Nehemia 2:12 - Angami Naga CL (Re-edited) Bible (BSI)

¹² Süsie a teizei zenu sielie, a mia huo ze salie, mu a mia puo ki rei a Kepenuopfüe a bu Jerusalem chülieketuo la mha kicüpuo pie a nou shü shicü pu mo. Siro a puo gei ketuo khunuou zo kemosie khunuo kekrei rei ze sa mo.

Nehemia 2:12 Iomraidhean Croise

Ezra 7:27

U puonuoko Kepenuopfü Jihova bu thetshetherhu pfüliecie, puoe mha haikecü pie kediu melou nu shü, di puo bu Jerusalem nu keba Jihova kiu ketso kezivishütuo ükezhü la.

Nehemia 2:11

Süla a Jerusalem nu vorlie, di sünu zha se bata.

Nehemia 2:13

A theva ze Razha Kharu chau ze pra, sidi Tinyhü Dzüluotsa vo di Kerhu Kharu nu volie, sidi Jerusalem kudako rie voshü, süko me zhüta, mu sünu kharuko mi bu thewata.

Chieliko 122:6

Jerusalem bu mene banu di chacie; “N khrieyakezhako bu kruoliecie.

Chieliko 51:18

N kenei nunu mha kevi chüpie Zion gei shülie; Jerusalem dahouko chü pesieshücie.

Mhasidie 12:23

Kemenuomiae mhasi kevie se tuoya, derei mhasikemomiae u kemelo thashüya.

Pethakeshüu 3:7

cierhaketuo tei puo; tsiu terhüketuo tei puo; kemekrie baketuo tei puo, tsiu die puketuo tei puo;

Jeremia 31:33

Derei ae Israel kinuko ze dietseidiekhokelieu haituo, teisozha sükosü Jihovae siya, Ae a zho-u pie uko noutsa shütuo, tsiu süko pie uko melou gei thushütuo; sidi ae uko Kepenuopfü chütuo, mu ukoe a themia chütuo.

Jeremia 32:40

Ae uko ze kechachie dietseidiekhotuo, uko gei mha kevichütuoü mu tsiesietalie lho, mu a khrüpreiu pie uko melou nu shüwatuo, sitse uko a kinu tsiesietalie lho.

Amos 5:13

Süla kemenuomia süteiki kemekrie batatuo; puotei süki vi mokecü la.

Mika 7:5

N khriethomia pele hie, nie kekhriemiako gei nie kepele khashü hie; n merü gei kezhüpfü kinu n me kikhau menuoliecie;

Mathi 10:16

“Harie, tekuo socie donu kevo tuoi a nie ketseshüzhü ho; süla nie do vipie tinyhü tuoilie mu nie zho menepie mekhru tuoilie.

Mathi 2:14

Sitse Josef sielie di pezei unuoyo mu puo zuo ze ta Ijipt nu tsuta,

Korintmiako Kenieu 8:16

Ukepenuopfü Tita nou chüpie hie mhiei puo bu rei nieko ngu puo nou nyükelie la Ukepenuopfü peziewe.

Joshua 10:9

Sidi Joshua teizeizha pete Gilgal nunu tuo khor di vapuochü uko bieta.

Pesikeshü 17:17

Ukepenuopfüe puo dieko chü tsei vorlie kemochie süko bu keze nou puo chü di mhachüketuo mu nhachüu bu diketuo kekuo pie tsüwaketa la.

Capiko 6:27

Süla Gideon-e puo kituomia ker ze puo salie di Jihovae puo ki pukeshü tuoi chüwa, derei puo puo kinumiako mu rüna nu themiako keprei la, khinhie gei süu chü michie di theva geinu chü.

Capiko 9:32

Süla tsie n rüpfhünuoko zelie di pezei ze vo lie nu rüshü bacie.