Nehemia 2:17 - Angami Naga CL (Re-edited) Bible (BSI)

¹⁷ Süsie a uko ki, “Úko kedithedepuo kemezhiekecü nu ba shikecü niekoe ngu ba, Jerusalem bie peruopie zhüte, siro puo kharuko mi pie thewate. Vorlie, sidi úko Jerusalem dahouu pfhe la khe, silie tse mia u pesekecü chü salie lho.”

Nehemia 2:17 Iomraidhean Croise

Ezra 9:9

Kekreilamonyü hiekoe miadiemia zo; sirei hieko Kepenuopfü hie miadie chü ketuo ki rei hie khawa mo, derei Persia kediu mhinguki hieko ngumezhieshü, sidi hieko chü perheishü hieko bu Kepenuopfü kiu chü laketuo mu, süu ruo zhüketako chü kesa lashü, tsiu Juda mu Jerusalem nu hieko dahou pfheshü.

Nehemia 1:3

Ru ukoe a ki: “Rüna nu miadie chü vota kemoko, kedie nunu takelieko kemezhie tsiu kemenga se bate, siro Jerusalem dahou me tsute, mu puo kharuko mi pie thewate.”

Nehemia 2:13

A theva ze Razha Kharu chau ze pra, sidi Tinyhü Dzüluotsa vo di Kerhu Kharu nu volie, sidi Jerusalem kudako rie voshü, süko me zhüta, mu sünu kharuko mi bu thewata.

Nehemia 2:16

Sirei kezhakoe a kirapuo vo shi, morei a kedipuo chü shikecü si mo, morei a süki rei süu pie Judamiako, zievoko, pehüko, kezhako mu kekreimia keze mhachüketuoko ki puwa moluo.

Nehemia 3:15

Mu Kol-hoz nuou Shalum, Mizpa kijü kekhayakezhau, Dzüluo Kharuu ketsoshü di puo kewhe chüwa di süu kikhako, kekhako, mu cahouko chüshülie, siro Shela Rüzie tsiepfheu kediu zie khieki kebau, mu David nadiu nunu tuo keke kheyako ketso chü lashü.

Chieliko 102:15

Seyieko Jihova zau preituo, mu kijü nu kediko pete n rhutuo.

Chieliko 44:13

No hie bu hie siezanuomia thapfüte, hie khie hie mhou kebako bu nu pese mu krenyüketuo puo chüwate.

Chieliko 44:14

No hie chüpie seyieko dzeüse puo chüwate, mia bu tsügeketuo chüwate.

Chieliko 79:12

Harie Jihova, hie zanuoko n krekecüu, de thenie pie uko merü gei shücie!

Chieliko 79:4

Hie hie zanuomia krenyü chüte, hie khie hie mhou ketuoko bu hie mele mu hie tha.

Jeremia 24:9

Sidi ae uko chüpie kemeriekecümia, mu kijü nu kedi pete la mha kesuo puo, thenga chü, miadzemiase chü, u pese, mu a uko whuokeshü thechü kheko nu mia bu u rüsekecü chütuo.

Thekrü 2:2

Niepuue pete ngumezhie moto zo di Jakob kelhou chüko pete pekawate; puoe puo noukemeyie geinu Juda nuopfü dahou kemeteiu biemewate; kedirüvie mu süko kezhako bie kezhasewate.

Thekrü 3:51

A nadi nu thenumia kemedzüko rüli la a mhi-e a nou chü pesuote.

Ezekiel 5:14

Süsie rei a n chüpie n bu seyie n khieümhou kebako donu, tsiu n pfüthe kevo pete bu n krenyü mu khakewa puo chütatuo.

Mika 7:11

Sozhako chükelie teisozha puote! Sünhie kijü tierieko chü kemeya phi volietuo.

Samuel Kerieu 11:2

Derei Ammonmia Nahash-e uko die kela di sie, “Nieko hau chülietuo liro vitho diete chütuo, mu süu a bu nieko mhi thezatsa kerüla phrewa di süu pie Israel pete pesekecü mhatho chüwacie.”