Mhakechüko 7:2 - Angami Naga CL (Re-edited) Bible (BSI)

² Stefan sie: “A kezeko mu a puonuoko, a die rünyüshücie. Zayie Kepenuopfü u puotsau Abraham vo Haran nu kelhou mhodzü Mesopotami-a nunu puo pengushü,

Mhakechüko 7:2 Iomraidhean Croise

Keriekitho 11:31

Siro Terae puo nuou Abram mu puo tsuu Haran nuou Lot siro puo miepfü Abram kimia Sarai, zelie di Chaldia nu keba Ur rünau khawa di Kanan kijü nu voketuo la tuota; derei uko Haran nu vor di sünu lhou bata.

Keriekitho 12:1

Siro Jihovae Abram ki “N rüna mu n seyiemia mu n puou ki khawa di, a kijü puo thapie n kieketuou nu voliecie.

Keriekitho 12:5

Abram-e puo kimia Sarai, mu puo siezeu nuo Lot, siro Haran nunu kengukelie puo kinyiko pete, mu kituo pete rei zelie di Kanan nu voketuo la tuoshü. Ukoe Kanan nu volie tse,

Keriekitho 15:7

Süsie puoe puo ki “Ae kijü hau pie n bu n vie chütuo üdi Chaldiamia rüna Ur nunu n ze parkeshüu Jihova zo.”

Keriekitho 29:4

Sitse Jakob sie uko ki, “A kezeko, nieko kirapuo nu vor ga?” Uko sie, “Hieko Haran nunu vorwe,” si.

Nehemia 9:7

Noe Jihova, Abram kedakelie Kepenuopfüu zo, sidi Chaldiamia Ur nunu ze parshü, mu puo za thopie Abraham chükeshüu zo,

Chieliko 24:10

Zapuzayie Kedi hau supuo ga? Krodiko Jihova, puoe zapuzayie Kediu zo. Selah

Chieliko 24:7

Nie tsü pengoshücie; harie kharuko, tosieliecie, keriekimia kharuko, sitse zapuzayie Kediu lerlietuo.

Chieliko 29:3

Jihova pfhe we dzüko mho rei tuo; zapuzayie Kepenuopfü teikese tuoishü; dzüko mho Jihovau.

Isaya 37:12

A puonuokoe pekawaketa seyieko, Gozan, Haran, Rezef mu Telasar nu keba Iden themiako, seyie süko rhuokoe uko shüphralie üme?

Isaya 51:2

Abraham n puou, mu Sara n penuokeshüpfü meholie; a puo kiekelie ki puoe puo rübei zo, derei a japie puo tsü di puo chü pekrashü.

Isaya 6:3

Siro puoe puo kie di sie: “Mesa, mesa, Krodiko Jihova mesa; kijüu pete puo kesokezie thuo tshu,” si.

Mathi 6:13

Siro hie khapie kedokecü nu shü hiecie, sikecüumonyü kesuou dzie nunu hie kelaliecie.

LUK THUKESHÜ DIELIEKEVI 2:14

“Tei pesotho gei Ukepenuopfü bu puo za kemeyieu chüliecie; mu kijü keba themia puoe puo neiyakezhako bu kevi chüwaliecie!”

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 12:41

Isaya hau pukecü kekreilamonyü puoe puo zayieu ngu di puo dze pushü.

Mhakechüko 22:1

“Kezeko mu a puonuoko, tsie a kitsa dieu rünyüshücie!”

Mhakechüko 23:7

Puo die hau pushü mumetha, Farisiko mu Sadukiko kediekreita, sidi kehou biepie kenie chüwa.

Mhakechüko 7:1

Sitse zievokezhatho-u sie puo ketso di, “Mha hako si zo me?” ita.

Korintmiako Kerieu 2:8

Mu tsiedo kezhako puorei süu silie mote; kekreilamonyü uko süu si liro zapuzayie kechü Niepuu pie krus geinu goukewapfü mo zo.

Efesako 1:17

Nie puo sikelie ze di u Niepu Jisu Khrista-nuo Puou, zapuzayie kechü Puou bu mhasi mu sikelie ruopfü kha nie tsükelieu sü a kecha zo,

Tita 2:13

u bu u siedze kevitho-u süusü Ukepenuopfü mu u Kelakelie kezhatho-u Jisu Khrista zayie chü di mia mhingu chü vorketuou pfhe keba ki.

Ibriko 1:3

Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

Ibriko 11:8

Kepele geinu Abraham rei puo kekie die ze di pie puo tsütuo ükezhü kijüu nu voketuo la puoe tuo prata, puo kevokevü cha si mo zorei.

Jakob 2:1

A kezeko, zayie kechü u Niepuu Jisu Khrista pelekelie nu nie huomia khrie pekreitaya me?

Joshua 24:2

Sidi Joshuae themia peteko ki, “Jihova Israel Kepenuopfüe puya: Thiedzütho nie puonuoko, Tera, Abraham mu Nahor unie puou, uko Eufrat rü lutsakhie lhou, sidi ukoe terhuo kekrei lie chü vor.

Pesikeshü 4:11

“Hie Niepuu mu hie Kepenuopfü, no sü zayie mu therhu tsiu kekuo lielie kesüu zo, no mha peteko chüshücü la, tsiu n medo la süko tuo mu chükelie zokecü la.”