Nehemia 2:20 - Angami Naga CL (Re-edited) Bible (BSI)

²⁰ Sitse a sie uko ki, “Teigei ketuo Kepenuopfü, Puo hieko khruoshütuo; süla hie puo kituoko sie di chütuo; derei nieko we Jerusalem nu nie ya, nie mezhü, morei nie dzeüse puorei tuo mo.”

Nehemia 2:20 Iomraidhean Croise

Seyiedze Kenieu 26:5

Puo Zekaria teiki Jihova pfhülie, süu puo pethapie puo bu Kepenuopfü preikelie la, mu puo Jihova pfhü ketuo chie Kepenuopfüe puo chü pekruoshü.

Ezra 4:3

Derei Zerubabel, Jeshua mu Israel chienuo krütako pete rei uko ki, “Ki chüpie hieko Kepenuopfü tsüketuotsa we nie hie ze mhachüketuo ba puorei jü; hie thuo hie rübei di Persia kediu Sairos kepu tuoi chüpie Jihova, Israel Kepenuopfü tsütuo,” sita.

Nehemia 1:4

Ae die hako silie tse, ke balie di kra bata, sidi ae teisozha huo süsü krü kra thenousuo bata, sidi ae teigei keba Kepenuopfü mhodzünu mevo di kecha chü.

Nehemia 2:4

Sitse kediu sie a ki, “Siliro no kedipuo chaya ga?” Süla a teigei keba Kepenuopfü ki chashü.

Esther 4:11

“Kediu kituo pete siro kediu rüna nu themia pete si ba, süusü themia kehoupuorei, thepfumia rei thenumia rei puo kie kemonu kediu kibou kesouu nu le ro, puo bu siataketuo puo thezho puo ba, kediu puo suna theu yhapie puo ketsüu rübei rheilieyakezha zo mu teisozha ser ketso rei a bu kediu ki lenu a kieshü mo zote.”

Chieliko 102:17

Puoe ketsopfhümia kecha leshütuo, mu uko kecha rütseta lho.

Chieliko 122:6

Jerusalem bu mene banu di chacie; “N khrieyakezhako bu kruoliecie.

Chieliko 20:5

Hie bu no kuokelie nu hie neicie, mu hie Kepenuopfü za nunu pfhelhako piesieshücie; Jihova bu n kechako pete chü tseishü thienyü.

Chieliko 35:27

A mezhü la u neiyakezhako bu u kenei mu u noukemvü pfü shie di sie, “Jihova bu kemeyieu chüliecie, puo kituou kruokelie puo neiyakezha la” iba zoliecie.

Chieliko 51:18

N kenei nunu mha kevi chüpie Zion gei shülie; Jerusalem dahouko chü pesieshücie.

Toukepra 28:29

Sidi Aron-e kemesa thechüu nu kele ki, Israel nuonuoko za pie capi la merükewheu nu shü di puo melou mho gei pfütuo, Jihova mhodzünu uko rükra la seilieketuo la.

Pethakeshüu 7:18

No hau thezelie tse vituo, tsiu kekreiu nunu n dzie teshü seta hie, kekreilamonyü Kepenuopfü preiyakezhamia sünie kenienie nu vi kehielietuo.

Isaya 56:5

A a ki nu mu a cahouko nu u nuonuo thepfuko tsiu thenuko ki vikuokecü, rükraketuo vie puo mu theza kevi puo pie tsütuo; ae dathewa kelho kechachie za puo pie uko tsütuo.

Levimiako 2:2

Süu se Aron nuo zievoko ki vortuo. Siro puo sünunu thou kevitho dzielhi puo tsiu tier, kethengu pete sa di pielietuo, mu zievo-ue hau pie rükraketuo yau chü di ruosuobau geinu the pekruwatuo. Puo bu mi ruosuo khakeshü puo, Jihova ki puore kethengu puo chütuo.

Levimiako 24:7

Siro nie cha puotse nu kethengu kemesa khashütuo, süu pie niekhrüdau se ruosuo kechü puo chü di mi nu ruosuo chüpie Jihova ki shütuo.

Zekaria 6:14

Siro keditsüreu Heldai, Tobija, Jedaia, mu Zefania nuou Josia dzie nu se kemenuo batuo, Jihova rüsuoki nu rükraketuo puo chütuo.

Nuolhoutsüphrü 10:10

Siro nie kenei teisozhako, mu nie thenyiko, mu nie khrülhouko rei, nie kethe ruosuoko mu kezekevi ruosuoko kechü ki niekoe ketsü khoukhoutuo, sidi Ukepenuopfü mhodzünu nieko la rükra tuoketuo puo chü di ketsü khoutuo: Ae Jihova nie Kepenuopfü zo.

Mhakechüko 10:31

Sitse puo sie, ‘Kornelia, n kecha rünyüliete mu no mha pie mia tsü mia zakecüko Ukepenuopfüe rükra bate.

Mhakechüko 10:4

Sitse puo puo michiepfü puo meho terü di sie, “Niepuu, kedipuo ga?” sita. Puo sie, “N kechako mu n mhazako kerükra vie puo chü si kho Ukepenuopfü mhodzünu tso bate.

Mhakechüko 8:21

No mha hau nu n za morei n ya puorei ba mo, kekreilamonyü n noue Ukepenuopfü mhodzü puotou ba mo.