Nehemia 9:20 - Angami Naga CL (Re-edited) Bible (BSI)

²⁰ Noe n Ruopfü keviu bu uko pethashütuoü khashü tsü, tsiu uko me nunu n manna khawa mo, mu uko terhü la dzü khashü tsü.

Nehemia 9:20 Iomraidhean Croise

Nehemia 9:30

Noe teicie kekra uko gei shükhreshühie vor, sidi n siedzekesimia geinu n Ruopfü se di uko pethashü, sizo shierei ukoe unyie kereishülie mo; süla noe uko khapie kijüu nu themiako dzie nu shüwa.

Chieliko 105:41

Puo tsiekrieu khrüshü, sitse dzüko kru parlie, süko kerü puo tuoi rayha nu kru vota.

Chieliko 143:10

A bu n medo-u chülieketuo a pethashücie; no sü a Kepenuopfü zocü la. N ruopfü vi zocüu bu a cha tha ze kemezhü nu vocie.

Toukepra 16:15

Israelmiakoe süu ngu tse, ukoe huoniehuo ki, “Hau kedipuo ga?” Ukoe süu kedipuo shikecü si kemo la. Süla Mosae uko ki, “Hauha Jihovae nie bu cünu di khakeshü niekhrüdau we.

Toukepra 16:35

Mu Israelkoe cie hiedia manna cü, ukoe themia lhoulie kevi kijü nu vor tsolie kemochie, Kanan kijü rie nu vorlie kemochie, ukoe mannau cü.

Toukepra 16:4

Süsie Jihovae Mosa ki, “Harie, ae teigei nu nieko la niekhrüda perüshütuo; sidi themiako bu teisonhie pra di khunhiekhunhie va touu pfhü kengutuo, ukoe a thapie kiekeshüu nu tuotuo mo lho shikecü a bu uko rüli silieketuo la.

Toukepra 17:3

Derei themiakoe sünu terhü di dzü krie nyülie, sidi Mosa gei panya di sie, “Kiüdi no Ijipt nunu hieko ze par di, hieko nuonuoko mu hie khuriko bu terhü di siatatuo üya ga?”

Toukepra 17:6

Harie, a Horeb nu tsiekrieu gei n mhodzünu thatuo. Noe tsiekrieu vüshütuo mu süu nunu dzü partuo, themiako bu krielieketuo la.” Ru Mosae Israel phichüko mhinguki nu sükemhie chüshü.

Isaya 48:21

Puoe uko ze kijükesiako cie kevo ki uko terhüta mo; puo uko la ketsie geinu dzü bu kru par; puo ketsieu biekhoshü ru dzü rüluo par.

Isaya 49:10

Ukoe terhümerülie lho, teikhrie kele morei niaki uko bie pesuowalie lho, uko ngumezhiekeshüu thuo uko cha thataketuo la, mu puoe dzüluo kenyira uko ze votuo.

Hagai 2:5

nieko Ijipt nunu kepar ki a nieko ze dietseidiekhokelie die phrakeshü mhie di. A ruopfü nieko donu ba zo; michie hiecie.

Nuolhoutsüphrü 11:17

Sitse ae sünu ker di n ze kerüchütuo; sidi a ruopfü n gei keba huo chüpie uko gei shütuo; sitse ukoe n ze di themiako pieu kezapfülietuo, sidi n bu n rübei pfü molietuo.

Johan 4:10

Jisu sie puo ki, “No Ukepenuopfü mha methuo khashüyakezha si, mu n ki, ‘Dzü pie a bu kriecie,’ ikethau supuo shicü si ücüwe, no puo ki mha chatuo, mu puo kerhei dzü khapie n tsütieciü.”

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Rommiako 15:30

Siro a zenuoko, u Niepuu Jisu Khrista lanu mu Ruopfüu kinu kepar kekhrieu la, a ze di nie teitsochü Ukepenuopfü ki a la cha banuya,

Korintmiako Kerieu 10:3

tsiu u pete rei ruopfü ca kecü puo cü,

Efesako 5:9

kekreilamonyü kevi mu kemezhü tsiu ketho pete nu kezieu si ngulieyacü la.

Joshua 5:12

Sidi ukoe kijüu nu lhoukelie vie cükelie sienhie manna tsur sa mota; mu Israelko manna cü sa mota, sidi teicie süu nu Kanan nunu ciekelie vie cüta.

Pitor Kenieu 1:21

Kekreilamonyü siedzedie puorei themia medo nunu sede mo, derei Kemesa Ruopfü thuo hükeshü geinu themia bu Ukepenuopfü kinu se pu kepar zo.