Nehemia 6:14 - Angami Naga CL (Re-edited) Bible (BSI)

¹⁴ He-i a Kepenuopfü, no Tobia, Sanbalat mu Noadia siedzekesipfü, siro siedzekesi kekreiko, a pie kemichie nu shüwatuo ükecüko mhatho rükrashücie.

Nehemia 6:14 Iomraidhean Croise

Nehemia 13:29

Uko rükrashücie, he-i a Kepenuopfü, kekreilamonyü ukoe zievo kechüu, tsiu zievo dietseidiekho-u mu Levimia kechü perhuwate.

Nehemia 5:19

He-i a Kepenuopfü, themia hako gei chükeshü pete mhiei, a la keviu leshücie.

Chieliko 137:7

O Jihova, Edom nuonuoko, kepetsou lecie, Jerusalem tetsuketa teiso-u, ukoe pucü, “Bierhuowalie, bierhuowalie! Puo mvüdze ketso bierhuowalie!” chü tha zokecü.

Chieliko 22:1

A Kepenuopfü, a Kepenuopfü, no kiüdi a khawata ga? No kiüdi a khruohi momu a meheimelokecüko nunu pecieta ga?

Chieliko 63:1

Harie Kepenuopfü, no a Kepenuopfü zo; a n pfhüya; a ruopfüe n mengu di terhüya; a chü n menguya, dzü kejü mu kijü keso u chakemezie kechüra nu tuoi.

Toukepra 15:20

Sitse Miriam, siedzekesipfü, Aron üpfü, tambourin puo pielie, mu thenumia pete übou pie nashü di puo siemedzi vota.

Jeremia 14:15

Süla Jihovae siedzekesiko a uko ketse morei a za nunu siedzedie pu di, “Zhiecha mu pekriekecü kijü hau gei vorlie lho,” ituoyakezhako dze pucü: Zhiecha mu pekriekecü geinu siedzekesi süko pekawatuo.

Jeremia 14:18

A lie nu tsu ro, zhiecha pie dukhrikewako ngu! Mu a nadi nu le ro, pekrie la suo kebako ngu! Kekreilamonyü siedzekesiu mu zievo-u unie kenienie kijüu nu rühou di u mhatho pie thelhi chü tuote, mu unie kenienie rei kesikele tuo mo.

Jeremia 28:1

Siro sücie, Juda kediu Zedekia kedi chükelie therieki cie diau, khrü pengouu nu, siedzekesi Azur nuou Hanania, Gibeon nu kevor-u, Jihova kinu, zievoko mu themia pete keba nunu a ki pu di sie,

Jeremia 28:10

Sitse siedzekesiu Hananiae Jeremia siedzekesiu vo nunu vocieu pielie, di süu bietshewa.

Jeremia 28:15

Mu siedzekesiu Jeremia sie Hanania siedzekesiu üse, “Rünyüliecie, Hanania, Jihova n ketseshü mo, mu no themia hako chüpie uko bu kemeda pelete.

Mathi 24:11

Siro siedzekesi ketijü kekra sier di themia kekra se ketsi zetatuo.

Mathi 24:24

Kekreilamonyü ketijü Khrista mu siedzekesi ketijü sier ungomhatho kezhako mu zasiko chüpie mia pekie di chülie kevisie kedalieketako rei se ketsi zetatuokecü la.

Mathi 7:15

“Ketijü siedzekesiko la nie kireiliecie, süko tekuo pfhenei se di nie ki vorzhie, derei uko nou we mha tekecü socie kro puo zo.

Timothi Kenieu 3:8

Thiedzü Jani mu Jambri unie Mosa petsou sieketa tuoi, themia hako rei u nou mha kesuo tuo, kepeleu meviva, siro ketho-u petsou sa.

Johan Kerieu 5:16

Miapuonie puo siezedzüriemia siata kesü kephouma zo kemo puo chükewa ngu ro, puo bu chacie, siliro Ukepenuopfüe siata kesü kephouma zo kemo chükewako la kerhei khapie puo tsütuo. Siata kesü kephouma rei nyi; puo bu chanukecü we süu la mo.

Pesikeshü 19:20

Sitse nhachüu, mu ketijü siedzekesiu, süu mhinguki nu zasiko chüpie nhachüu zasi ngukelieko tsiu puo miarhi kerüsuoko sekelieu rei sa telie. Sidi sünie perhei kelhoupie mitsie tukezhü mizieu nu shüwa.