Nehemia 3:26 - Angami Naga CL (Re-edited) Bible (BSI)

²⁶ mu rüsuokiu kethekeko Ofel nu lhoukebakoe niathutsatie Dzü Kharu petsou keba dahou pfhepie kebau ketso chü.

Nehemia 3:26 Iomraidhean Croise

Seyiedze Kerieu 9:2

Siro uko vieko mu uko rünako nu la vor lhou la keriekoe Israelmiako, zievoko, Levimiako mu rüsuoki chalieko.

Seyiedze Kenieu 27:3

Puoe Jihova kiu nu pesotsatie careu chüshü, mu Ofel dahou gei ki chü phishü.

Seyiedze Kenieu 33:14

Kenuotsa puo David nadiu la Gihon niakratsa razhau nu, mu Khuo Kharuu nu keleu la chazoutsa dahou puo chü vowa, süu Ofel houpfü vo ba, mu chü kerükrie phi, süsie rei puo chüpahi kezhako bu Juda nadiko nu kuda keba peteko nu bakelie chüwa.

Nehemia 10:28

Themia kekreiko, zievoko, Leviko, kharukepfheko, ütsalikechüko rüsuoki kemehoko, siro kijüu themiako donunu u kelakreipie Ukepenuopfü zhotsa shükelieko, u kimiako, u nuo thepfuko mu thenunuoko, mhasi mu kesikele themia kehoupuorei.

Nehemia 11:21

Derei rüsuoki kituokoe Ofel nu lhou, siro Ziha mu Gishpae rüsuoki kituoko kekha.

Nehemia 12:37

Siro ukoe Dzüluo Kharu kinu mezhü zo David nadiu chapra gei khota, dahou gei kekho nu, David ki mho gei, niathutsa Dzü Kharu tsatie.

Nehemia 3:27

Puo sie Tekomiako kekreitsatie chü, Dahou Kezhau pfhepie kebau petsou kebau, Ofel Dahou ketso rei chü.

Nehemia 8:1

Siro khrü thenieu vorlie mu Israelko u thuo u rüna nu lhoukelie ki themiako pete keze puo chülie di Dzü Kharu mhodzünu chapfüu nu vo kengulie, sitse ukoe Ezra thezhokepethau bu Mosa zho leshüdau, Jihova khapie Israel tsükeshüu se vorlienushü.

Nehemia 8:16

Süla themiakoe vo di süko se vorlie, sidi mia puopuokecü puo kitie nu, siro kitiezha nu, Ukepenuopfü ki kitiezha nu, mu Dzü Kharu nu, tsiu Efraim Kharu chapfüu nu, u thuo u la pru chü phrelie.

Nehemia 8:3

Mu puoe Dzü Kharuu chapfüu mhodzünu khise nu vo khinhie ketso, thepfumia siro thenumia puocapuola silie kevimiako mhodzü nunu süu phrüshü, mu themia pete u nyie kedeipie thezho leshüdau rünyülie.

Isaya 32:14

Kedikiu rükra motaketuo la, nuolhou kekra nadiu nu lhou motatuo; kijükhruu mu rükhouba shadzeu, kechachie khunuo bou chütatuo, nha gadako kenei mu peri kroko tuo chüketa la;