Nehemia 9:16 - Angami Naga CL (Re-edited) Bible (BSI)

¹⁶ “Derei uko siro hie puonuoko kemiakota, mu u nou reta, sidi no diekhakeshüko ze mvüta.

Nehemia 9:16 Iomraidhean Croise

Kediko Kenieu 17:14

Ukoe uko puonuoko tuoi, Jihova uko Kepenuopfü pele moketa tuoi rünyü mvü di uko nou reta.

Seyiedze Kenieu 29:6

U puonuokoe dietho mo di Kepenuopfü Jihova mhodzü kesuo chüwaketa la; uko puo meliewa, di Jihova kebachü nunu u zie kereilie, mu u sietsa kereishüte.

Seyiedze Kenieu 30:8

Nieko puonuoko kemhie di pietsümvükecü chüta hie, derei nie thuo nie khapie Jihova tsülie, di puo kemesachüu nu puoe kechachie la chü kemesalieketau nu vorlie, sidi nie Kepenuopfü Jihova lie chü di puo bu nie kinu puo noupfhüu seketa chülie.

Seyiedze Kenieu 36:13

Puoe kediu Nebukadnezar puo bu Kepenuopfü za se di rüsekeshüu ngumvü sata; puoe Jihova, Israel Kepenuopfü ki rürei lalietuoü mo di pietsümvü mu puo nou reta.

Nehemia 9:10

Siro zasiko tsiu u ngoko chüpie Faro mu puo kituoko, mu puo kijü nu themia peteko kieshü, kekreilamonyü ukoe hie puonuoko gei uzhosuokecü noe sikecü la. Sükemhie di noe tsiedo teiki kemhie n za pesishüte.

Nehemia 9:29

Siro noe uko bu n zho-u nu rürei la vorlieketuo la uko pethashü, sirei uko kemiako di n diekhakeshüko ze mvüta, sidi noe pethokeshüzhoko varhuo di phouma, süko mia puoe chüüzelie ro puoe rheilietuo, derei uko u bouka kereilie, mu u nou chü perelie, tsiu rünyülie lho üte.

Chieliko 106:6

Hie mu hie puonuoko rei phoumawate, hie kejokemou chüwate, hie rüzhü phiwate.

Chieliko 81:8

Rünyüliecie, Harie a themiako, a nie tarho ketha ki! He-i Israel, no a pfhe rünyülietuo üro;

Toukepra 15:26

“Niekoe pecü di Jihova nie Kepenuopfü pfhe rünyü, puo mhinguki mezhükecüko chü, puo diekhakeshüko rünyü mu puoe chünukecüko zeya ro, a Ijiptko gei kechü khakeshüko puorei pie nieko gei shülie lho; Ae Jihova, nie chü keshürhokeshüu zo.”

Toukepra 32:9

Siro Jihovae Mosa ki, “A themia hako ngushüte, mu harie, uko sü pietsümvükecü themia kro puo zo;

Mhasidie 29:1

Tsiemelie u pethashü zorei, kenyietota ro, süu bietshewatuo mu chü pevi lalie lhotatuo.

Isaya 48:18

He-i, nieko a diekhakeshüko rünyülie ücü we! Sitse nie kruokelie-e kerü puo tuoilietuo, mu nie vikelie-e dzükezha rüpfhü tuoilietuo;

Isaya 48:4

Kekreilamonyü ae no kenyietokecü si, mu n vo nyhie thegi se chü tsiu n teikhie mese se kechü si.

Isaya 63:10

Derei ukoe keperhie di puo kemesa ruopfüu thepesuo; süla puoe uko ngumvü chüta, di puo thuo uko perhiepetsouta.

Jeremia 19:15

Krodiko Jihova, Israel Kepenuopfüe puya: Ae nadi hanu mu puo nado pete nu kepeka dze pukeshü pete se vortuo, kekreilamonyü uko vo meteithor di a die rünyü mvüketa la.

Jeremia 2:31

Siro nieko, he-i themia phou, Jihova die rünyüliecie! Ae Israel mhodzüki rayha puo mhiei, zeibouikecü kijü puo kemhieta zo memu? Kiüdi a themiakoe, “Hie hie medo chülie vite, hie n ki vor salie lhote” iya ga?

Jeremia 7:26

sirei ukoe a pfhe rünyü mo, morei uko nyieto kereishü mo, derei uko vo meteithor. Ukoe uko puonuoko ki rei suokuokecü chüta.

Ezekiel 5:6

Derei puoe a zhoko mu a kepethadieko petsoute, seyieko mu rünako puokhie puomhou houpfü kebako pete ki rei suokuote, a zhoko melie mu a kepethadieko medzi mvüte.

Mhakechüko 7:51

“Harie pietsümvükecü themiako, umelou mu unyie zhürekemo, nieko rei nie puonuoko mhiei Kemesa Ruopfü petsou seiya.

Rommiako 2:5

Derei n nou kekhrükere mu mengalie kemo la puo noupfhü teisozhau, Ukepenuopfüe kemezhü capi chüketuo pesikeshü nhie la n thuo noupfhüu kengu keba ze.

Pulakeshüzho 31:27

Kekreilamonyü a no mia perhiepetsoukecü mu no kenyietokecü si; tsiu harie a thie rhei di nieko ze baluokecü nu, niekoe Jihova perhiepetsouta, mu a se sie we hapfülie lho zo.

Pulakeshüzho 32:15

Jakob-e cü pevülie, mu Jeshurun luolie tse, phichapie mia mesüta. Noe luota, zhata, mhekeshü chülieta, cüpie pholieta! Sitse puoe puo chükeshü Kepenuopfü khawa, sidi puo kelakelie Tsiekrieu kreta.

Pulakeshüzho 5:29

He-i, uko bu haikecü noule se sei di a prei mu a diekhakeshüko zeücüwe, uko thuo rei mu uko nuonuoko rei kechachie lhou rüülie tuomuru!

Pulakeshüzho 9:13

Sizomonyü Jihovae a ki, “Ae themia hako ngushüte, mu harie, ukoe pietsümvücü themia,

Pulakeshüzho 9:27

N thekeko, Abraham, Isak mu Jakob rükrashücie: themia hako nou kere, morei uko kerüzhü morei uko kephouma mehota hiecie.

Pulakeshüzho 9:6

Süla siliecie, Jihova n Kepenuopfüe kijü kevi hau n bu wetuo üdi pie n tsükeshü n kevi la mo zo, noe pietsümvücü themia kro puo zo eru.

Ibriko 3:13

Derei kephouma bu nieko miapuorei sewa di thenou reta molieketuo la “Thie” ikeba chie, nieko teisonhie huoniehuo tarho ba zolie.

Ibriko 3:15

Süu pukeshü, “Thie, nieko puo pfhe silieta ro, thiedzü puo nei kemo kechü tuoi nie nou reta hiecie,” si.