Nehemia 10:31 - Angami Naga CL (Re-edited) Bible (BSI)

³¹ Mhanuü kijü nu themiakoe sabat nhie mhanya morei kecüca kehoupuorei se vor ze zo shierei, hie sabat nhie morei teisozha kemesa nhie süu khrülie lho, siro hieko teicie thenieu liecielie lho, mu thepu kehoupuorei vashüwatuo.

Nehemia 10:31 Iomraidhean Croise

Seyiedze Kenieu 36:21

Jeremia tie nunu Jihova dieu tseilieketuo la, kijüu bu puo sabatko balie kemochie. Puo ruozhüketa teiu nu rei sabat ze ba cie hiethenie tsei zo.

Nehemia 13:23

Süteiki Judamia vo Ashdod, Amon mu Moabmia pfü liekecü rei ae ngushü.

Nehemia 13:27

Di siliro we nieko die rünyü di mha kesuo kemeriekecü hau chütuo me, seyie kekreimiapfü lielie di Ukepenuopfü gei kephouma chütuo me?”

Toukepra 12:16

Zha therie nhie nie-e kemesa kehou puo chütuo, mu zha thenie nhie rei kemesa kehou puo pie batuo; teisozha süko nu mhapuorei chülie lho derei mia pete bu cü morokesuokoyo rübei kesetuo.

Toukepra 20:10

derei zha thenie nhie we Jihova n Kepenuopfü la sabat, sünhie no mhatho puorei chülie lho, no rei n nuo thepfu rei thenu rei, n theke thepfu rei thenu rei, n kiri rei, morei n cahou nu keba solhimia rei,

Toukepra 34:16

Sitse nie uko nuopfüko liepie nie nuonuo thepfuko tsü mu uko nuopfükoe thethe lie di terhuo rüsuokecü ki nie nuo thepfuko bu rei uko ze thethelietatuocü la.

Isaya 58:6

A haikecü kemevo kedalie mo me: Kerüzhü phako phreiwaketuo, vocieu rhüko biewaketuo, mia u kepeseko bu rüütaketuo, mu vocie pete bietshewaketuo.

Levimiako 16:29

Mu hau nie la kechachie zho puo chütatuo, khrü thenieu nu, zha ker nhie, nie-e nie kenyütuo, mu nie mhapuorei chülie lho, khenu kelhouu rei morei solhimia nie donu lhou kebamia rei.

Levimiako 23:21

Tsiu nie sünhie shieshütuo; sünhie nie la kemesa kehou puo chütuo, nie mhatho kere puorei chülie lho; süu nie nuosenuoyie la nie rüna pesiekelie thechü pete nu kechachie la thezho puo chütuo.

Levimiako 23:3

Zha sorou mhachütuo, derei zha thenie nhie we sabat ze pecü di rüleikecü, kemesa kehou puo chütuo; nie-e mhapuorei chülie lho, nie lhou keba pete nu, süu Jihova la sabat puo.

Mathi 6:12

Siro hie kejoko vashü hie tsücie, hie rei mia kejoko vapie mia tsükewa tuoi.

Kolosiko 2:16

Süla miapuorei bu kecükekrie, morei thenyiko, morei khrülhou nyi, morei sabat puo la nie pejowa hie.

Jakob 2:13

Derei mia ngumezhieya kemomia we ngumezhie mo di puo nyie kecütuo, sirei ngukemezhie-e dienya nu kuolietuo.