Nehemia 9:22 - Angami Naga CL (Re-edited) Bible (BSI)

²² Siro noe kedibako tsiu themiako pie uko tsü, sidi uko kezapie kijü ke pete nu shü; süla ukoe Heshbon nu kediu Sihon kijü mu Bashan, kediu Og kijü welie.

Nehemia 9:22 Iomraidhean Croise

Chieliko 105:44

Puoe seyieko kijüko khapie uko tsü, mu uko bu seyieko mhatho pevielie.

Chieliko 78:65

Sitse Jihovae zezhü di cokelie tuoi sierlie, kekuomia puoe zu la shie ketha tuoi.

Jeremia 27:5

Kijüu, themia mu khunuo kijüu gei ketuoko, a kekuo kezha tsiu a bou yhapie chüshü, sidi süu pie a mhodzüki puotoukecümia tsüya.

Jeremia 32:23

sidi sünu lelie di süu welie. Derei ukoe n die ze mo morei n zho nu tuolie mo, ukoe no chünukeshü yopuorei chülie mo. Süla noe mha kepeka hako pete pie uko gei vorshü.

Ezekiel 20:28

Kekreilamonyü a uko ze rüse di uko tsütuo ükeshü kijü nu vorlie tse, uko kehoukipuorei kijükhru kerükrie morei seibo puonyü kerhei kehoupuorei ngu ro uko ruosuo chü di a nou chü kemeyie; sünunu uko mha kethengu khashü, tsiu kekrie ruosuo rukeshü la.

Pulakeshüzho 1:4

Puoe Heshbon nu keba Amorko kediu Sihon siro Ashtarot mu Edrei nu keba Bashan kediu Og penyükewa sie.

Pulakeshüzho 32:26

Ae uko bie kezawa di themia donu uko dze si sa kemo chüwaketuo lesie,

Pulakeshüzho 4:46

Mosa mu Israel nuonuokoe Ijipt nunu kepar ki puoe penyükewau Heshbon nu keba Amorko kediu Sihon kijü, Jordan tsekepra Bet-peor rütsietsa razhau nu.

Pulakeshüzho 4:47

Sidi ukoe puo kijü mu Bashan kediu Og kijü lielie, hanieha Jordan niathutsa keba Amorko kedinie zo.

Joshua 10:11

Ukoe Israel mhodzü ta di Bet-horon nu kekezhü ki, Jihovae teigei nu prü kezhazha pekrüshü di Azeka ketso uko vakhri vota. Israelko bu zhiecha pie uko dukhrikecüko ki rei prü bu tsur pekhrikewako we krakuota.

Joshua 11:23

Jihovae Mosa ki pukeshü tuoi di Joshuae kijüu pete lielie; sidi Joshuae Israel bu puo kayie chünu di kezapie seyie puopuo ya chüshü. Sidi kijüu terhü kechü nu rüleilie.