Nehemia 1:4 - Angami Naga CL (Re-edited) Bible (BSI)

⁴ Ae die hako silie tse, ke balie di kra bata, sidi ae teisozha huo süsü krü kra thenousuo bata, sidi ae teigei keba Kepenuopfü mhodzünu mevo di kecha chü.

Nehemia 1:4 Iomraidhean Croise

Samuel Kenieu 12:16

Süla David-e Ukepenuopfü ki unuoyo la cha; sidi David-e mevo, tsiu tuo le di teizeizha pete kijü zhü.

Kediko Kenieu 22:19

a thechü hau, mu sünu themiako kaüruotaketuo tsiu rüsepfütatuo ükecü dze no sikelie ki, n nousuolie, mu noe Jihova mhodzünu n thuo n chü kerünuolie, sidi n pfhe cierhata, tsiu a mhodzünu kralie, süla a rei n pfhe silietewe, Jihovae siya.

Seyiedze Kenieu 6:13

Solomon-e mese se kechü mhaba puo puocha puozha thu pengoungou mu puo rükrie thu sekecü chüpie ba; mu puo süu gei thalie. Süsie puo Israel kehou pete mhodzünu khoutoulie di puo dzie yhapie tei petsoulie.

Ezra 1:2

“Persia kediu Sairos-e puya: Jihova teigei keba Ukepenuopfüe kijü nu keba kedirüvie pete pie a tsüwate, mu puoe a bu Juda nu keba Jerusalem nu ki puo chüpie puo tsünuya.

Ezra 10:1

Sidi Ezra kecha chü mu kephouma phra, kra di puo thuo puo khapie Ukepenuopfü kiu mhodzünu shükelie ki, Israelmia donu thepfumia, thenumia mu nhicumia kekra vor puo khieki kengulie, mu themiako rei krakhouita.

Ezra 9:3

Ae mha hau sikelie ki, a pfhenei tsiu a pfhedzie cierhawa, mu a tsütha mu a tiemie pie zo di a kedethepfü bata.

Ezra 9:5

Sidi thevatie ruosuo kechü teiki, a mevo bakecü nunu sielie, di a pfhenei mu a pfhedzie cierhawa di, süsie a khoutoulie di a dzie yhapie Jihova a Kepenuopfü ki shü,

Nehemia 2:20

Sitse a sie uko ki, “Teigei ketuo Kepenuopfü, Puo hieko khruoshütuo; süla hie puo kituoko sie di chütuo; derei nieko we Jerusalem nu nie ya, nie mezhü, morei nie dzeüse puorei tuo mo.”

Nehemia 2:4

Sitse kediu sie a ki, “Siliro no kedipuo chaya ga?” Süla a teigei keba Kepenuopfü ki chashü.

Chieliko 102:15

Seyieko Jihova zau preituo, mu kijü nu kediko pete n rhutuo.

Chieliko 136:26

Kethezie pie teigei Kepenuopfü tsücie, puo kekhrie rüdirüli kemoe kechachie baya.

Chieliko 137:1

Babilon rükhieko ba di, hie sünunu krata, hie Zion rükrakelie ki.

Daniel 10:2

A, Daniel, süteiki zhadoudo se a kra bata.

Daniel 2:18

sidi pekhrepie keba hau dze Ukepenuopfü ki ngukemezhie pfhüketuo uko ki pu, Daniel mu puo zeko tsiu Babilon nu mhakesiko pete bu kaüjüta moketuo la.

Daniel 9:3

Süsie a rürei Niepuu Ukepenuopfü kitsa vashü, mevo mu gakhropfhe tsiu mige se a kenhepfü di a kecha kelashünu chavü.

Jona 1:9

Sitse puo sie, “A Ibrimia puo, A Jihova, teigei ketuo Ukepenuopfü dzükezha mu kijü keso chükeshüu rüsuoya.”

Zefania 3:18

Thenyi tei nhie tuoi di a n geinu kepeka chüwatuo, sidi süu la n kerhie sa motatuo.

Rommiako 12:15

U neiyakezhamia ze nie neilie, krayakezhamia ze kralie.