Nehemia 9:10 - Angami Naga CL (Re-edited) Bible (BSI)

¹⁰ Siro zasiko tsiu u ngoko chüpie Faro mu puo kituoko, mu puo kijü nu themia peteko kieshü, kekreilamonyü ukoe hie puonuoko gei uzhosuokecü noe sikecü la. Sükemhie di noe tsiedo teiki kemhie n za pesishüte.

Nehemia 9:10 Iomraidhean Croise

Nehemia 9:16

“Derei uko siro hie puonuoko kemiakota, mu u nou reta, sidi no diekhakeshüko ze mvüta.

Nehemia 9:29

Siro noe uko bu n zho-u nu rürei la vorlieketuo la uko pethashü, sirei uko kemiako di n diekhakeshüko ze mvüta, sidi noe pethokeshüzhoko varhuo di phouma, süko mia puoe chüüzelie ro puoe rheilietuo, derei uko u bouka kereilie, mu u nou chü perelie, tsiu rünyülie lho üte.

Chieliko 83:18

Uko bu n rübei, puo zae Jihova ücü siliecie, kijü pete mho Kerükrietho-u.

Toukepra 18:11

Tsie we a Jihova terhuo kekrei pete ki zhakuokecü siliete, kekreilamonyü puoe Ijiptmiako uko gei kelhie phi keba nunu uko ze parlieketa silie.”

Toukepra 3:20

Süla a a dzie yhashütuo, sidi a sünu u ngokecü chüshüketuoko pie Ijipt vüshütuo; süsienu puo nieko bu tuolietuo.

Toukepra 5:2

Derei Faroe sie, “Jihova supuo di a bu puo pfhe rünyü di Israelko bu tuotatuo ga? A Jihova si mo, sizomonyü a Israelko bu tuotalie lho.”

Toukepra 7:1

Sitse Jihovae Mosa ki, “Mehoshüyi, a Faro mhodzüki n pie Kepenuopfü tuoishütuo, mu n dzürieu Aron bu n siedzekesiu tuoishütuo.

Toukepra 9:16

Derei hau la a n perheipie ba, a kekuo pie n pesishütuoü, kijü pete nu a za pu pesishüketuo la.

Isaya 42:20

Puoe mha kekra nguya, derei süko leshüya mo; puo nyieki cie, derei puo mhapfhe siya mo.

Isaya 63:12

puo zayie bou bu Mosa dzie thezatsa vokeshüu, puo thuo puo za pie kechachie baketuo la, uko mhodzünu dzüko ketsieyakeshüu,

Isaya 63:14

Periko razhau nu ketsu tuoi, Jihova ruopfüu kerülei pie uko tsü. Sidi no n za bu vithedze chüketuo la n themiako cha thashü.

Jeremia 32:20

Noe Ijipt kijü nu zasiko mu u ngoko chüshü, thie ha rei sükemhieya Israel nu rei tsiu themia kekreimia donu rei, sidi n thuo n za chülie, thie ha kemhie di;

Ezekiel 20:9

Derei a za la mhachüshü, uko bu pelekemomia donu lhou bayakezhako mhinguki nu a perhuwa molie, mu uko mhinguki nu Ijipt kijü nunu uko ze parkeshü geinu a thuo a chüpie uko pesipengukeshüko la.

Daniel 4:37

Süla tsie a, Nebukadnezar, teigei kediu tsheshü, pu kerükrie mu rhukeshü puo mhatho pete ketho zo, puo zhoko kethocau zo, mu puoe kemiako tuoyakezhako chü kerünuowaya.

Daniel 5:23

No n thuo n chü kerükriepie teigei Niepuu mho shüwate! No rüsuokiu nu mhakhouko se n mhodzünu vor, sidi no mu n krütako, n kimiako tsiu n pelipfüko süko nunu zu krie. Noe rakachü siro suna, mese, thegi, sei tsiu ketsie rhuoko rüsuo, sükoe mha ngu morei silieya mo; derei n keha puo dzie nu keba Ukepenuopfü mu n chako pete puo vie zokecüu, no süu rhulie mote.

Daniel 9:15

“Siro tsie, he-i Jihova hie Kepenuopfü, n dzie kekuo se Ijipt kijü nunu n themiako ze parlie sidi thie ketso n za meyie ba, hie phoumawate, hie kerüzhü mhatho chüwate.

Mhakechüko 7:36

Puo Ijipt nunu mu Kemerie Dzükezha nu siro cie hiedia rayha nu ketuo ki u ngoko mu zasiko chü di themiako ze parshü.

Rommiako 9:17

Kekreilamonyü kethodie-e Faro ki pukecü, “A n geinu a kekuo pesishü di a za pie kijü pete nu pushüketuo la a n se sierkeshü zo.”

Pulakeshüzho 4:34

Morei Jihova nie Kepenuopfü Ijipt nu nie mhi kinu nie la mha pete chükeshü tuoi terhuo puorei seyie kekrei puo donunu mhadojükecü, zasiko, ungothoko, mu terhü chü di kekuo dzie se, mu puo bou yhapie, mu kemeriekecü chü di puo thuo puo la seyie puo zekelie ba me?

Pulakeshüzho 7:19

kemezhiekecü kezha kevor n mhipie kenguko, zasiko, u ngoko, tsiu Jihova n Kepenuopfüe puo dzie kekuo mu puo bou yhapie nie ze kepar-u rükralie. Jihova n Kepenuopfü sükemhie chüpie no uko preikebako pete gei shütuo.

Pitor Kerieu 5:5

Sütuoi khriekesako, nie rei phichüko khrükhro balie. Mu nie kehoupuorei rünuopie ketsükecü ha üse nie pedzielie, kekreilamonyü “Ukepenuopfü kokezhamia mese chüya, derei ngukemezhie pie thenou kemenemia tsüya.”