Nehemia 2:5 - Angami Naga CL (Re-edited) Bible (BSI)

⁵ Sidi a sie kediu ki, “Kediu bu puo medo üliro, mu n kituou n mhodzüki n nei chülie üro, no a ketsepie Juda nu shücie, a puonuoko mekhru chü kezhü nadiu nu, sidi a bu süu chü lacie.”

Nehemia 2:5 Iomraidhean Croise

Samuel Kenieu 14:22

Sitse Joab tsu kijü zerepfü zhülie, sidi puo kelu, sidi japie kediu tsüshü sidi Joab sie, “Thie a n nei chülieükecü n kituou si bate, a niepuu kediu, süusü kediue puo kituou kecha chüshüte.”

Ezra 5:17

Süla kediu puo neituo üro, kediu leshü kengupie keba kiu, Babilon nu kebau nu pfhücie, sidi Kediu Sairos Jerusalem nu Ukepenuopfü kiu chünukeshü die khakeshü ketho mo mo shi mehocie. Siro kediu bu hau nyie la puo keneiu chüpie hieko gei shüliecie.”

Nehemia 2:4

Sitse kediu sie a ki, “Siliro no kedipuo chaya ga?” Süla a teigei keba Kepenuopfü ki chashü.

Nehemia 2:6

Sitse kediu sie, a ki: (Kedipfü rei puo khieki ba.) “No kichiepuo tuotata mu no kedikechükipuo la vorlie ta?” Sidi kediue a ketsekeshü puo medolie, mu a puotei chiepie puo tsüshü.

Esther 1:19

Kediu bu puo medo liro, puo bu kediu die khashücie, mu süusü Persia siro Mediamia zho chüwa di kediwa molieketuo nu thuwacie, Vasti bu Ahasurus kediu mhodzü la vor sa motalie; tsiu kedipfü thau pie puo ki vikuokecüpfü puo tsüwalie.

Esther 5:8

mu kediu a kechau khashü tsiu lie kenyüu chükeshü puo medoü liro, kediu mu Haman unie bu a sodu nnie la thehe kesepie kebau nu vorcie, sitse a sodu kediu kepu kemhie chüshütuo.”

Esther 7:3

Sitse Esther kedipfüe puo die kela di sie, “He-i kediu, a n mhodzüki n nei chülie üliro, tsiu süu kediue puo medoü liro, a kemenguu siro a kechau sü a kerheiro mu a themiako kelakeshüuwe.

Esther 8:5

Süla Esther sielie, di kediu mhodzü thalie, sidi sie, “Mhanuü süu kediu medotuo üliro, mu a puo mhodzü puo nei chülie üro, mu mha hau kediu mhodzü puotou üro, tsiu süu puo mhiki puo medo üliro, leshü thupie Hamedatha nuou Haman Agagit-e kediu rüna peteko nu keba Judako pekawatuo üdi leshüthukeshüko bie kediwacie.

Mhasidie 3:4

Sitse no Ukepenuopfü mu themia mhodzünu pelelie kesü chülietuo.

Daniel 9:25

Süla tsie sielie di puocapuola silie: Jerusalem chü lalieketuo mu chü piesie lalieketuo pu kepar nhie nu kenhekelie kedinuo puo kevor ketso zhadoudo thenietuo; mu zhadoudo hiesorouekenieko chaüko chü mu thekhe rei thietuo, derei kemezhiekecü tei puotuo.

Mathi 23:27

“Nie ketherakezha Farisiko mu thezhokepethako we ce, chülietie! Nie mekhru nyhü pekrapie keba kemhie zo, süko chazoutsa we ngu zivi phiya, derei puo nutsa we kesiamia ru mu kerhu peteko thuo tshuzhüya.

Ruth 2:13

Sitse Ruth-e sie, “A niepuu, a bu n khriepfü seilie üthienyü, a sü n kituopfüko puorei ze ketou mo zorei noe die kevi pupie n kituopfü nou thupeluoshüte eru.”