Mhasidie 1:4 - Angami Naga CL (Re-edited) Bible (BSI)

⁴ miamomia bu mha silieketuo, tsiu khriesarüümia bu mhasi mu kevikesuo si kekreilieketuo;

Mhasidie 1:4 Iomraidhean Croise

Chieliko 116:6

Jihovae miamomia pekrushüya; a chü kerünuokeshü ki puo a kelashüya.

Chieliko 119:130

N dieko hiekeshü ki kezie parya; süue kesikele pie miamomia tsüshüya.

Chieliko 119:9

Kimhie di khriesamia rüli mesa balie ta? N dieu ze pecü di lhoukelie geinutuo.

Chieliko 19:7

Jihova zho sü vi lotso, u chü perheishüya, Jihova zho-ue ketho, miamomia chüpie mhasilieya.

Chieliko 34:11

Vorlie, nhicuko, di a pfhe rünyüliecie; a Jihova khrüprei pie nieko pethashütuo.

Mhasidie 3:21

A nuo, hako bu n mhi therhieta hie, mhasimhale kevi tsiu kemenuo se zolie,

Mhasidie 8:12

Ae mhasiu, kemenuou ze lhou baya, sidi mhasi kesa dze pfhü se parlieya.

Mhasidie 8:17

A a khrieyakezhamia khrieya, tsiu thehiechü a pfhü ketuomia a ngulietuo.

Mhasidie 8:32

“Süla a nuonuoko, tsie a pfhe rünyüliecie; kekreilamonyü a zho zeyakezhamia thejapfülieya.

Mhasidie 8:5

Harie, miamomiako, mhasi ca siliecie; harie mhalekemoko, nie melou bu tseiphreiliecie.

Pethakeshüu 11:9

Harie, khriesau, n khriesaki n neiliecie, tsiu n khriesa teiki n nou bu n chüpie puo neilie, n nou keleu tsiu n mhi kenguu se lhoulie. Derei Ukepenuopfüe mha hako pete geinu n dienyakecü ketuo no siliecie.

Isaya 35:8

Sünu chaü puo batuo, mu süu pie Kemesa Chau üdi kietuo; mesa kemoko sügei rüve volie lho, derei sügei Ukepenuopfü themiako la zotuo; rüvemia puorei, kenyamia zorei sünu tuo kekrütalie lho.

Pulakeshüzho 4:6

Süko zelie mu medzilie, süu pie mia mhingu nu nie mhasimhale chütuo, mu ukoe thezho hako pete sishü ro sie, “Ketho zo, seyie kezha hau sü mhasi mu mhacamhala kesi themia kro puo zo,” situo.

Timothi Kenieu 2:22

Ta themia lhounyü ki menguko therhie zolie, sidi u nou mesa di Niepuu za kieyakezhako ze di kemiatho, kepele, kekhrie mu kezekevi whuo volie.

Tita 2:6

Sükemhiei thepfumia zharatakemomia bu rei u kethekerelienu hü beicie.