Mhakechüko 9:3 - Angami Naga CL (Re-edited) Bible (BSI)

³ Sidi puoe tuo Damaska penuo vozhü tse, vapuochü teigei nu kezie puo tsur puo khie lutsahatsa va ziekruoita.

Mhakechüko 9:3 Iomraidhean Croise

Chieliko 104:2

Kezie üse pfhe puo tuoi di n whepfü tuoyakezhau, noe teiko üse dzüpfheki puo tuoi di shü petoshü.

Mhakechüko 22:6

“A Damaska penuo vozhü tse, khinhieluo ki ziekruoicü puo teigei nu tsur a khie lutsahatsa va pezieta.

Mhakechüko 9:17

Süla Anania sie di tuo Saul keba ki nu vo di puo dzienie yhapie puo gei shü di sie, “A Siezeu Saul, Niepu Jisue no cha nu vorkezhü ki n pengukeshüu thuo n bu mha ngu lalieketuo mu Kemesa Ruopfü bu n tshulieketuo la a ketseshüwe.”

Mhakechüko 9:27

Sirei Barnaba puo ze apostelko ki vo di, uko ki puo kimhie di chala nu Niepuu ngu shi mu Niepuu puo rüchü, siro puo thepfu se di Jisu zau pie Damaska nu mia petha shicü dze pushü.

Korintmiako Kerieu 15:8

Siro thelau nu puo vor a nuopemo di penuokelie kemhieu rei pengushü.

Korintmiako Kerieu 9:1

Mhapuorei a kekha jüta mo üme? A apostelmia puo mo üme? A u Niepuu Jisu ngu mo üme?

Timothi Kerieu 6:16

Puo rübei siaüjütalie kelho-u mu miapuorei penuo volie kelho kezie nu lhou kebau, miapuorei puo ngu mo mu ngu reilie lho; puo bu telhekechachie therhupfü mu kedi chücie. Amen.

Pesikeshü 21:23

Mu nadiu va pezieketuo la niaki morei khrü se morei vi, Ukepenuopfü kesokezie zayieu thuo süu va pezieshüya, mu Tekuonuou sü süu mituu zocü la.

Pesikeshü 22:5

tsiu sünu teizei ba salie lho; uko mitubou morei niaki se morei vi, Niepuu Ukepenuopfü thuo uko kezie chütuo, tsiu uko telhekechachie dituo.