Nehemia 1:11 - Angami Naga CL (Re-edited) Bible (BSI)

¹¹ He-i Jihova, n nyie kedeipie n kituou kecha, tsiu n kituoko n zau prei nyüyakezhako kecha rünyüshüyi; sidi thie n kituou bu chü khriekelie chüshüyi, mu themia hau mhinguki nu ngukemezhie khapie puo tsüyi!” Süki ae kediu hiekepieu chüya.

Nehemia 1:11 Iomraidhean Croise

Keriekitho 24:42

“A dzüluou nu vor di sie, ‘He-i Jihova, a niepuu Abraham Kepenuopfü, no thie a voketuo cha chü pevishü ro,

Keriekitho 32:11

A n ki chaya, a dzürieu dzie nunu, Esau dzie nunu a kelashücie, a puo preiketa la, puo vor di a mu uzuopfüko tsiu unuonuoko pete dukhriwa rei silie lhomu.

Keriekitho 32:28

Süki puo sie, “N za üse Jakob üdi kie salie lhote, derei Israel ituo; noe Kepenuopfü tsiu themia ze kebie di kuolieketa la.”

Keriekitho 40:1

Siro mha hako sie, Ijipt kediu hiekepieu mu puo niekhrüda kerieu unie unie niepuu nei kemo chüwa.

Keriekitho 40:2

Süla Faroe puo lietho kezha hanie, puo hiekepie kezhau mu niekhrüda kerie kezhau unie gei puo nou meyieta.

Keriekitho 40:21

Sidi puo puo hiekepie kezhau kha lapie puo bu tehiekepie chü lata; mu puo tehie khapie Faro dzie nu shü;

Keriekitho 40:23

Sirei tehiekepie kezhau Josef lekecüu monyü puo rükra mota.

Keriekitho 41:9

Sitse Faro hiekepie kezhaue Faro ki, “A thie a kejoko rükraliete.

Keriekitho 43:14

Kuokejokejü Kepenuopfü bu themiau mhodzünu ngukemezhie kha nieko tsükelieu chücie, sitse puo nieko dzürie kekreiu mu Benjamin ketse lashülietuo. A la zowe a bu a nuonuoko krükra tuotuo üliro, a thekrü chütuo zotiemu.”

Seyiedze Kenieu 6:40

He-i a Kepenuopfü thechü hanunu chakeshü gei n mhi bu mhirhoshü mu n nyie bu rünyüshüyi.

Ezra 1:1

Persia kediu Sairos kedi chükelie teicie therie cie Jihova Jeremia tie nunu pukeshü chü tseilieketuo la, Jihovae Persia kediu nou chüshü, süki puoe puo kedirüvie pete pesikeshü, mu thukeshü hamhie:

Ezra 7:6

Ezra hau Babilon nunu khorta. Puoe Mosa zho-u, Jihova Israel Kepenuopfü khakeshüu tsatie, thezho kesitho puo, tsiu Jihova puo Kepenuopfü dzie puo gei ketuo kemhiei kediue puo kecha pete chüshü puo tsü.

Nehemia 1:6

tsie n nyie bu a pfhe rünyü, n mhipie meho, di n kituou kecha rünyüshüyi, a tsie n ki chayalie, teisonhie mu teizeimetsei Israelmia n kituoko la chaya, siro Israelmiako kephouma phrashüzhie, hie n gei kejokemou chü tuote. A mu a kikruko rei phoumawate.

Nehemia 2:1

Süsie Nisan-u khrü, kediu Artaxerxes kedi chükelie teicie mepfü cie, khubezu puo tsütuoü kesie ki, ae khubezu chü pielie di süu pie kediu tsüshü. Hamhodzü puo mhodzünu a thesuoshü mo zoluo.

Nehemia 2:8

Siro leshü puo pie kediu tsa pfheyakezhau Asaf kediu ki shücie, silie tse puoe sei khashü di rüsuokiu kharu kiprü, nadiu kuda, siro a baketuo kiu chülietuo.” Ru Ukepenuopfüe u ngukemezhie dzieu a gei ketuo mhiei, kediue a kecha chüshü.

Chieliko 106:46

Puoe uko teze kedie chüketako pete bu rei uko ngumezhielieketuo chüshü.

Chieliko 130:2

Niepuu, a pfhe rünyücie! a mezhiemelokecü pfheko n nyie bu rünyüshücümu.

Chieliko 61:5

He-i Kepenuopfü, noe a phrakeshü dieko rünyülieketa la; noe n za preiyakezhako kayieu pie a tsüwate.

Chieliko 86:6

He-i Jihova, a kecha gei n nyie kedeishücie; a mezhiekemelo rünyüshücie.

Mhasidie 1:29

Kekreilamonyü uko mhasi ngumecüte, tsiu Jihova khrüprei kedalie mote;

Mhasidie 21:1

Kediu meloue Jihova dzie nu ba; puoe süu dzükru mhie kewhipie puo medotsa volie vi.

Jeremia 42:12

Ae ngukemezhie pie nie tsüshütuo, sidi puoe nie ngumezhieshütuo di nie bu nie thuo nie kijü nu la volietuo.

Malaki 3:16

Sitse Ukepenuopfü rhu tuoyakezhakoe huoniehuo rüchü, sitse Jihova leshü mu rünyüshü, sidi Jihova rhu tuoyakezhako mu puo za le tuoyakezhako la puo kerükra leshüda puo thulie.

Ibriko 13:18

Hie la cha ba zolie, hie nouleu mesa zo, mu hie puotei pete nu therhu nunu mhachü nyü tuo zo.