Nehemia 6:9 - Angami Naga CL (Re-edited) Bible (BSI)

⁹ Kekreilamonyü uko pete hieko chü kemidewaketuo le di sie, “Uko dzie bu mhatho nu thachüta di süu chülie motatuo, siya.” Derei he-i, Kepenuopfü, tsie no a dzieko chü kemeteishücie.

Nehemia 6:9 Iomraidhean Croise

Seyiedze Kenieu 15:7

Derei nieko we thepfulie; nie dzie bu thachüta hie, nie mhatho zhakhra ngulie zotuocü la.”

Seyiedze Kenieu 32:18

Sidi uko shie peto se di Judako die nunu Jerusalem nu themiako ki pu di uko kechükede mu bie kemide di nadiu lielieketuo la.

Ezra 1:6

Siro uko siezanuomia pete rei u thuo u nei di khakeshü tsügei rei rakachü liko, suna, mhanya siro khunuo mu mhama kere khashü di uko dzie chü kemeteishü.

Nehemia 6:14

He-i a Kepenuopfü, no Tobia, Sanbalat mu Noadia siedzekesipfü, siro siedzekesi kekreiko, a pie kemichie nu shüwatuo ükecüko mhatho rükrashücie.

Chieliko 138:3

Ae kiekeshü nhie, no a pfhe khoshü, sidi a ruopfü kekuo chü penyishü.

Chieliko 56:3

a michiekelie ki, a n peletuo.

Chieliko 68:35

Ukepenuopfüe u ngo, puo kemesachü nu Israel Kepenuopfüu, kekuo mu kemeguo pie puo themiako tsüya. Ukepenuopfü bu thetshekepfüu chücie!

Chieliko 71:1

Harie, Jihova, a n gei rüzhü baya; mhakipuorei a khapie thenga chüwa hieyi.

Isaya 40:29

Puoe kekuo khapie mezieketako tsüya, mu kuo kemoko chü pekuoshüya.

Isaya 41:10

Michie hie, a n ze tuo eru, thedzükouta hie, a n Kepenuopfü zocü la; a n chü pekuoshütuo, a n khruohishütuo, a a kemiatho dzie a zatsa pie n memhipielietuo.

Jeremia 38:4

Süsie kezhakoe sie kediu ki, “Themia hau sia zhü tou zo, kekreilamonyü puoe die sikecü pu di terhü themia nadiu nu lhiepie kebako, tsiu themia peteko chü kethachüwate. Kekreilamonyü themia hau themia hako dzevi pfhüya mo, derei uko bie pesuowaketuo pfhüya.”

Ezekiel 30:24

A Babilon kediu bou chü kemeteishütuo, sidi a zhiecha pie puo dzie nu shütuo; derei a Faro bou we bietshewatuo, sidi puoe themia rüza pesuopfükeliemia puo tuoi puo mhodzünu melozhütatuo.

Zekaria 10:12

A, Jihova geinu uko chü pekuoshütuo, mu ukoe puo za nunu chatuotuo, Jihovae siya.

Korintmiako Kenieu 12:9

derei puoe a ki, “A n ngukemezhie sü n la tsei zo, kekreilamonyü kethachü nunu a kekuo si tseilieya,” si. Süla Khrista kekuou bu a gei balieketuo la, a thachüko nu rei kemelhaketuo a neikuote.

Efesako 3:16

Ukepenuopfü bu zayie kechü kinyiu nu puo Ruopfü kekuo khapie nieko tsü di nie nouketuo miau chü kemeteishünu chaya,

Efesako 6:10

Thela nu, Niepuu mu puo kekuo kezha geinu metei thalie.

Filipiko 4:13

A chü pekuoshüyakezhau la a mhakehoupuorei chülie vi.

Ibriko 12:12

Süla nie bou nganga tuoketako yhashülie, siro nie khoudza metei moketako chü kemeteilie,

Pitor Kerieu 5:10

Derei puotei huoyo nie kemezhiekewa sie, puo geinu ngukemezhie pete paryakezha, Khrista nunu nie kiepie kechachie zayie kechü nu shülieketau, Ukepenuopfü thuo nie perheilie, nie chü pevi tsei mu nie chü kemetei tsiu nie chü pekuoshütuo,

Samuel Kerieu 30:6

Süla David-e kemichie se puo nu bata; kekreilamonyü themiako ketsie pie puo pewatuoü putacü la, themia pete u nuonuo thenu rei thepfu la rei u nousuo phi bata. Derei David we puo Kepenuopfü Jihova geinu puo thuo puo chü pekuolie.