Nehemia 6:13 - Angami Naga CL (Re-edited) Bible (BSI)

¹³ Mharhü hau la puo zhakhrülie, süusü a bu michie di kephouma chüwa, sidi ukoe a za pu pesuo di a kengatuoükecü la zo.

Nehemia 6:13 Iomraidhean Croise

Nehemia 6:12

Mu ae si mu ngukelie Kepenuopfü puo ketseshü mo, derei puo bu siedzedie pu a petsoutuo üdi Tobia mu Sanbalat unie puo zhakhrükelie la.

Nehemia 6:6

Sünu thupie ketuo, “Hau seyieko donu pu tuote mu süu Geshem rei puya, süu no mu Judamiako mia perhieketuo rhü ba; süla noe dahouu pfhe ba, tsiu die pukeshü hau mhie ro, noe uko kediu chü nyüya.

Mhasidie 22:1

Theza kevi-e kinyi kekra ki rei vikuo, tsiu mia khriekepfüe rakachü morei suna ki rei vikuo

Mhasidie 29:5

Themia puo zanuomia se ketsiyakezhau kebie pethoupie puo thuo puo cha nu kezhü zo.

Pethakeshüu 7:1

Theza kevi-e tier puoma kere ki vikuo; mu kesia nhie kepenuo nhie ki vikuo.

Isaya 51:7

A pfhe rünyüliecie, nie kemiatho siyakecüko, nie a kepethadie nie nou bayakecüko; mia u kerhiekecü prei hiecie, mu mia u kerhiekecü la thedzükouta hie.

Isaya 57:11

No supuo michie mu prei di cürü, sidi a rükra mo morei a le rei shü mota ga? A kemekrie zei-i mu mhimieta di n bu a prei mota moü me?

Jeremia 1:17

Derei no we n chie phalie, sielie, sidi a n ki diekhakeshü pete se uko ki pushülie. Uko mhodzünu tetsuta hie, moliro a uko mhodzünu n pekrüshütuo.

Jeremia 18:18

Sitse ukoe sie, “Vorlie, uko mharhüpie Jeremia petsou khe, kekreilamonyü kepethadie zievo-u kinu jütalie lho, morei mhakesiu kinu tahitarhokecüu jüta lho, morei siedzekesiu kinu dieu jüta lho. Vorlie, úko theda pie puo dalie khe, sidi puo dieko yopuorei rünyü hie,” sita.

Jeremia 20:10

Kekreilamonyü mia kenoupu di: “Mha pete nu kemichie bate! Puo meliewa khe! Úko puo meliewa khe!” ikecü a siya. A khriethomia pete a phi mesükecü meho baya. “Puo selie rei silie lhomu, silie ro we puo penyülie vi, mu puo gei u khepu lietuo,” ibaya.

Ezekiel 2:6

Tsiu no, he-i themiau, uko prei hiecie, siro uko dieko rei prei hiecie, kikhahu mu zohu thuo n zekecü chü zo shierei tsiu no seba donu keba chü zo shierei, uko dieko prei hie morei uko kenguu la n ziejüta hie, ukoe mia perhie tuoyakezha kiu zo.

Mathi 10:28

Siro themo-u dukhriwa, derei ruopfüu dukhriwalie kenjükecüko prei hiecie; sirei Gehena nunu themo-u mu ruopfüu rei pekawalie keviu preikuoliecie.

Mathi 22:15

Süsie Farisiko keze vo di puo die nunu puo tekelie rhü di kerüchü.

Mathi 26:59

Süki zievokezhako mu phichüko kehou pete rei Jisu dukhriwaketuo la puo gei ketijü zhapu pfhü sie,

Mhakechüko 6:13

Siro uko ketijü zhapumia huo ze vor di, uko bu sie, “Themia hau kemesa chüu mu thezho-u thacü teya mo.

Korintmiako Kenieu 11:12

Mu a tsie chükezhüko thiesie rei chü zotuo, sidi mia hie ze kemhie üdi kemelha ketuoko khalieketuo la.

Timothi Kerieu 5:14

Süla sami kemedzüpfüko bu nyhülie di u nuonuo nyilie, u kitiekinu meholie, sidi u ngumvümia thapfüta mokelie we a nei zo.

Timothi Kenieu 1:7

kekreilamonyü Ukepenuopfü kemichie ruopfü pie u tsü monyü, kekuo mu kekhrie tsiu thenou kemezhü pie u tsüwate.

Tita 2:8

mu n diepu puo nu rei mia bu n telie kelho chü zolie; sitse n kepetsoumia bu n gei mha kesuo puorei pulie kenjü di mengalietuo.

Jakob 4:17

Süla mia puoe chü kezhüu si zorei chü moro puo phoumata zo.

Pesikeshü 21:8

Derei u melou kesuoko, kepele kejüko, rhuketako, mia kedukhriko, pierüüko, themouyakecüko, terhuorhi kerüsuoko, tsiu tijüyakezha pete lawe mi mu mitsie tu sei bayakezha mizieu zo, süusü kesia kenieu” isi.