Nehemia 9:14 - Angami Naga CL (Re-edited) Bible (BSI)

¹⁴ Sidi n kituou Mosa dzie nunu, n kemesa sabat-u pekieshü, tsiu diekhakeshüko mu chünukecüko mu thezhoko khashü uko tsü.

Nehemia 9:14 Iomraidhean Croise

Keriekitho 2:3

Siro Ukepenuopfüe japie zha thenie gei shülie sidi süu chü kemesalie; Ukepenuopfüe sünhie puo mhatho kheko nunu rüleikelie la.

Nehemia 1:8

No n kituou Mosa ki diekhakeshüu rükrashücie, süu pukecü, ‘Mhanuü nieko a gei dietholie moliro; a nieko pie seyieko donu cürewatuo.

Nehemia 10:32

Süsie rei hie hie thuo teiciekepra shekel se-zapuo pie Kepenuopfü kiu lietho la setuoü thezho chülie.

Toukepra 16:23

sitse puoe uko ki, “Jihova diekhakeshüue hakemhie: ‘Sodu kerüleizha ketho puo, Jihova la sabat kemesau; no rie nyü kebau rielie mu cha nyü kebau chalie, mu sükezieko khapie ba khise tsolie.’ ”

Toukepra 16:29

Mehocie! Jihova sabat pie nie tsüshü; süla zha sorou nhie puoe zha kenie ca pie nie tsüshüya; nie kehoupuorei nie chü nu balie, mia puo bu rei zha thenie nhie puo chü nunu pra hie.”

Toukepra 24:12

Jihovae Mosa ki, “Kijüthou gei a ki khorlie, di sünu pfhe balie, siro ae thezho mu diekhakeshüko uko kepetha la a thuo thukelie, ketsie tsiekranie pie n tsüshütuo.”

Ezekiel 20:11

A a zhoko khapie uko tsüshü, mu a kepethadieko pie uko pekieshü, kehoupuorei süko medzikeliemia sügeinu rheilieketuoko.

Ezekiel 20:12

Sümho rei a sabatko pie uko tsüshü, uko mu a donu zasi puo chütuo üdi, sidi uko bu a uko chü kemesashüyakezha Jihova zo ücü silieketuo la.

Ezekiel 20:20

Siro a sabatko se kemesalie, süu a mu nieko donu zasi puo zo, nieko bu ae Jihova nie Kepenuopfü zo ücü silieketuo la.

Levimiako 19:3

Nie kehoupuorei puo zuo mu puo puo rhutuo, mu nie a sabatko se batuo: A Jihova nie Kepenuopfü zo.

Levimiako 27:34

Hako Jihovae Israelko la Sinai kijüthou geinu se Mosa tsükeshü, diekhakeshüko zo.

Johan 1:17

Mosa geinu thezho-u khashü; derei ngukemezhie mu ketho-u we Jisu Khrista geinu zo.

Pulakeshüzho 4:45

Hako Mosae Israel nuonuoko Ijipt nunu kepar ki uko ki pukeshü ahzako, chünukecüko mu pethokeshüko, siro diekhakeshüko.

Pulakeshüzho 4:5

Harie, Jihova a Kepenuopfü a ki diekhakeshü tuoi, ae chünukecüko mu pethokeshüko pie nieko pethashüte, süusü nie bu vo pevielietuoükezhü kijüu nu chüüzelieketuo la.

Pulakeshüzho 5:31

Derei no we a khieki thalie, siro ae diekhakeshüko tsiu chünukecüko mu pethokeshüko n bu pupie uko kieketuoko se n ki pushütuo, uko bu ae se uko tsüketuo kijüu nu chüüze tuolieketuo la,” sishü.