Mhasidie 10:3 - Angami Naga CL (Re-edited) Bible (BSI)

³ Niepuue kemiathomia bu katalie lho, derei puoe kerüzhümia menguu chü kelhouwatuo.

Mhasidie 10:3 Iomraidhean Croise

JOB LESHÜDAU 15:23

Ukoe chazou kecüca pfhü rühou di, ‘Süu kirapuo ba ga?’ si tuoya. Puoe teisozha kezeiu puo penuo keba si ba.

JOB LESHÜDAU 20:28

Uko kinu keba vieko chüsetatuo, tsiu Kepenuopfü nou meyiekelie nhie uko nyaürako ze jütatuo.

JOB LESHÜDAU 5:20

Pekriekecü ki rei puoe kesia nunu n kelashütuo, mu terhü nu rei zhiecha kekuou nunu n kelashütuo.

Chieliko 10:14

Derei noe nguya; ketho, noe süko pie n dzie nu shülieya. Ketsopfhüko we u thuo u khapie n tsüshü; no sü u krünuo kejümia yakepieu zo.

Chieliko 112:10

Kelhiecümia süu ngu di u nou meyieya; uko hu thegei di zeü jütatuo; kelhiecümia mengu kemethuo chütatuo.

Chieliko 33:19

Kesia nunu süko ruopfü kelashütuoü, mu pekriekecü nunu sümia perheise balieketuo la.

Chieliko 37:19

Uko puotei vi kemo ki mengatalie lho, mu pekriekecü ki rei uko u tshupfü batuo.

Chieliko 37:25

A nhicu chü tuo ru tsie we phichüte; sirei kemiathomia khakewa ngu mo, morei puo nuonuo khruocüketuo rei ngushü mo.

Chieliko 37:3

Jihova pelelie, mu mha kevi chülie; silie ro no kijü nu lhoulietuo, mu khrukhre di n nei batatuo.

Mhasidie 13:25

Kemiathomia puo vavü ngulieya, derei kerüzhümia va methuo tuoya.

Mhasidie 14:32

Kerüzhümia we puo mhatho kesuo thuo puo shükhrüwaya, derei kemiathomia puo miatho geinu puo keya ngulieya.

Mhasidie 28:25

Mha mehoukezhamiae kegei pesieshüya, derei Jihova peleyakezhamia ro chü penyishütuo.

Mhasidie 28:9

Thezho-u rünyü mvü di puo nyie kerei seketamia puo kecha zorei kerütsetaya.

Isaya 33:16

sükoe kerükrieko gei batuo; u keyae tsiekrie dahoutuo; ucava pie tsütuo, u dzükrie la nouca jü.

Zefania 1:18

Jihova noupfhü zha nhie u rakachü morei u suna uko kelalie kenjütatuo; puo rhie kechü miu nunu kijü pete thewatuo; kekreilamonyü puoe kijü nu lhouketuo pete kemerie chü di puo thela chüwatuo.

LUK THUKESHÜ DIELIEKEVI 12:31

Sikecüumonyü, nieko puo kedi pfhüliecie, siro mha hako pete pie nie tsüshütuo.