Nehemia 2:18 - Angami Naga CL (Re-edited) Bible (BSI)

¹⁸ Süki a uko ki a Kepenuopfü dzie a gei vikeshüu dze pu, siro kediu se a ki pukeshü dieko rei pushü, sitse ukoe sie, “Úko sielie di chü khe.” Sütuoi di ukoe mhatho kevi hau chütuoü uko dzie meteilie.

Nehemia 2:18 Iomraidhean Croise

Samuel Kenieu 2:7

Süla nieko dzie bu meteiliecie, mu thepfuliecie, nie niepuu Saul sü siate, mu Juda kiue a kenhepie a bu uko mho kedi chüliete,” si.

Seyiedze Kerieu 11:10

Jihova Israelko la pukeshü tuoi, hako David terhümiaviko, puo kedibau khrü kemeteikeshüko. Israel pete sa di puo bu kedi chükelieko.

Seyiedze Kerieu 19:13

Thepfu zolie, mu u themiako mu úko Kepenuopfü nadiko la thepfumia zhako chüshülie khe, sidi Jihova bu puo mhodzüki vi ükecüu chüshüliecie,” sishü.

Seyiedze Kenieu 32:5

Hezekia mvürümvü mhachü di dahou meketako pete pfhe la sielie di süko geinu rükhouba kerükrieko chüshü, mu süsie rei dahou kekrei puo chü lashü; siro puo David nadiu nu Milo chü kemeteilie, mu terhünyieko mu pezhüko chü philie.

Ezra 6:22

Sidi teisozha thenie u nei se di khreiüshükemo niekhrüdanyiu nyi; kekreilamonyü Jihova uko chüpie uko bu u nei selieketuo chüshü mu Asiria kediu nou chüpie uko kitsa shü, di puo bu Israel Kepenuopfü, Ukepenuopfü kiu mhatho nu uko khruohikelie la.

Nehemia 2:8

Siro leshü puo pie kediu tsa pfheyakezhau Asaf kediu ki shücie, silie tse puoe sei khashü di rüsuokiu kharu kiprü, nadiu kuda, siro a baketuo kiu chülietuo.” Ru Ukepenuopfüe u ngukemezhie dzieu a gei ketuo mhiei, kediue a kecha chüshü.

Efesako 6:10

Thela nu, Niepuu mu puo kekuo kezha geinu metei thalie.

Filipiko 2:13

kekreilamonyü Ukepenuopfüe nie geinu mhachü tuo zo, sidi puo nei puo medo kemhiei chülieketuo la nie bu chü nyülie mu chülieketuo rei chüshüya.

Samuel Kerieu 23:16

Siro Saul nuou Jonathan-e silie di Horesh nu David ki vor; sünunu puoe Jihova geinu puo dzie chü kemeteishü.