Mhakechüko 3:1 - Angami Naga CL (Re-edited) Bible (BSI)

¹ Khunhie puo Pitor mu Johan unie thehesie keba se ki, kecha teiu nu rüsuoki nu vozhü.

Mhakechüko 3:1 Iomraidhean Croise

Kediko Kerieu 18:36

Sidi thevatie ruosuo kechü teiu vorlie tse, Elija siedzekesiu penuo vor di sie, “He-i, Jihova, Abraham, Isak mu Israel Kepenuopfü, thie noe Israel Kepenuopfü ükecü, mu ae n kituou zo ükecü mu ae mha hako pete n die nunu chü ükecü mia bu siliecie.

Chieliko 55:17

Thevatie rei, tsiu khise mu khinhieluo rei, ae kecha chü mu meloshü; mu puoe a pfhe rünyülietuo.

Toukepra 29:39

Tekuonuo puo noe khise khashütuo, mu tekuonuo kekreiu thevatietuo.

Daniel 6:10

Siro Daniel-e leshüu nu zasi vüshüwaketa si zo ürei, puoe puo kiu nu vo ba zo, sünu kibou peso nu khirkiko khrüpie Jerusalem tsa va ba, sidi puoe hamhodzü chüyakezha tuoi di khunhie va se khoutoutsu Kepenuopfü ki cha mu puo thezieya.

Daniel 9:21

sidi a kecha chü ketha ki, Gabriel themiau, a hadzü ziemho nunu puo ngukecüu, thevatie ruosuo kechü meseki ta mhai a ki vor.

Nuolhoutsüphrü 28:4

No khise tekuonuo puo mu thevatie kekreiu pie rüsuo chütuo;

Mathi 17:1

Zha sorou sie, Jisue Pitor mu Jakob siro puo siezeu Johan uko zelie di krei kijüthou kerükrie puo gei vota.

Mathi 26:37

Sidi puo Pitor tsiu Zebedi nuonie ze vota, di puo nou kemezhie mu puo nou kehoukeruo chüta.

Mathi 27:45

Siro sünhiesü khinhieluo keba kerekenie nunu vo thehesie keba se ketso kijü pete zeiboui bata.

LUK THUKESHÜ DIELIEKEVI 1:10

Siro kethengu thekeba ki mechüu pete chazou nu kecha chü ba.

LUK THUKESHÜ DIELIEKEVI 18:10

“Mia kenie-e kecha chütuo üdi rüsuokiu nu vo, mia puo Farisimia mu kekreiu Khezhanuo kekhruomia puo.

LUK THUKESHÜ DIELIEKEVI 22:8

Süla Jisue Pitor mu Johan unie ketseshü di sie, “Nnie vo di úko keze Ciekevonyiu nyiketuo la mha keseliecie.”

LUK THUKESHÜ DIELIEKEVI 24:53

sidi uko rüsuoki nu Ukepenuopfü tshe sei ba zota.

Johan 21:7

Süki Jisue puo khrie kevor pethakelieu sie Pitor ki, “Puo Niepuu ta zo,” sishü, Pitor süu Niepuu ükecü silie tse puo methuo tuokecü la puo boulie selie di prou dzükezha nu leta.

Mhakechüko 10:3

Khunhie puo thehesie keba se meseki puo ziemho ngu mecümecie, mu Ukepenuopfü dieliemia puo vor puo kie di, “Kornelia,” si.

Mhakechüko 10:30

Sitse Kornelia sie, “Zha dia voketa ki tsie mese thehesie keba se ki a ki nu kecha chü ba ru pfhenei kekra se di mia puo vor a mhodzünu thalie.

Mhakechüko 2:46

Siro uko teisonhie kezepuo chü di rüsuoki nu u tei kha seshü, uko kinu niekhrüda bietshiecü tsiu u nou mezhü mu u nei siei di mhacümhakrie.

Mhakechüko 3:3

Puoe Pitor mu Johan unie rüsuoki nu letuo ükezhü ngu di unie ki mha cha.

Mhakechüko 3:4

Sitse Johan tuoi Pitor rei puo mehoterü di, “Hienie meholie,” sishü.

Mhakechüko 4:13

Ukoe Pitor mu Johan unie kethepfu ngushü tsiu unie leshükesimia zo mo siro miaümia zo ükecü silie tse u ngota mu unie hadzü rei Jisu ze tuoya ücü sita.

Mhakechüko 5:25

Süki mia puo vor di sie, “Harie, nieko kedieki nu khapie kebako vo rüsuokiu nunu mia petha thate,” sita.

Mhakechüko 8:14

Siro Jerusalem nu keba apostelko Samaria nu kebako rei Ukepenuopfü dieu lielieketa dze silie tse, uko Pitor mu Johan nie ketsepie uko ki shü.

Galatiako 2:9

Siro uko donu thekrütho chü keba Jakob, Kefa mu Johan ukoe ngukemezhie hau pie a tsüshüwaketa silie tse, uko u dzie u zatsa pie Barnaba hienie ze kedzie teshüshü, hienie bu Judakemoko mu ukoe zhükereko donu lietho chüketuo kepfhekholie.