Nehemia 13:4 - Angami Naga CL (Re-edited) Bible (BSI)

⁴ Siro hamhodzütsa, Eliashib zievo-u, Ukepenuopfü ki kemeho-u, mu Tobia ze kepero kezhau,

Nehemia 13:4 Iomraidhean Croise

Nehemia 12:10

Siro Jeshuae Joiakim puou, Joiakim-e Eliashib puou, Eliashib-e Joiada puou,

Nehemia 12:44

Sünhie huomia bu mhakhruokelie kinyibouko, mhakhruokelieko, chieshüko tsiu ker-zapuou, siro thezho nu kemhiei rünako lie nunu zievoko mu Leviko yachütuoü se kevorko mehoketuo la kedalie. Judae uko thekeshüyakezha zievoko mu Leviko ngu u nei phiyakezha la.

Nehemia 13:28

Siro Jehoiada nuoko donu mia puo, zievokezhatho-u Eliashib nuou, Horonmia Sanbalat nyaue sükemhie chü; süla a a khieki nu puo whuowa.

Nehemia 2:10

Derei Horonmia Sanbalat mu Ammonmia kezhau Tobiae süu silie, tsiu Israel nuonuoko dzevi pfhütuo ücü la mia puo votaücü silie tse uko nei mo phita.

Nehemia 3:1

Süsie Eliashib zievo-ue zievoko ze sie di Tekuo Kharuu chülie. Ukoe süu chü kemesalie, sidi sünu kikhako pesieshülie; ukoe Thekrie Kudau nunu vo Hananel Dahouu ketso kenyülie.

Nehemia 6:1

Siro süki Sanbalat, Tobia siro Arabmia Geshem, siro hie ngumvümia kekreiko ae dahouu pfhelieketa tsiu sünu puo kepa puorei ba moketa silie tse, (süki a kharu kikhako pesieshülie mo baluo),