Nehemia 4:2 - Angami Naga CL (Re-edited) Bible (BSI)

² Sidi puoe puo zeko mu Samaria chüpahiko mhodzü nunu sie, “Judamia mhathokemo hako kedipuo chü ba ga? Ukoe u thuo u dahou chü kemeteilietuo me? Ukoe ruosuo chütieya me? Uko khunhie puo nu chü tseilietuo me? Ukoe mha kerhu thepie kezhü nunu ketsieko chüse parlietieya me?”

Nehemia 4:2 Iomraidhean Croise

Ezra 4:4

Süsie kijü sünu themiakoe Juda themiako dzie chü kethachüwa di uko bu kiu chü michieta,

Nehemia 12:27

Siro Jerusalem dahouu kenyüketuo teiki, ukoe Levinuoko lhou keba thechü pete nunu uko pfhüta, uko ze Jerusalem nu vor di dahou kenyükecü nhie u nei di simbalko, harpko mu lyreko selie di kenei pfhe chü di kethezie khashüketuo la.

Nehemia 12:43

Sünhie ukoe ruosuo kekra khashü di uko nei se: kekreilamonyü Kepenuopfüe uko bu u nei pie mhapuo chülieketuo chüshü; uko kimiako mu uko nuonuoko rei u nei phi, siro Jerusalem puo neikecüu kepetsera rei si vota.

Nehemia 4:10

Derei Judae sie, “Thepiekepfüko kekuo tsatazhie, mu mha kerhu kekra zhüte, süla hie dahouu pfhelie rete.”

Nehemia 6:15

Sidi mhatho-u Elul khrü zha mepfüepengou nhie, zha hiepengouekenie nu chü tseilie.

Chieliko 83:4

Ukoe puyie, “Khe, seyieu bie pejüwa khe; Israel za rükra motaketuo chüwa khe,” iya.

Jeremia 26:18

“Moreshet nu Mika, Juda kediu Hezekia teiki siedzedie pu di Juda themia pete ki pushülie: ‘Krodiko Jihovae puya; Zion-e lie kemhiei phiewatatuo; Jerusalem va pie kepupfü zhütatuo, tsiu kiu kijüthou gei sei lhou sie puo thou chütuo’, sishü.

Jeremia 33:24

themia hakoe sie, “Jihova kedakelie kikrunie puoe khawate” isi di pu keba no leshü mo mo ga? Siro uko mhodzüki a themia le kethachü pie seyie puo kemo mhie zocü leshü mo me?

Daniel 9:25

Süla tsie sielie di puocapuola silie: Jerusalem chü lalieketuo mu chü piesie lalieketuo pu kepar nhie nu kenhekelie kedinuo puo kevor ketso zhadoudo thenietuo; mu zhadoudo hiesorouekenieko chaüko chü mu thekhe rei thietuo, derei kemezhiekecü tei puotuo.

Habakuk 3:2

He-i Jihova, a n za kemeyie si, mu a ngo bate, He-i Jihova, n mhathoko la. Hie teiu nu süko chü perhei lashücie; hie teiu nu süko pesishücie; noupfhü nunu no ngukemezhieu rükrashücie.

Zekaria 12:8

Sünhie Jihovae Jerusalem nu kelhouko yalietuo, sitse sünhie uko donu kethachüthomia rei David tuoitatuo, mu David kiue Ukepenuopfü mhietatuo, Jihova dieliemia uko mhodzü ketuo tuoitatuo.

Zekaria 4:10

Kekreilamonyü kehoupuorei mha kecü sedekelie zhau ngu u nou thesekecüko u neituo, uko Zerubabel dzie nu kemejüro ngulietuo. “Mha thenie hako Jihova mhiko zo, ta kijü pete nu votuoya.”

Korintmiako Kerieu 1:27

Derei Ukepenuopfüe mhakesiko kengashüketuo la kijü nu mhasi kemoko kedaliete; mu Ukepenuopfüe kemecako kengashüketuo la kijü nu kethachüko kedaliete.