Nehemia 1:6 - Angami Naga CL (Re-edited) Bible (BSI)

⁶ tsie n nyie bu a pfhe rünyü, n mhipie meho, di n kituou kecha rünyüshüyi, a tsie n ki chayalie, teisonhie mu teizeimetsei Israelmia n kituoko la chaya, siro Israelmiako kephouma phrashüzhie, hie n gei kejokemou chü tuote. A mu a kikruko rei phoumawate.

Nehemia 1:6 Iomraidhean Croise

Kediko Kerieu 8:30

Tsiu no n kituou, siro n themia Israel, ukoe thechü hau petsou di chakeshü rünyücie, sidi n kebachü teigei nu rünyüshücie, mu no rünyükeshü ki, kejo vashü tsücie.

Kediko Kerieu 8:47

sirei ukoe kedie chü voketara nu mhalelie, sidi thenou kedilie, di uko kedie chü keba kijü nunu n ki u mezhiemelo di sie, ‘Hieko jowate, tsiu hieneihienyü chü tuote, hieko kerüzhü mhatho chüwate,’ ilie.

Seyiedze Kenieu 28:10

Nie tsie we Juda mu Jerusalem themiako thepfu rei thenu rei pie nie khro mu nie die chü zocü le thate. Nie we Kepenuopfü Jihova mhodzünu nie kephouma jü zo me?

Seyiedze Kenieu 29:6

U puonuokoe dietho mo di Kepenuopfü Jihova mhodzü kesuo chüwaketa la; uko puo meliewa, di Jihova kebachü nunu u zie kereilie, mu u sietsa kereishüte.

Seyiedze Kenieu 6:40

He-i a Kepenuopfü thechü hanunu chakeshü gei n mhi bu mhirhoshü mu n nyie bu rünyüshüyi.

Ezra 10:1

Sidi Ezra kecha chü mu kephouma phra, kra di puo thuo puo khapie Ukepenuopfü kiu mhodzünu shükelie ki, Israelmia donu thepfumia, thenumia mu nhicumia kekra vor puo khieki kengulie, mu themiako rei krakhouita.

Ezra 10:11

Tsie süla nie kejo phrapie Jihova nie puonuoko Kepenuopfü ki shüwacie, sidi puo medo-u chüliecie; di kijüu nu themia donunu mu seyie kekreimiapfü liepie nie kimia kechüko donunu nie chü kreilie.”

Nehemia 1:11

He-i Jihova, n nyie kedeipie n kituou kecha, tsiu n kituoko n zau prei nyüyakezhako kecha rünyüshüyi; sidi thie n kituou bu chü khriekelie chüshüyi, mu themia hau mhinguki nu ngukemezhie khapie puo tsüyi!” Süki ae kediu hiekepieu chüya.

Chieliko 102:17

Puoe ketsopfhümia kecha leshütuo, mu uko kecha rütseta lho.

Chieliko 106:6

Hie mu hie puonuoko rei phoumawate, hie kejokemou chüwate, hie rüzhü phiwate.

Chieliko 130:2

Niepuu, a pfhe rünyücie! a mezhiemelokecü pfheko n nyie bu rünyüshücümu.

Chieliko 32:5

A kephoumako phrapie n ki shü, mu ae a kejokemou keviewa mo. A sie, “A kejokemou phrapie Jihova ki shütuo,” ru no a kejokemou vashü. Selah

Chieliko 34:15

Jihova mhi-e kemiathomia gei baya, mu puo nyie süko pfhe rünyü baya zo.

Chieliko 55:17

Thevatie rei, tsiu khise mu khinhieluo rei, ae kecha chü mu meloshü; mu puoe a pfhe rünyülietuo.

Chieliko 88:1

Harie Jihova, a kelakelie Kepenuopfü, a teizeiteiso n mhodzüki melieshüya.

Isaya 6:5

Sitse ae sie: “A sü hieshiehieruo! A sü jüte, a sü themia u tie mesa kemo puo, mu themia u tie mesa kemo kro puo donu bayacü la; sirei a mhi-e Kediu, krodiko Jihova nguwate!” si.

Thekrü 5:7

Hie puonuoko phoumawa; uko tuo mote, sidi hie bu uko kephouma pfüte.

Daniel 9:15

“Siro tsie, he-i Jihova hie Kepenuopfü, n dzie kekuo se Ijipt kijü nunu n themiako ze parlie sidi thie ketso n za meyie ba, hie phoumawate, hie kerüzhü mhatho chüwate.

Daniel 9:20

Siro a mha pu, mu kecha chü, tsiu a kephouma mu Israelko kephouma phra, siro a Kepenuopfü kemesa kijüthouu sou nu a nounyüko pie Jihova a Kepenuopfü ki shü ketha ki,

Daniel 9:4

Ae Jihova a Kepenuopfü ki a kejo phra di sie, “He-i Niepuu, zha mu u ngokecü Kepenuopfü, n khrieyakezhako tsiu n diekhakeshüko se bayakezhako gei n ketseikevi tsiu dietseidiekhokelieu se baya,

Daniel 9:5

hie phoumawate mu kekrüwate, rügerüzhü tsiu n perhie tuote, n diekhakeshüko siro n zhoko therhie tuote.

Daniel 9:8

He-i Jihova, hie kediko, hie kezhako, mu hie puonuoko gei thenga tuote, kekreilamonyü hie n gei phoumawate.

LUK THUKESHÜ DIELIEKEVI 18:7

Siro Ukepenuopfü puo thuo puo nou cha zorei teisonhie teizeimetsei puo ki cha sei baya zocü puoe kedakelieko khepushü motatuo me?

LUK THUKESHÜ DIELIEKEVI 2:37

Puo samipfü puo zo mu cie hiethethaediata. Hapfüe mhakipuorei rüsuokiu cietaya chie mo; sidi puo theva rei khinhie rei Ukepenuopfü rüsuo di mevo mu cha baya.

Efesako 2:3

U pete rei va puo chüüphou menguko chü di süko donu lhou, sidi chüüphou menguko mu keleko chü, tsiu kekreimia tuoi noupfhüu u gei baketa nuonuoko chü lhou.

Timothi Kerieu 5:5

Sirei thenu sami ketho, u rübei zoketapfü ro Ukepenuopfü kepele zotaya, sidi thevakhinhie u mezhiemelo mu cha sei tuotaya;

Timothi Kenieu 1:3

A theva rei khinhie rei a kechako nu n rükrakeshü ki, thiedzü a puonuoko puo rüsuo kevor, mu a rei a nou a pejo mo di puo rüsuoyakezha Ukepenuopfü thezie kekralie lho baya.

Johan Kerieu 1:9

We u kephoumako pu phrashü ro, puo zowe dietho mu miatho di u kephoumako vashütuoü tsiu miatho kemo kheko nunu u chü kemesalietuoü ba zo.

Samuel Kerieu 15:11

“A Saul pie kedi chükeshü la a rünou mote, puoe a siekemedzi nunu tsiesiete, di a diekhakeshü ze mote.” Sitse Samuel-e süu la puo nei mota, sidi puoe teizeizha pete Jihova ki kra ba tso.