Nehemia 7:73 - Angami Naga CL (Re-edited) Bible (BSI)

⁷³ Sükemhie di zievoko, Leviko, carekepfheko, themia kro puo, rüsuoki kituoko mu Israelmia pete u thuo u rüna nu lhou phreta.

Nehemia 7:73 Iomraidhean Croise

Kediko Kenieu 7:10

Süla ukoe vor di nadiu carekepfheko kieshü, di sie uko ki, “Hieko Aramko razhüchü nu vo, derei sünu miapuorei ngu mo morei mhapfhe puorei si mote, mhapuorei ba mo derei kier khepie tha, gada khepie tha, mu pfhekiko chüpie keba touu ba zo,” sishü.

Seyiedze Kerieu 9:2

Siro uko vieko mu uko rünako nu la vor lhou la keriekoe Israelmiako, zievoko, Levimiako mu rüsuoki chalieko.

Ezra 2:70

Siro zievoko, Leviko mu themia huo Jerusalem nu puo khieümhoura lhou balie. Kharukepfheko, tsiu rüsuoki chalieko u thuo u rüna nu lhou mu Israel pete rei u thuo u rünako nu lhoulie.

Ezra 3:1

Siro khrü thenieu vorlie, mu Israelko u rünako nu lhoulieta tse, ukoe puo chü vor Jerusalem nu kengulie.

Nehemia 11:3

Jerusalem nu lhoukecü rüna hako kemeyieko: derei Juda rüna nu themiakoe u thuo u rünako nu u viera lhou, süko Israel zievoko, Leviko, rüsuoki kituoko, mu Solomon kituomia nuonuoko.

Nehemia 7:72

Siro kekreimiako khakeshü suna darik nyie mepfü, tsiu rakachü mina nyie kenie mu zievo pfhenei hiesorouethenie.