Nehemia 6:16 - Angami Naga CL (Re-edited) Bible (BSI)

¹⁶ Süki hie ngumvümia pete süu silie, siro hie khieümhou keba seyieko mha hako ngu tse, uko michie mu u thesuo seta, kekreilamonyü ukoe mhatho hau Ukepenuopfü thuo khruoshü di chülie zo ükecü ngulieketa la.

Nehemia 6:16 Iomraidhean Croise

Nehemia 2:10

Derei Horonmia Sanbalat mu Ammonmia kezhau Tobiae süu silie, tsiu Israel nuonuoko dzevi pfhütuo ücü la mia puo votaücü silie tse uko nei mo phita.

Nehemia 4:1

Siro Sanbalat-e hieko dahou pfhekeba silie tse, puo nei mota mu puo nou meyiepie mhapuochüta, sidi Judamiako kreta.

Nehemia 4:7

Derei sükisü, Sanbalat, mu Tobia, tsiu Arabmia, siro Ammonmia, mu Ashdodmia, Jerusalem dahouu pfheliekezhü, mu puo kerükoko khawaketa silie tse, uko nei mo seta.

Nehemia 6:17

Sizomonyü teisozha süko nu Juda nu pehüko leshü kekra thupie Tobia tsü, siro Tobia leshüko uko ki vor.

Chieliko 109:27

Harie Jihova, hauha n mhatho, N dzie thuo chüshü zo ücü uko bu sicie.

Chieliko 126:2

Sükisü nyükecü bu hie tie tshu, tsiu tsali bu hie meü tshupfü; süki seyie kekreikreicü donu kepu di “Jihova uko la mha kezha za chüshülie” ituota.

Chieliko 129:5

Zion ngukemecü khe bu menga di rürei latalie.

Chieliko 147:2

Jihovae Jerusalem chü piesieshüya; puoe Israelmia u kelhikewako pfhü kengulieya.

Toukepra 14:25

Uko kierbagei thuoko bie pethowa di uko bu re phi di süko shüsiepfü; sitse Ijiptmiako sie, “Úko Israel mhodzüki nu tata khe, Jihova uko yapie di Ijiptko ze kegeizhüta zo.”

Jeremia 33:9

Sidi nadi hau we a la u kenei theza puo chülietuo, tsiu kijü nu seyie pete a uko gei mha kevi chükeshü dze silietuo, sitse ukoe a uko gei mha kevi pete mu kruokelie chükeshü pete la michie mu petatuo.

Nuolhoutsüphrü 23:23

Themoumia die Jakob petsoukecü tuo mo, Israel petsoukecü thuophi tuo mo: Jakob mu Israel dze pu di, ‘Ukepenuopfüe uko la chükeshüko mehoshücie!’

Mhakechüko 5:38

Süla a nieko ki pushütuo, hau nyie nu rei themia hako gei nie ketheliecie, uko khashüwalie; kekreilamonyü mhatho hau morei chükezhü hau themia kinu zo liro thalie lhotatuo;

Joshua 2:11

Hieko süu dze sishü tse michie phre bate; nieko la hie pete hie kethepfu tuo mote. Jihova nie Kepenuopfü sü tei pesogei mu kijü nu rei Kepenuopfü zo.

Joshua 2:9

“Jihovae kijü hau pie nie tsüwaketa a si bata zo. Siro nie kepreie hie gei bate, mu kijü hau nu kelhou pete nnie la michie kemerie chü bate.

Joshua 5:1

Jordan niakratsa keba Amor kediko pete mu dzükezha khie keba Kanan kediko pete Jihovae Jordan chü pesoshü di Israelko bu cie pralie ükecü dze sishü. Sitse ukoe Israelko la u melou suo mu michie phi bata.