Nehemia 5:7 - Angami Naga CL (Re-edited) Bible (BSI)

⁷ A a thuo mharhü di pehüko mu kezhako kerhieshü, sidi sie uko ki, “Nie mia puopuocü nie siezedzüriemia gei puoprapuoshü lie cü bate.” Mu ae kehou kezha puo kieshü, uko petsoutuo üdi.

Nehemia 5:7 Iomraidhean Croise

Chieliko 109:11

Mha pie puo thepukeshümia bu puo vie pete praliecie, mu si kemomia bu puo mhathoko pekaperuowacie.

Chieliko 15:1

Jihova, supuonie n rüsuoki nu thalie vi ga? Supuonie n kemesa kijüthouu gei lhoulie vi ga?

Chieliko 15:5

Puopra kejü nunu puo raka pie mia thepuyakezhau, morei kejo kejümia pese di theso lieya kemo-u. Mha hako chüyakezhamia mhakipuorei rünietalie lho.

Chieliko 27:8

A meloue sie di, “Puo zie pfhülie!” si. Jihova, a n zie pfhüya.

Chieliko 4:4

N nou kehoukeruo chü keba ki phoumata hie; n zhü geinu mha leshülie di zei-ipfü balie. Selah

Chieliko 94:16

Supuonie a la kerüzhüko petsou tuo ga? supuonie a la sie di kesuomiako petsou ta?

Toukepra 22:24

sidi a noupfhü tu partuo, mu a zhiecha pie nie dukhriwatuo, sidi nie nupfünuo bu samimiapfü chütatuo mu nie nuonuo bu merünuomia chütatuo.

Toukepra 22:25

Nie raka pie a themia nie donu keba kejümia thepushü ro, no raka pie mia pecayakecümia tuoita lho, mu no puo ki puopra merü lho.

Mhasidie 27:5

Mhotsou kerhiekecüe pekhre di mia khriekecü ki vikuo.

Mhasidie 28:4

Thezho medziyakemomia kerüzhümia tshetuoya, derei thezho-u se bayakezhamia süko ze keperhieya.

Ezekiel 22:12

N geinu uko thezie pekrutuoü theso pielie; noe pedzüperie puo pra tsiu puo meviko lielie, di n zanuoko kechükede di mevilie; mu a rükra mote, Niepuu Jihovae siya:

Ezekiel 45:9

Niepuu Jihovae puya: Tseite, he-i Israel kedinuoko! Zhosuo mu mia pesekecüko khawatalie, sidi kemezhüu mu puotoukecüu chüliecie. A themiako gei mhaliekecü zhoko chü sa hie, Niepuu Jihovae puya.

Levimiako 19:15

Nie capi nu puotou kemo puorei chülie lho, nie kejüu kelhi pekrei morei kezhau nei chü kreitalie lho, derei kethoca se nie zanuou capi chütuo.

Levimiako 25:36

Puo kinu puoprapuoshü lie lho, morei puo geinu n ya vilieketuo le lho, derei n Kepenuopfü preilie, n siezeu bu n khieki nu lhoulieketuo la.

Mathi 18:17

Siro puo süko die rei rünyü mvüta ro pie kehou ki pucie; sidi puo kehou die rei rünyü mvüta ro, puo bu Judakemomia mu thesokeliemia mhietacie.

Korintmiako Kenieu 5:16

Süla hie tsie yawinu themia noule geinu miapuorei rhu pekrei mote; hie thiedzü themia noule se Khrista dze le, derei tsie we hie si mote.

Galatiako 2:11

Derei Pitor Antiok nu kevor ki a mhotsou puo petsouta zo, puo kekrü touketa la;

Timothi Kerieu 5:20

Themia kephouma chükewamia mechühou nunu kerhieshücie, sitse kekreimia rei michielietuo.

Tita 2:15

Mha hako pushülie; thepfu di tarho mu mia kejo rei pupie kieshülie. Mia puo bu rei u le pesuoketa chü hie.