Nehemia 12:1 - Angami Naga CL (Re-edited) Bible (BSI)

¹ Zievoko mu Leviko Shealtiel nuou Zerubabel mu Joeshua ze di khokecüko: Seraia, Jeremia, Ezra,

Nehemia 12:1 Iomraidhean Croise

Ezra 3:2

Sitse Jozadak nuou Jeshua mu puo keze zievoko siro Shealtiel nuou Zerubabel mu puo siezedzürieko keze sielie, di Israel Kepenuopfü ruosuobau chüketuo dojülie, Mosa Ukepenuopfü themiaue pukeshü zho nu tuoi kethe ruosuo chüketuo la.

Ezra 3:8

Süsie uko Jerusalem nu uko Kepenuopfü kiu nu vorkelie cie kenieu cie khrü kenieu nu Shealtiel nuou Zerubabel mu Jozadak nuou Jeshua, unie themia kekrei zievoko mu Levimiako mu miadie chü tuo di la Jerusalem nu vorkelie pete ze di Jihova kiu mhatho-u chü sedelie. Unie Levimia u kelhouzha cie mepfü mu sümhoko bu Jihova ki nu mhathoko mehoketuo la uko pethoshüwa.

Ezra 4:2

ukoe Zerubabel mu chienuo krütako ki vor di sie uko ki, “Hie bu rei nie ze di chücie, hieko rei nie kemhie nie Kepenuopfü rüsuoya zocü la, mu Asiria kediu Esar-hadon hie ze hanu vorkeshü yawinu hie rei ruosuo chüpie puo tsü vorta zo,” sita.

Ezra 5:2

Sitse Shealtiel nuou Zerubabel mu Jozadak nuou Jeshua unie sielie di Jerusalem nu keba Ukepenuopfü kiu chü sede lavü; süki Ukepenuopfü siedzekesimiako rei unie khruohishü.

Ezra 7:7

Siro Israelmia huo, zievoko mu Leviko, ükechüko, carekepfheko mu rüsuoki chalieko rei Jerusalem nu kho, süu Artaxerxes Kediu dikelie cie thenie cie.

Nehemia 11:36

Mu Juda nu Levimiako kezapie huo bu vo Benjaminmiako zeta.

Nehemia 12:10

Siro Jeshuae Joiakim puou, Joiakim-e Eliashib puou, Eliashib-e Joiada puou,

Nehemia 12:2

Amaria, Maluk, Hatush,

Nehemia 7:7

Ukoe Zerubabel, Jeshua, Nehemia, Azaria, Ramia, Nahamani, Mordekai, Bilshan, Misperet, Bigvai, Nehum, mu Bana ze vor. Israel themiako phrükelie:

Hagai 1:1

Darius kediu dikelie cie kenie cie, khrü sorouu nu, khrülhou zha puo nhie, Jihova die Hagai siedzekesiu geinu Shealtiel nuo Zerubabel, Juda nu ahng mu Jehozadak nuou Joshua, zievokezhatho-u ki vor:

Hagai 1:12

Sitse Shealtiel nuou Zerubabel siro Jehozadak nuou Joshua, zievokezhatho-u, themia lhiekelieko pete Jihova uko Kepenuopfü pfheu zelie tsiu siedzekesiu Hagai dieko zelie, Jihova uko Kepenuopfü puo ketsekeshü tuoi; mu themiako Jihova khrüpreilie.

Hagai 1:14

Süsie Jihovae Shealtiel nuou Zerubabel, Juda nu ahng mu Jehozadak zievokezhatho-u, tsiu themia lhiekelieko pete hüshü, sidi uko vor krodiko Jihova, uko Kepenuopfü kiu mhatho chü,

Hagai 2:2

tsie Shealtiel nuou Zerubabel, Juda nu ahng, mu Jehozadak nuou Joshua, zievokezhatho-u, mu themia lhiekelieko ki pushülie, sidi sie,

Zekaria 6:11

Rakachü mu suna pielie di keditsüre puo chülie, sidi süu pie Jehozadak nuou Joshua zievokezhatho-u tsügei shüshülie.