Nehemia 1:9 - Angami Naga CL (Re-edited) Bible (BSI)

⁹ Derei nieko rürei a kitsa vorlie liro, tsiu a diekhakeshüko zelie, mu chülie liro; nieko kelhipie teiboteiyo nu tuota zo shierei, a süra nu uko pfhü kengulietuo, sidi uko ze a za khapie batuo üdi kedakelie thechüu nu vorlietuo.’

Nehemia 1:9 Iomraidhean Croise

Kediko Kerieu 8:48

Sümhie di u ngumvümia, u ze kedie chüketuora nu u melou pete tsiu u ruopfü pete se rürei n ki vorlie, di uko kiu no khapie uko puonuoko ketsü, no kedakelie nadiu, tsiu a n za la ki chükelieu petsoulie di kecha chülie ro,

Kediko Kerieu 9:3

Mu Jihovae sie puo ki, “A mhodzünu no chakeshü mu n mezhiemelokeshü a siliete; a za kechachie khapie balietuoü, no ki chükelie hauha ae chü kemesawate ho; mu a mhi tsiu a melou sünu ba sei zotuo.

Seyiedze Kerieu 16:35

Pu sashülie: “Hie kelashücie, he-i kelakelie Kepenuopfü, sidi seyieko donu hie pfhü kengulie mu hie kelaliecie, siro hie n za kemesau tshelietuo, mu n ketshe nu hie neilieketuo la.

Ezra 6:12

Kepenuopfü, puo za sünu balieketau, kehoupuorei, kedimia shierei, morei hau kedikewamia, tsiu Jerusalem nu Kepenuopfü kiu bie pesuokecümia phewalie. A, Darius, thezho khashü; süu keshürhei di chüshüliecie.”

Chieliko 106:47

Hie kelashücie, he-i Jihova hie Kepenuopfü, n za kemesau thezielieketuo mu n ketshe nunu kuolieketuo la seyie kekreiko kinu hie kengulietacie.

Chieliko 107:3

Kijükouü nunu kengukelieko bu, niathutsa nu tsiu niakratsa nu, pesotsa nu mu pekhrotsanu.

Chieliko 147:2

Jihovae Jerusalem chü piesieshüya; puoe Israelmia u kelhikewako pfhü kengulieya.

Isaya 11:12

Puoe seyieko la zasi puo piesieshütuo, mu Israelmia mia u thicüko pfhü kengu lashütuo, tsiu Judamia cüreketako kijü ke diako nunu pfhü kengushütuo.

Isaya 27:12

Sünhie Eufrat rü nunu vo Ijipt rücüu ketso Jihovae telhako nyütuo, Israelmiako, nieko puopuo di pfhü kengutuo.

Isaya 56:8

Israel whuowaketako pfhü kenguyakecü, Niepuu Jihovae puya, a tsie kengulieketako zo moü kekreimia rei ze vor uko ki shütuo.

Jeremia 12:15

Siro a uko ciethekewa sie, a uko ngumezhie lashütuo, sidi a uko mia puopuokecü ze la u vieu nu mu u kijü nu la voshütuo.

Jeremia 3:14

Rürei la vorliecie, he-i, kepele kejü nuonuoko, Jihova puya, ae n niepuu zocü la; a nadi puo nu mia puo mu kikru puo nu mia kenie, idi ae nie ze Zion nu vortuo.

Jeremia 31:10

Jihova die rünyüliecie, he-i seyieko, sidi süu pie dzü khie kijü kepetseko nu pesishülie; sidi sie, “Israel biepie cürekewau, puoe kuopfheu tuoi puo khapie balietuo.”

Jeremia 32:37

Harie, ae a noupfhü nu mu a nouyie nu tsiu a nei mo se di uko whuopie cüre tuoketa kijü pete nu uko pfhü kengulietuo; ae uko ze la thechü hanu vortuo, mu ae uko bu khrukhre di lhou batatuo.

Jeremia 6:22

Jihovae puya: Harie, kijü pesotsa nu themia kro puo vorzhie, siro kijü kepecie nunu seyie kezha mhakeboukecü puo siertuo.

Ezekiel 14:6

Süla Israel kiu ki pushücie, Niepuu Jihovae puya: Thenoukedilie di nie rhuorhiko kinu rüreiliecie tsiu nie mha kerütsekecü pete nunu nie zie kereiliecie.

Ezekiel 36:24

A seyieko donu nieko zelietuo, mu rünako pete nunu nie pfhü kengulietuo, tsiu nie ze nie rüna nu la vorshütuo.

Levimiako 26:3

Nie-e a chünukecüko nu tuo tsiu dietho di a diekhakeshüko chü mu ze ro,

Zekaria 8:7

Krodiko Jihovae puya: Ae rüna niakratsa mu niathutsa nu a themiako kelalietuo;

Mathi 24:31

Süki ketsü khou kemerie chü di puoe puo dielieko ketseshütuo, sidi uko teigei tietsapuo nu vo kekreitsa ketso ke diako nunu puoe kedakelieko pfhü kengulietuo.

Pulakeshüzho 12:21

Jihova n Kepenuopfüe puo za khapie keba la kedakelie thechüu n kinu peciethorta ro, a n ki diekhakeshü tuoi Jihovae se n ketsü n thukro morei n kuokro nunu dukhrilie di n ra nu cü kenyü de cülie.

Pulakeshüzho 12:5

Derei Jihova nie Kepenuopfü nie seyie donu puo za khapie baketuo la mu puo kebachü chüketuo la kedakelieu, nie-e süu pfhütuo di no sünu vortuo;

Pulakeshüzho 30:1

Siro ae n mhodzünu keshü mha hako pete, theja rei mu rüse rei, n gei vorwa, mu Jihova n Kepenuopfü n whuopie shükewa seyieko donunu noe süko rükralie,