Nehemia 8:12 - Angami Naga CL (Re-edited) Bible (BSI)

¹² Sidi themia petekoe mhacümhakrietuoü mu mha pie huoniehuo tsütuoü mu u kenei tei batuoü u thuo u cha nu vota, ukoe uko ki pukeshü dieko silieketa la.

Nehemia 8:12 Iomraidhean Croise

Seyiedze Kerieu 29:22

Sidi uko sünhie u nei phi di Jihova mhodzünu mhacümhakrielie. Sidi uko va kenieu David nuou Solomon bu kedi chü; siro uko puo kenhepie puo bu Jihova kedinuou chü, mu Zadok bu zievo chü.

Nehemia 8:10

Süsie puo sie uko ki, “Nie cha nu volie, mha kelhe cha cülie mu mha kemou krielie, sidi mha pie mhapuorei keseliekemomia tsüshülie; kekreilamonyü teisozha hau Jihova kitsa mesa; mu nie nousuota hie; Jihova keneiu sünie kekuou zocü la.”

Nehemia 8:11

Süla Levikoe themiako kekha di sie, “Kemekrietalie, teisozha hau mesacü la, nie nousuota hie.”

Nehemia 8:13

Süsie teisozha kenie nhie, thezho leshüdau nu dieko silietuo üdi, themia peteko u puonuoko kinuko donu krütako, zievoko mu Leviko vor Ezra thezhokepethau ki kengulie.

Esther 9:22

tsiu teisozha sünie Judamia ungumvümia dzie nunu thenousuo ketuo nu thenou kenei ngulie, tsiu kekra nunu kerülei ngulie; süla uko bu teisozha süko pie thehethehie chü mu mha pie huoniehuo tsüüza, siro mha methuo pie kejümia ketsü tei chülienushü.

JOB LESHÜDAU 23:12

Ae puo tie nu diekhakeshüko therhieta mo zo; a puo tie nu dieko pie a merü nu kevie se tuo zo.

Chieliko 119:111

N ahzako a la kechachie kayie chü, süko a melou nu keneiucü la.

Chieliko 119:127

N diekhakeshüko a nei zo, suna ki rei, u, suna kemesatho ki rei a nei.

Chieliko 119:130

N dieko hiekeshü ki kezie parya; süue kesikele pie miamomia tsüshüya.

Chieliko 119:14

Ae n zhapuko chau nu a neiya; kishükinyi neiü la u neiyakezha de.

Chieliko 119:16

N diekhakeshüko nu a neituo; a n die rükra mota lho.

Chieliko 119:171

A tie-e n tshetuo, noe chünukecü n zhoko pie a pethakeshü la.

Chieliko 119:174

He-i Jihova, a n kelakelie mengu, mu n zhoe a keneiu zo.

Chieliko 119:72

N tie nu zho-ue a la sunaraka nyienyie ki rei vikuo.

Chieliko 119:97

Hou, kide n zho a nei shi! a zhate süu leümedoya.

Jeremia 15:16

N dieko ngulie, sidi a süko cülie, mu n diekoe a nou chü pemvü mu a neilie; kekreilamonyü n za nunu mia a kieya, he-i Jihova, krodiko Kepenuopfü.

LUK THUKESHÜ DIELIEKEVI 24:32

Sitse unie thuo kerüchü di, “Puo cha nu avu ze di kethodieko ca vatshapie avu kieketuo ki avu nou leloupfütuo zo mo me?”

Rommiako 7:18

Kekreilamonyü a gei, süusü a chü a phou nu mha kevi puorei ba mokecü a si ba. A mha puotoukecüu mengulie vi, derei a süu chülie lhotaya.

Pesikeshü 11:10

tsiu kijü gei themiakoe unie se la u nei phi di nyituo siro mha methuo pie ketsütuo, siedzekesi hanie-e kijü nu kelhouko pechü phikewa la.