Nehemia 4:4 - Angami Naga CL (Re-edited) Bible (BSI)

⁴ He-i, hie Kepenuopfü, rünyüshücie; kekreilamonyü mia hie rütse, sidi uko mia kepese kereipie uko tsü gei shüwacie, sidi uko khapie miadie chüwa di kijü süu nunu uko pekawacie.

Nehemia 4:4 Iomraidhean Croise

Nehemia 5:9

Süla a sie, “Nieko chü keba hau vi mo, Ukepenuopfü khrüprei nu tuolie di u ngumvümia u pesekecü nunu u yaliecü mese moü me?

Chieliko 79:12

Harie Jihova, hie zanuoko n krekecüu, de thenie pie uko merü gei shücie!

Mhasidie 3:34

Puoe mia krenyüyakezhamia kre baya, derei ngukemezhie pie thenou kerünuoko tsüya.

Thekrü 1:22

Uko kerüzhü pete bu n mhodzü vorlie; sidi a kephouma peteko la no a gei chükeshü tuoi uko gei rei chüshücie; kekreilamonyü a meheimelothor bate mu a melou nu a phisiate.

Hosea 12:14

Efraim-e mha kesuo chü seshü, süla puo Niepuu puo kejo-u pie puo gei shütuo, puo mia kengakeshü pie puo gei lashütuo.

Samuel Kerieu 17:26

Süki David-e puo khieki ketha themiako ki, “Israelmia pese ketha Filistin-u dukhriwa di Israel geinu zhase chükewau gei kedipuo chüshütieya ga? Zhürekemo Filistin-u supuo di puo bu rhei ketuo Ukepenuopfü rüpfhünuo peseya ga?”