Nehemia 8:8 - Angami Naga CL (Re-edited) Bible (BSI)

⁸ Sidi uko Ukepenuopfü zho leshüdau nunu phrü kemecie tsuoishü, sidi kiüba shikecü thashü, mu uko bu phrükeshü cau silie.

Nehemia 8:8 Iomraidhean Croise

Kediko Kenieu 23:2

Sitse kediue Jihova ki nu kho, mu Juda themia pete tsiu Jerusalem nu lhou keba pete, zievoko mu siedzekesiko, siro themia kecükezha pete puo ze kho; sidi puoe Jihova ki nu ngukelie dietseidiekhokelie leshüdau nu dieko pete phrüpie uko nyie nu shü.

Ezra 4:18

Mu tsie nieko ketsepie hie ketsü leshüu phrü menuopie a kieshüte.

Nehemia 8:12

Sidi themia petekoe mhacümhakrietuoü mu mha pie huoniehuo tsütuoü mu u kenei tei batuoü u thuo u cha nu vota, ukoe uko ki pukeshü dieko silieketa la.

Nehemia 8:7

Süsie rei Jeshua, Bani, Sherebia, Jamin, Akub, Shabethai, Hodia, Maseia, Kelita, Azaria, Jozabad, Hanan, Pelaia mu Levikoe, themiako khruohipie uko bu thezho-u ca silie; mu themiako u tha nu tha zo.

Nehemia 8:9

Süsie Nehemia, ahng, zievo-u mu thezhokepethau Ezra, tsiu Leviko mia pethayakecüko sie themiako ki, “Teisozha hau Jihova nie Kepenuopfü kitsatie mesa; süla thenousuo morei kra hie,” sishü. Themia petekoe thezho-u dieko silie tse kratacü la.

Nehemia 9:3

Tsiu ukoe u thako nu thalie, sidi teisozhau za dia-zapuo pie Jihova uko Kepenuopfü zho leshüdau phrü; mu za dia-zapuo kekreiu pie uko kejo phra di Jihova uko Kepenuopfü rüsuo.

Ezekiel 46:10

Uko keler ki kedinuou uko ze lertuo mu uko la kepra ki puo rei pratatuo.

Habakuk 2:2

Sitse Jihova a pfhekhoshü sidi a ki: Ziemho-u thuliecie; mu süu thu kemecümecieshülie, süu kephrümia bu se ta volieketuo la.

LUK THUKESHÜ DIELIEKEVI 24:27

Sidi puo sie Mosa leshüko mu siedzekesiko thukeshüko pete nu sede di Kethodieko nu puo dze thupie ketuoko pete ca vatshapie unie kieshü.

LUK THUKESHÜ DIELIEKEVI 24:32

Sitse unie thuo kerüchü di, “Puo cha nu avu ze di kethodieko ca vatshapie avu kieketuo ki avu nou leloupfütuo zo mo me?”

LUK THUKESHÜ DIELIEKEVI 24:45

Sidi puo uko nou shüphreipie uko bu kethodieko ca silieketuo chüshü,

Mhakechüko 28:23

Süla uko khunhie puo vor puo ze keseketuo zhau chielie tse sünhie uko themia kekra puo bayakezha kiu nu vorlie. Siru puo khise nu vo theva ketso Ukepenuopfü kedi dze pu menuopie uko kieshü, mu puo uko bu Jisu dze si toulieketuo la Mosa zho-u nunu mu siedzekesiko leshüko nu kepu cako vatsha menuoshü.