Nehemia 6:7 - Angami Naga CL (Re-edited) Bible (BSI)

⁷ Siro noe siedzekesimia kedapie u bu Jerusalem nu n dze pushüketuo la khapie bata üsi, di sie, ‘Juda nu kedimia puo bawe!’ Süla tsie die hako kemhie di kediu ki pushütatuo. Süla tsie vorlie, di keze kerüchücie.”

Nehemia 6:7 Iomraidhean Croise

Kediko Kerieu 1:18

Siro tsie, harie, Adonijae kedi chü bate, sizorei tsie a niepuu kediu we si ba mote.

Kediko Kerieu 1:25

Kekreilamonyü puoe thie tuo vote, sidi pedo mu peri puo phou kevi mu tekuo kekra dukhripie ruosuo chüshüte, siro kediu nuonuoko pete mu rüpfhünuoko mhokezhau Joab, mu Abiathar zievo-u kie, mu harie ukoe puo mhodzü nunu cüükrie bate, sidi sie, ‘Kediu Adonija bu rhei kechau chücie!’ izhie.

Kediko Kerieu 1:34

Sidi Zadok zievo-u mu Nathan siedzekesiu unie bu puo kenhepie Israel kediu chüliecie, süsie ketsüu khoushülie, di sie, ‘Kediu Solomon bu rhei kechau chücie!’ ilie.

Kediko Kerieu 1:7

Puoe Joab Zeruia nuou mu Abiathar zievo-u ze kedovalie, sidi unie-e Adonija siemedzi di puo khruohita.

Nehemia 6:6

Sünu thupie ketuo, “Hau seyieko donu pu tuote mu süu Geshem rei puya, süu no mu Judamiako mia perhieketuo rhü ba; süla noe dahouu pfhe ba, tsiu die pukeshü hau mhie ro, noe uko kediu chü nyüya.

Nehemia 6:8

Sitse a mia ketsepie puo ki lashü, “N kepu tuoikecü puorei chü ba mo, derei no n nou nu rhükelie zo.”

Mhakechüko 23:15

Süla tsie nieko mu thehouue dielie ketsepie nyiemhokezhau ki shü di Paul dze ketsokega menuo sakuoketuo meviva di puo ketseshünu chashücie. Mu hie puo ker tsolie kemonu puo dukhriwaketuo dojüse thate,” sita.