Mhasidie 4:3 - Angami Naga CL (Re-edited) Bible (BSI)

³ A a puo nuou chü keba ki, mene, mu a zuo nuo khrieu chü vorcü ki,

Mhasidie 4:3 Iomraidhean Croise

Seyiedze Kerieu 22:5

David-e pucü, “A nuou Solomon sü medzü mu mhachü si mo zoluo mu Jihova la chüketuo kiu bu we zivithor zo morosuo, kijü pete nu zapuzayie chü zotuo; a süu la mha kesetuo,” sita. Süla David-e puo se mhodzü mhanya kese phi se tuota.

Seyiedze Kerieu 29:1

Siro Kediu David-e kehou pete ki pukeshü, “A nuou Solomon, Kepenuopfü rübei puo kedakeshüu, medzü mu mhatei si moluo, mu mhatho-u zha; rüsuokiu sü themia la mo derei Kepenuopfü Jihova la zo.

Seyiedze Kerieu 3:5

Jerusalem nu puo nuo lhoukelie hako: Shimea, Shobab, Nathan, mu Solomon, Amiel nuopfü Bat-shua geinu mia dia hako lhoulie,

Jeremia 10:23

He-i Jihova, a sicü, themianuo cha ha u thuo kekhalieketuo u dzie nu tuo mo, themiae puo thuo tuokeshü puo phichako cha thalie kenjü.

Zekaria 12:10

Siro ae David kiu gei mu Jerusalem nu kelhouko gei ngukemezhie mu u mezhiemelokecü ruopfüu rushütuo, siro ukoe uko thuo rüngou pie zekewau ngu tse, ukoe puo krükratuo, mia puoe puo nuo puo rübei zokecüu la krakecü tuoituo, sidi krapie mia puoe puo nuo nuorieu la krakecü tuoitatuo.

Rommiako 12:16

Huoniehuo ze kenourhelie, kezha nou pfüta mo di miaümia rei ze kekrotholie; nie thuo nie üse mhasikuo üta hie.