Nehemia 9:21 - Angami Naga CL (Re-edited) Bible (BSI)

²¹ Teicie hiedia noe uko theke vor, sidi ukoe mhapuo nu rei tsopfhü mo, uko pfhenei suota mo, mu uko phi rümieta mo.

Nehemia 9:21 Iomraidhean Croise

Chieliko 34:10

Losha nuonuoko rei tsopfhü di merüya, derei Jihova pfhüyakezhamia we tsopfhütalie lho.

Toukepra 16:35

Mu Israelkoe cie hiedia manna cü, ukoe themia lhoulie kevi kijü nu vor tsolie kemochie, Kanan kijü rie nu vorlie kemochie, ukoe mannau cü.

Amos 5:25

He-i Israel kinuko, nie rayha nu teicie hiedia ketuo ki ruosuoko tsiu mha khapie a tsü me?

Mhakechüko 13:18

Sidi puo cie hiedia mese rayha nunu uko theke vor.

Pulakeshüzho 2:7

Jihova n Kepenuopfüe n dzie mhatho pete nu japie n tsü; puoe no rayha kezha hau pfüthe kevo ki, cie hiediako nu Jihova n Kepenuopfüe n ze tuo; no mhapuorei tsopfhüta mo.”

Pulakeshüzho 29:5

A cie hiedia rayha nu nieko cha tha tuote. Nie geinu pfhenei prieta mo; mu n phi geinu n phikou suota mo.

Pulakeshüzho 8:2

Mu puoe n chü kerünuoshütuoü mu n dojü tsiu n nou kedipuo ba shikecü sishüketuo la Jihova n Kepenuopfü rayha nu cie hiedia n ze tuokecü no rükra se tuoliecie.

Pulakeshüzho 8:4

Cie hiedia hako nu, n pfhenei n geinu prieta mo, mu n phi rümieta mo.