Nehemia 8:16 - Angami Naga CL (Re-edited) Bible (BSI)

¹⁶ Süla themiakoe vo di süko se vorlie, sidi mia puopuokecü puo kitie nu, siro kitiezha nu, Ukepenuopfü ki kitiezha nu, mu Dzü Kharu nu, tsiu Efraim Kharu chapfüu nu, u thuo u la pru chü phrelie.

Nehemia 8:16 Iomraidhean Croise

Samuel Kenieu 11:2

Si ba di thevatie, David-e puo zhü nunu sielie di kediu ki mhogei rühou tuo, sitse puoe ki mho geinu thenumiapfü puo dzürülu keba ngu; thenupfü zivithor.

Kediko Kenieu 14:13

Sitse Jehoash Israel Kediue Bet-shemesh nunu Ahazia nuou süu Jehoash nuou Amazia Juda Kediu telie, sidi puo Jerusalem nu vor di Jerusalem dahou Efraim nunu vo Puoke nu Kharuu ketso, thu krie dia biemewa.

Seyiedze Kenieu 20:5

Sitse Jehoshafat-e Juda mu Jerusalem kehouu metsuo nu thalie, kiu kitiezha kesau mhodzünu,

Seyiedze Kenieu 33:5

Tsiu puoe ruosuobako chüpie teigei krodiko la Jihova kiu nu kitie lhanie nu ba.

Nehemia 12:37

Siro ukoe Dzüluo Kharu kinu mezhü zo David nadiu chapra gei khota, dahou gei kekho nu, David ki mho gei, niathutsa Dzü Kharu tsatie.

Nehemia 12:39

Siro Efraim Careu mho, mu Care Keweu mho, siro Khuo Careu, tsiu Hananel dahou, siro Krie dahou, sidi Tekuo Careu ketso: mu ukoe Kedieki Care ki kemekrie di thata.

Nehemia 3:26

mu rüsuokiu kethekeko Ofel nu lhoukebakoe niathutsatie Dzü Kharu petsou keba dahou pfhepie kebau ketso chü.

Nehemia 8:1

Siro khrü thenieu vorlie mu Israelko u thuo u rüna nu lhoukelie ki themiako pete keze puo chülie di Dzü Kharu mhodzünu chapfüu nu vo kengulie, sitse ukoe Ezra thezhokepethau bu Mosa zho leshüdau, Jihova khapie Israel tsükeshüu se vorlienushü.

Nehemia 8:3

Mu puoe Dzü Kharuu chapfüu mhodzünu khise nu vo khinhie ketso, thepfumia siro thenumia puocapuola silie kevimiako mhodzü nunu süu phrüshü, mu themia pete u nyie kedeipie thezho leshüdau rünyülie.

Jeremia 19:13

Siro Jerusalem kiko mu Juda kediko kiko Tofet thechüu tuoi perhuwatuo, u kiko kitieko nunu ruosuo chüpie teigei krodiko pete tsü, tsiu ruosuo rupie terhuo kekrei tsüketa la.

Jeremia 32:29

Siro Chaldiamia nadi hau ze kegeikecüko, vor di mi pie nadi hau thetuo, sidi kiko thewatuo, süko kilha peso geinu ukoe kethengu thepie Baal tsü tsiu kekrie ruosuo rupie terhuo kekrei tsü, di a nou chü kemeyie.

Pulakeshüzho 22:8

No ki kesa puo chü ro, n ki mhogei puokhie houkecü puo chütuo, mia bu sügeinu tetsu di thezie thejo-u pie n kiu gei vor molieketuo la.