiako 10:5

Mosae thezho nunu miathokelie dze thu di “Kehoupuorei hako chüyakezhau rheilie zotuo,” sishü.

Galatiako 3:12

Derei thezho-u kepele nunu mo; sikecüumonyü “Kehoupuorei thezho-u nu chü morokesuoko chülie ro süko la rheilietuo.”

Pulakeshüzho 31:21

Tsiu mha kesuo mu kemezhiekecü kekra uko gei vorlie ro, tsali haue zhapu puo tuoi sier, uko petsoutuo, uko nuosenuoyieko tie nu tuo seituotuo, rükra mota mo di. Kekreilamonyü tsie a uko ze rüse di a pie uko tsütuo ükeshü kijüu nu vorshü moluokecü nu zorei, uko nei uko medo rhükezhü a si phre ba.”

Pulakeshüzho 31:27

Kekreilamonyü a no mia perhiepetsoukecü mu no kenyietokecü si; tsiu harie a thie rhei di nieko ze baluokecü nu, niekoe Jihova perhiepetsouta, mu a se sie we hapfülie lho zo.

Pulakeshüzho 4:26

nie Jordan tse pra di pevietuoükezhü kijüu nunu kaüjü mhaitaketuo, a thie tei mu kijü kiepie a zhapu chüya, nie sünu lhou pechalie lho, derei nie peka lotsowatuo.

Capiko 6:10

tsiu a nieko ki, ‘Ae Jihova nie Kepenuopfü zo, mu nie uko kijü nu keba Amormia rhuoko rüsuo lho,’ si. Derei niekoe a die rünyü mote.”