Nehemia 12:27 - Angami Naga CL (Re-edited) Bible (BSI)

²⁷ Siro Jerusalem dahouu kenyüketuo teiki, ukoe Levinuoko lhou keba thechü pete nunu uko pfhüta, uko ze Jerusalem nu vor di dahou kenyükecü nhie u nei di simbalko, harpko mu lyreko selie di kenei pfhe chü di kethezie khashüketuo la.

Nehemia 12:27 Iomraidhean Croise

Samuel Kenieu 6:12

Sitse mia kediu David ki, “Jihova Ukepenuopfü dietseidiekhobouu la japie Obed-edom kiu gei mu puo vienya pete gei shüshüte” sishü. Süla David-e puo nei phi di vo Obed-edom kiu nu Ukepenuopfü dietseidiekhobouu se David nadiu nu vorta.

Kediko Kerieu 8:63

Sidi Solomon-e vitho ruosuo chüpie Jihova ketsü la thudo nyie mepfüekenie mu tekuo lakh puo di nyie mepfü se chü, sükemhie di kediu mu Israel pete Jihova kiu kenyülie.

Seyiedze Kerieu 13:8

David mu Israelko u kekuo pete se di Kepenuopfü mhodzünu tsali chü, luoü mu harp khou, tambourin kekrei, mese khou kejo, mu ketsü khou di u dowhuo phi.

Seyiedze Kerieu 15:12

Puo uko ki, “Nieko ha Leviko kikruko donu kezhako zo; nie thuo nie rei mu nie siezedzürieko chü kemesalie, nieko bu a puo la thechü puo kesepie keba nu Jihova Israel Kepenuopfü dietseidiekhobouu se vor khashülieketuo la.

Seyiedze Kerieu 15:16

Süsie rei David-e Levimia krütako bu u siezedzürie tsali kechümia kedapie tsali kechü nyako, übou, nyarübou mu mesekhou se u kenei pfhe chü petolienushü.

Seyiedze Kerieu 15:28

Israel pete shiekhoui, chükia mu ketsü siro mesekhouko mu übouko se di Jihova dietseidiekhobouu se vorlie.

Seyiedze Kerieu 15:4

Siro David-e Aron yieko mu Leviko kengulie.

Seyiedze Kerieu 16:42

Heman mu Jeduthun-e tsaliko la ketsüko mu mesekhou kekreiyakezhako se mu kemesa tsali ze chüketuoko übouko se. Jeduthun nuonuoko bu carekepfhe chüketuo la kedashüwa.

Seyiedze Kerieu 16:5

Krütau Asaf, puo siesoko Zakaria, Jeiel, Shemiramot, Jehiel, Matithia, Eliab, Benaia, Obed-edom mu Jeiel, hako bu übou mu nyarübou se, Asaf-e mesekhou kekreiketuo la,

Seyiedze Kerieu 23:5

carekepfheko mia nyie dia, mia nyie dia bu ae ketshe la chükelie übou khoupie Jihova tshetuo,” sishü.

Seyiedze Kerieu 26:31

Hebronko, Jeria sü Hebronko donu thephou shierei kiko nunu shierei kezhau zo. (David dikelie cie hiedia cie mia pfhükeshü nu Gilid nu Jazer nunu mhachü philieketuo themia ngulie).

Seyiedze Kenieu 29:25

Siro puoe Leviko bu harpko mu lyreko se David mu kediu siedzekenguu Gad tsiu siedzekesiu Nathan pukeshü mhie di thalie; Jihova diekhakeshüko sü puo siedzekesiko geinu voryakezha la.

Seyiedze Kenieu 29:30

Süsie kediu Hezekia mu kedinuokoe Leviko bu David mu siedzekenguu Asaf dieko se di Jihova ketshe chieliko chüshünuta, siro uko rei phi di ketshe tsali chülie mu nerhutsu di rüsuota.

Seyiedze Kenieu 5:13

Ketsükekhouko mu tsalikechükoe Jihova thezie di puo tshekecü keze di mia bu u pfhe sikelie chükeshüu uko zha, mu ukoe ketsüko, mhakhou kekreiyakezhako mu übou kekreiko rei se Jihova tshe di, “Puoe vicü la, Puo kekhrie rüdiyakemo-u ba seiyakezhau,” ikesie ki, kiu, Jihova kiu sü kimhou thuo tshupfü bata.

Seyiedze Kenieu 7:6

Siro zievoko u tha nu thalie, Leviko rei, kediu David-e Jihova ketshe la setuo üdi chükeshü übouko se di thalie, puo kekhrie rüdiya kemo-u kechachie bayakezha la, kehoukipuorei David uko mhatho se di ketshe ruosuo khashüya; uko rütsietsa zievoko ketsüko khoushü; mu Israel pete siethata.

Ezra 6:16

Mu Israelmiako, zievoko mu Leviko, tsiu miadie chü tuo di la vorketakoe u nei se di Kepenuopfü ki hau chü kemesalie.

Nehemia 11:20

Siro Israelmia pesha kebako, zievoko, mu Leviko, Juda rünako nu, mia puopuokecü puo kayieu nu lhou.

Nehemia 12:43

Sünhie ukoe ruosuo kekra khashü di uko nei se: kekreilamonyü Kepenuopfüe uko bu u nei pie mhapuo chülieketuo chüshü; uko kimiako mu uko nuonuoko rei u nei phi, siro Jerusalem puo neikecüu kepetsera rei si vota.

Nehemia 8:17

Tsiu miadie chütuo di la vorketa themia kro-u pete pru chülie, sidi pruko nu balie, kekreilamonyü Nun nuou Joshua teiki nu vor teisozha sünhie ketso Israelmiakoe sütuoicü chü vor mota. Sidi ukoe uko nei pie mhapuochü.

Chieliko 149:3

Uko bu u dowhuo di puo za tshelie, uko bu tambourin mu lyre se kelipie puo tshelie.

Chieliko 30:1

A n pu kerükrietuo, he-i Jihova, no a phoukeshü la, mu a ngumvüko nei krawa mokelie la.

Pulakeshüzho 16:11

Jihova n Kepenuopfü puo za khapie batuo üdi thechü kedakelieu nu n nuonuoko mu n nuopfüko, n kituoko tsiu kituopfüko, n rünako nu keba Leviu mu n ze keba rüsoko, merünuoko mu samipfüko ze di Jihova n Kepenuopfü mhodzünu n nei batuo.

Pulakeshüzho 20:5

Siro kezhakoe chüpahiko ki, “Ki kesa puo chülieta di süu kenyülie kemo themia huo baya me? Puo bu puo ki nu la volie, puo terhü nu siata di kekreimia puo bu süu kenyüta rei si mo eru.

Filipiko 4:4

Niepuu nunu nie nei sei tuolie; a kepu sie pu rei, nie nei tuo zolie.

Pesikeshü 5:8

Puoe leshütshüu piekelie ki, khunuo kerhei diako mu phichümia mepfüediako Tekuonuou mhodzü zerepfü zhüta, uko dzie nu harp mu suna khou kethengu thepie tshucü se phre, sükoe kemesako kecha chükeshüko.