Nehemia 9:19 - Angami Naga CL (Re-edited) Bible (BSI)

¹⁹ noe n kekhrie nyi rei nyithorkecü nunu nha nu uko khawa mo; khinhie gei kimhou co-u uko tseta mo di uko chau nu volie morei teizei gei uko bu voketuo chau nu volieketuo la, kezieu khashütuoü miü co-u uko tseta mo.

Nehemia 9:19 Iomraidhean Croise

Nehemia 9:12

Khinhie gei kimhou co puo nunu uko cha tha, mu theva gei uko voketuo cha nu kezie khashüketuo miü co puo nunu uko cha tha.

Nehemia 9:27

Süla noe uko khapie uko ngumvümia dzie nu shüwa, sükoe uko pechüpenyü; tsiu ukoe kemezhiekelie ki, uko n ki u mezhiemelo tse, noe teigei nu uko pfhe silie; sidi n kekhrie nyithorkecü nunu noe uko ngumvümia dzie nunu uko kelalieketuo khashü uko tsü.

Nehemia 9:31

Sirei noe mia khrielekhriethorkecü la uko peka lotsowa mo, morei uko khawata mo; kekreilamonyü noe ngukemezhie tsiu kekhrie Kepenuopfü puo zocü la.

Chieliko 106:45

Puoe uko la puo dietseidiekho-u rükrashü, tsiu puo kekhrie kenyi ki ze puo nou rükreta.

Chieliko 136:16

puo themiako cha tha ze rayha nu vokelieu, puo kekhrie rüdirüli kemoe kechachie baya;

Toukepra 40:36

Uko rüve pete nu, rüsuopfhekiu mhonu kimhouu sesieta ro Israelmiakoe tuoshütuo;

Toukepra 40:38

Uko rüve pete nu Israel kinumia peteko mhingu nu khinhie gei ro Jihova kimhoue kemesachüu mhogei ba, mu theva gei ro sünu mi tu batatayacü la.

Isaya 44:21

Hako rükraliecie, he-i Jakob, mu Israel, noe a kituou zo eru; a thuo n chüshü, no a thekeu zo; he-i Israel, a n rükra moketa chülie lho.

Thekrü 3:22

Jihova kekhrie rüdirüli kemo-u mhakipuorei jütaya mo, puo u ngukemezhie puo thela jü;

Ezekiel 20:14

Derei a za la mhachü, sidi uko bu seyieko, u mhinguki nu uko ze parkeshüko mhodzünu uko perhuwa molietuo üdi.

Ezekiel 20:17

Sishierei a mhi uko therüta mo, sidi a uko pekawa mo morei rayha nunu uko peka tseiwa mo.

Ezekiel 20:22

Derei a dzie kethewa, sidi a thuo a za la mhachü, uko bu a uko mhingu nunu uko ze parkecü seyieko mhodzünu u perhuwa motuo üdi.

Daniel 9:18

N nyie kedeishüyi, he-i a Kepenuopfü sidi rünyüshücie. Mhirho pie hie ruozhüketako mu nadi n za se kebau mehoshücie. Hie hie miatho nunu n ki chaya mo, derei no mia ngumezhie phiyakezha la zo.

Daniel 9:9

Ngukemezhie siro kejo vakelie sü Niepuu hie Kepenuopfü vie zo, hie puo perhie di jowatacü la,

Malaki 3:6

Kekreilamonyü a Jihova rüdirüliya mo; süla nieko, He-i Jakob nuonuoko, kaüjüta mo.

Nuolhoutsüphrü 14:14

mu ukoe kijü hau nu lhou kebako ki pushütie, no Jihova themiako hako donu bakecü ukoe site; harie Jihova, mia bu mhotsou n nguwate, mu n kimhou bu uko mhogei zhate, siro no khinhie gei ro kimhou nu mu theva gei ro mi nu idi uko mhodzü tuoyakezha la.

Pulakeshüzho 8:2

Mu puoe n chü kerünuoshütuoü mu n dojü tsiu n nou kedipuo ba shikecü sishüketuo la Jihova n Kepenuopfü rayha nu cie hiedia n ze tuokecü no rükra se tuoliecie.

Samuel Kerieu 12:22

Jihovae puo die phrashüte, mu puoe puo themiako khawalie lho, Jihova nieko bu puo themia chüketuo puo medoliete.