Nehemia 10:37 - Angami Naga CL (Re-edited) Bible (BSI)

³⁷ Siro hie niekhrüda nekelie kerieu, hie ruosuo, mu seibo kehoupuorei puosi vükelie, khubezu nu tier, se zievoko, Ukepenuopfü kinu zievoko ki vokecü mese.

Nehemia 10:37 Iomraidhean Croise

Seyiedze Kenieu 31:6

Tsiu Israelmiako mu Judamia Juda nadiko nu lhouketuokoe u thu mu u kuoko ker-zau kha kreipie uko Kepenuopfü Jihova tsükewa vieko pie vor di pfhepie zhülie.

Nehemia 13:10

Siro ae Leviko yako pie uko tsü vor kemo ngulie, kekreilamonyü Levimiako mu ükechüko mhatho chüyakezhakoe u thuo tase u lie nu tsuta.

Nehemia 13:12

Sitse Juda pete-e telha, khubedzü kesa mu tier ker zako se phre vor kinyibou nu shülie.

Nehemia 13:5

Tobia la ki kezha puo chüshü, hamhotsa ukoe thoulha ruosuo, kethengu siro tehiemekhouko, telha ker-zapuoko, khubedzü kesa, tsiu tier khapie Leviko, ükechüko, mu liethoko tsünu di diekhakeshüko khapie zhüya.

Nehemia 13:9

Süsie a diekhashü mu ukoe kibouko chü kemesawa, sidi a Kepenuopfü kinu tehiemekhouko, thoulha ruosuo tsiu kethengu sa di se la vorshülie.

Toukepra 13:12

noe penuo par kerie pete kha kreipie Jihova tsütuo. Nie kiri penuo kerie thepfu pete Jihova vie zotuo.

Toukepra 13:2

Nuorie khe chü kemesapie a ki shücie; Israelmiako donu, themia mu khunuo shierei; penuolie kerieu sü a vie.

Levimiako 23:17

Nie kebachü nunu niekhrüda kenie, efa ker-zakenie pie chükecü se vor pie sie kegecü ruosuo chütuo; puo chieshü kerietho-u pie Jihova ki keshü la thou kevitho pie sünie rietuo, khrei se di sünie rietuo.

Malaki 3:10

Nie ker-zapuo pete se mha kenguyakezha kiu nu vorlie, sidi a kiu nu kecüca bu balieketuo la, mu sükemhie di a dojücie, krodiko Jihovae siya, sidi nieko a teigei khirkiko khrüshü mu theja rupie nie ketsukeli chüshütuo mo lho shi mehocie,

Malaki 3:8

Miapuonie Kepenuopfü vie sesetalie vi me? Sishierei nieko a vie selie bate! Derei nie sie, “Hie kikecüpuo nu n vie seya ga?” siya. Nie ker za khakeshü nu mu mha khakeshü nu!

Nuolhoutsüphrü 18:15

Themia rei khunuo shierei puochü chükepfü pete nuorieu pie Jihova ketsü khe n vie zotuo, siürei themia nuorieu we no rha zotuo, mu mesa kemo khunuo rei no rhatuo.

Nuolhoutsüphrü 18:18

Piesie kegepie ruosuo kechü khouzüu rei mu puodo puo zatsatie rei n vie zotuo.

Nuolhoutsüphrü 18:21

Levi yiemiakoe rüsuopfhekiu nu mhathoko uko lietho chükecü la Israel nu ker-zapuo khashüyakezhau uko bu pie uko vie chütuoü ae pie uko tsüwate.

Rommiako 11:16

Mhanuü thoulha pie ruosuo kechü za puo pie puo si kerieu üdi khakeshüu mesata üro za kekrei pete rei mesata zo; mu seimieu mesata üro, puo coko rei mesata zo.

Pulakeshüzho 14:22

Teiciekepra n lie nunu ngukelie ker-zapuo khashü seituo.

Pulakeshüzho 18:4

N chieshü kerieu, n khubedzü kerieu, mu n tier chülie kerieu, n kuo mie belie kerieu khapie zievo-u tsütuo.

Pulakeshüzho 26:2

noe Jihova n Kepenuopfü se n ketsü kijüu nunu chieshü kerieko pete huoyoyo pie merha puo nu shülie di se Jihova n Kepenuopfü puo za bu ba seiketuo la kedakeshü thechüu nu votuo.