Nehemia 13:12 - Angami Naga CL (Re-edited) Bible (BSI)

¹² Sitse Juda pete-e telha, khubedzü kesa mu tier ker zako se phre vor kinyibou nu shülie.

Nehemia 13:12 Iomraidhean Croise

Seyiedze Kenieu 31:4

Siro puo Jerusalem nu kelhouko bu zievoko mu Leviko ya ngulie kezhü de se uko tsü di uko bu u khapie Jihova zho-u nu shülieketuo la diekhashü.

Seyiedze Kenieu 31:5

Dieu pu keza pralie mumetha, Israelmiako sü u chieshü, khubezu, tier, mepfhidzü mu u lie nu ngukelie nunu mha kha phi shüshüta; uko mha peteko geinu ker-zau se phi vorshü.

Nehemia 12:44

Sünhie huomia bu mhakhruokelie kinyibouko, mhakhruokelieko, chieshüko tsiu ker-zapuou, siro thezho nu kemhiei rünako lie nunu zievoko mu Leviko yachütuoü se kevorko mehoketuo la kedalie. Judae uko thekeshüyakezha zievoko mu Leviko ngu u nei phiyakezha la.

Levimiako 27:30

Kijü ker-zapuo, tsia nunu lhou kepar morei seiboko si shierei, Jihova vie zo; süu Jihova mhodzü mesa zo.

Malaki 3:10

Nie ker-zapuo pete se mha kenguyakezha kiu nu vorlie, sidi a kiu nu kecüca bu balieketuo la, mu sükemhie di a dojücie, krodiko Jihovae siya, sidi nieko a teigei khirkiko khrüshü mu theja rupie nie ketsukeli chüshütuo mo lho shi mehocie,

Malaki 3:8

Miapuonie Kepenuopfü vie sesetalie vi me? Sishierei nieko a vie selie bate! Derei nie sie, “Hie kikecüpuo nu n vie seya ga?” siya. Nie ker za khakeshü nu mu mha khakeshü nu!

Pulakeshüzho 14:22

Teiciekepra n lie nunu ngukelie ker-zapuo khashü seituo.