Nehemia 9:25 - Angami Naga CL (Re-edited) Bible (BSI)

²⁵ Sidi ukoe nadi kemeteiko tsiu kijü kekro-u lielie, mu kinu mha kevi pete keba, dzükhou thiepie keba, khubelie, siro oliv lie, mu nhasibo kekra welie, sidi ukoe cüükrie di u ketshukelhuo chülie, di luolie, mu n ketseikeviu nunu u neilie.

Nehemia 9:25 Iomraidhean Croise

Kediko Kerieu 14:9

N mhodzü kelhou pete ki rei mha kesuo chükuo, kekreilamonyü noe vo di n la terhuo mharhi kekreiko rhilie, mu mha thepezhapie mharhiko rhilie, sidi a nou chü kemeyie, tsiu a khapie n sietsa shüwate.

Kediko Kerieu 8:66

Teisozha thetha nhie puoe themiako ketsewa; mu ukoe japie kediu tsü, sidi Jihova puo kituou David, mu puo themia Israel la chükeshü mha kevi peteko la u nei mu u noumvü phi di u kinu vota.

Nehemia 9:35

Kekreilamonyü ukoe u kedirüvie nu n lie chülie mote, noe n ketseikevi nunu se uko tsü siro no khapie uko mhodzünu keshü kijü meya mu keviu nu, morei uko u kerüzhü mhatho nunu rüreilie mo.

Chieliko 105:44

Puoe seyieko kijüko khapie uko tsü, mu uko bu seyieko mhatho pevielie.

Chieliko 65:11

No n kemephruokemevuo pie teicieu keditsüre chüshü; mu n chako mha kevi bu puo ketshu chü.

Mhasidie 30:9

moro a pevülie tse, n phra mvüta, di sie, “Jihova sü supuo ga?” isita rei silie lhomu, morei mhajüta ro rüguta, di a Kepenuopfü za se thedo chüta rei silie lhomu.

Isaya 6:10

Themia hako melou bie kerüvowalie, mu uko nyie bie kerüvüwalie, mu uko mhi bie peciewalie, uko bu uko mhipie ngulie kelho, mu uko nyie pie rünyülie kelho la, mu uko melou pie mha silie, mu rüreilie di uko chü keshürholie kelho la,” si.

Isaya 63:7

Jihova a ngumezhiekeshü thoko, Jihova tshelie kesü mhathoko phrü lashütuo, kekreilamonyü süko pete Jihovae u la chüshü, mu puo ngukemezhie ki ze, puo kekhrie tshupfü di rüdi kemo ki ze, Israel kiu ngu puo nei phikecü se uko pekieshü.

Jeremia 2:7

A nieko ze mhakenyi kijü puo nu, nie bu süu si cütuoü mu süu keviu cütuo üdi nieko ze vorshü. Derei nie sünu lelie tse, niekoe a kijü bie perhuwa, mu a kayieu pie kerütse chüwa.

Jeremia 31:14

Ae mha pie zievoko ketshukelhuo chüshütuo, tsiu a tseiüvikeshü geinu a themiako u kelhuo chülietuo, Jihovae siya.

Jeremia 32:23

sidi sünu lelie di süu welie. Derei ukoe n die ze mo morei n zho nu tuolie mo, ukoe no chünukeshü yopuorei chülie mo. Süla noe mha kepeka hako pete pie uko gei vorshü.

Ezekiel 20:6

Sünhie a Ijipt nunu uko ze par di uko la a pfhüse keba kijü, mithunudzü krukezhü, kijü pete donu vi thedze chükecüu nu shüketuo rüseshü.

Daniel 11:24

Thededie khashü mo zo di puoe rüna kevithoko nu vortuo mu puo puonuokoe chü mo zokecü chü di mha peka, mhava mu uko kinyiko chüsetatuo. Puoe badiko petsou di mharhü sietuo, derei puotei huo la zotuo.

Hosea 13:6

Ae uko vachükeshü ki, uko u kelhuo chülie; uko u ketshukelhuo chülie, sitse uko nou kemiakota; süla uko a rükra mote.

Hosea 3:5

Süsie Israelmiako rürei la vorlie sidi Jihova uko Kepenuopfü pfhü mu uko kediu David pfhü lalietuo. Siro teisozha kenuotsa Jihova tsiu puo ketseikevi khrüprei nu vortuo.

Rommiako 2:4

Morei no puo kekhrie kezha, puo nou chakecü mu shügeshühiekezha rütseya me? No Ukepenuopfü kekhrieu thuo n cha thapie thenoukedilieya ükecü si mo me?

Pulakeshüzho 3:5

Hako pete nadi dahou chü kerükriekecü rüna, kharu kenienie mu cakha nyi phre, süko zo kemo kijü rüna kekra sa.

Pulakeshüzho 32:13

Puoe puo pie kijü kerükrie zü gei shü, sidi puo bu lie nu rüchükelieko cü; tsiekrie geinu mepfhidzü mu tier se puo theke;

Pulakeshüzho 32:14

kirinuoko geinu puo thunudzükhie, kiriko geinu puo nudzü, tekuonuo, mu tekuochü luokecüko, Bashan nu tekuochüko mu mvüdoko geinu rei, thoulha kemesathoko rei sa, se puo theke; khube zie nunu se kepar khubezu kevithopfü pie krie.

Pulakeshüzho 32:15

Jakob-e cü pevülie, mu Jeshurun luolie tse, phichapie mia mesüta. Noe luota, zhata, mhekeshü chülieta, cüpie pholieta! Sitse puoe puo chükeshü Kepenuopfü khawa, sidi puo kelakelie Tsiekrieu kreta.