Mhakechüko 10:2 - Angami Naga CL (Re-edited) Bible (BSI)

² Puoe puo kepele nu pecü phi di puo kikru pete ze Ukepenuopfü khrüprei; siro puo mha pie mia tsü mia za phiya mu sidi Ukepenuopfü ki cha sei baya.

Mhakechüko 10:2 Iomraidhean Croise

Keriekitho 18:19

Mo, a puo kedaliete, puo bu kemiatho tsiu kethoca se lhou di puo nuonuoko mu puo kinuko cha thapie Jihova chau nu tuolieketuo la. Sitse Jihova bu puoe phrakeshüko chü tseipie Abraham gei shülietuo.”

Kediko Kerieu 8:43

no n kebachü teigei nu rünyüshüyi, sidi chazoumia n ki kedipuo cha shi chüshü tsücie, sitse kijü nu ketuo themia pete n za silietuo, sidi n khrü preilietuo, n themia Israelko mhielietuo, sidi ukoe ki hau, a chükeshüu, n za üse kieya ükecü silietuo.

Seyiedze Kenieu 6:33

no teigei n kebachü nunu rünyülie di, rüso-u n ki kecha pete chü puo tsücie; kijüu themia peteko bu n themia Israelko mhie n za si mu n preilieketuo la, mu uko bu n la chükeshü hau n za se kieya ücü silieketuo la.

JOB LESHÜDAU 1:1

Thiedzü Uz rüna nu mia puo tuo, puo za Job. Themia süu vitsei mu mezhü, tsiu Ukepenuopfü khrüprei, siro mha kesuou rütseya.

JOB LESHÜDAU 1:5

Siro uko thehethehie kechü zhako tseita ro Job-e sielie di uko phou chü kemesaya, mu khise sie zilie di uko mia kedithede shikecüu medzi di puoe kethe ruosuo chüya; kekreilamonyü Job-e sie, “A nuonuoko kekrükedeiwa mu uko nou nu Ukepenuopfü rüsewa rei silie lhomu.” Hamhiekecü Job-e chü seiya.

Chieliko 102:15

Seyieko Jihova zau preituo, mu kijü nu kediko pete n rhutuo.

Chieliko 119:2

Puo dieko zeyakezhamia, u nou pete se puo kepfhümia thejakepfütho zo.

Chieliko 25:5

N ketho-u nunu a cha thashücie, mu a pethaliecie, noe a kelakelie Kepenuopfücü la; a zhate n khremerü baya zo.

Chieliko 41:1

Kejümia rüli rükrayakezhau thejakepfütho zo; Jihovae kemezhiekecü teiki puo kelashüya.

Chieliko 55:17

Thevatie rei, tsiu khise mu khinhieluo rei, ae kecha chü mu meloshü; mu puoe a pfhe rünyülietuo.

Chieliko 86:3

A ngumezhiecie, He-i Jihova; a zhate meliepie n ki shü ba zocü la.

Chieliko 88:1

Harie Jihova, a kelakelie Kepenuopfü, a teizeiteiso n mhodzüki melieshüya.

Pethakeshüu 7:18

No hau thezelie tse vituo, tsiu kekreiu nunu n dzie teshü seta hie, kekreilamonyü Kepenuopfü preiyakezhamia sünie kenienie nu vi kehielietuo.

Isaya 59:19

Süla ukoe niakratsa nu Jihova zau preituo mu niakithu kepar nunu puo zapuzayieu preituo; puoe Jihova teikhrie thuo whuokeshü rücü dzü kekru puo tuoi vorketuo la.

Daniel 6:10

Siro Daniel-e leshüu nu zasi vüshüwaketa si zo ürei, puoe puo kiu nu vo ba zo, sünu kibou peso nu khirkiko khrüpie Jerusalem tsa va ba, sidi puoe hamhodzü chüyakezha tuoi di khunhie va se khoutoutsu Kepenuopfü ki cha mu puo thezieya.

Daniel 6:16

Süla kediu diekhashüwa, sidi Daniel ze vor kelhoupie loshako bou nu shüwa. Kediu Daniel ki, “N Kepenuopfü no dietho di puo lie chüyakezhau bu n kelaliecie!”

Daniel 6:20

Sidi puoe Daniel khapie keba loshako bouu penuo vor tse, puo noukenyü chü Daniel kie peto di, “He-i Daniel, rhei tuoyakezha Kepenuopfü kituou, no dietho di puo lie chü tuoyakezhau loshako kinu n kelalie nhie?”

Daniel 6:26

A thezho puo chüshüya, süusü a kedirüvie nu kelhou themia pete Daniel Kepenuopfü mhodzünu michie mu pe zoliecie: Puo rhei tuoyakezha Kepenuopfücü la, kechachie baya. Puo kedi mhakipuorei katalie lho, tsiu puo mha kekhakecü puo thela jü.

Mathi 25:17

Sütuoi kenie ngukelie kituou rei kekrei kenie pralie.

LUK THUKESHÜ DIELIEKEVI 18:1

Siro Jisue dievi nunu uko bu kecha chü sei tuolienu mu u chamezieta hienukecü pu.

LUK THUKESHÜ DIELIEKEVI 2:25

Süki mia puoe puo za Simeon üdi Jerusalem nu baya; siro themia süu miatho tsiu pecü di Israelmia nou thu peluoshüketuou merü tuoya mu Kemesa Ruopfü puo gei tuo.

Mhakechüko 10:22

Uko sie, “Kriemhokezhau Kornelia, miatho tsiu Ukepenuopfü khrü preiyakezhamia puo, mu Judamia seyie pete mhodzü thetshe kepfümia, kemesa teigeidieliemia puoe puo bu n kie ze puo ki vo di no kedipuo pushütie shi rünyünushülie,” si.

Mhakechüko 10:31

Sitse puo sie, ‘Kornelia, n kecha rünyüliete mu no mha pie mia tsü mia zakecüko Ukepenuopfüe rükra bate.

Mhakechüko 10:35

derei seyie kehoupuo nu rei puo khrüprei di puo mhodzünu puotouu chükezhamia puo neiyakecü si touliete.

Mhakechüko 10:4

Sitse puo puo michiepfü puo meho terü di sie, “Niepuu, kedipuo ga?” sita. Puo sie, “N kechako mu n mhazako kerükra vie puo chü si kho Ukepenuopfü mhodzünu tso bate.

Mhakechüko 10:7

Teigeidielie puo rüchükeshüu tuota tse, puo puo kituomia kenie mu puo lie chü bayakezha chüpahi kepecü puo sa kielie,

Mhakechüko 11:14

puo n ki die pushütuo mu süu la no tsiu n kinuko pete kelalietuo,’ si.

Mhakechüko 13:16

Sitse Paul siethalie di puo dzie chapie di sie: “Nie Israelmiako, mu Ukepenuopfü keprei themia kekreiko, rünyüshücie.

Mhakechüko 13:26

“A kezeko, nie Abraham geinu kevor yiemiako, mu Ukepenuopfü keprei themia kekreiko, kelakelie die hau ketsepie u tsüshüwe.

Mhakechüko 13:50

Derei Judakoe thenupfümia thetsei pecü di rüsuoyakezhako tsiu nadiu nu pehüko ketshüshü di süko bu Paul mu Barnaba unie pechüketuo pfükerhüshüta.

Mhakechüko 18:8

Siro Krispa, sinagog nu krütau rei puo kinuko pete ze Niepuu pelelieta; mu Korintmia kekra Paul dieu kesiko pelelie di dzülupfülie.

Mhakechüko 2:5

Süki tei khro seyie pete nunu nanyü nu pecü sekecü Judamia vor Jerusalem nu lhou ba.

Mhakechüko 22:12

“Anania ükecü thezho ze pecü phiyakecü puo ba mu Judamia sünu keba khe rei puo rhu phiyakezha puo,

Mhakechüko 8:2

Miathomia huo Stefan pie vo khruwa mu puo krükra rei phi.

Mhakechüko 9:11

Süki Niepuu puo ki, “Sieliecie, sidi tuo cha Kemezhüu üyakezha nu volie mu vo Juda kinu keba Saul ükecü Tarsmia puo ketsocie. Puo tsie kecha chü bate,

Mhakechüko 9:31

Süteiki Judia, Galil tsiu Samaria nu kehouu bu mene mu metei sielie. Siro Niepuu khrüprei di lhou mu Kemesa Ruopfü bu unou chü peluo tsiu tsüphrü kra miemielie.

Mhakechüko 9:36

Siro Jopa nu Tabitha ükecü pethakeliemiapfü puo baya, Grik die nu puo za Dorka. Süpfü mha kevi kechü mu methuo mha pie mia ketsü nu chüsechüya.

Kolosiko 4:2

Kecha nu nie khashülie, mu sünu nie terüchü di kethezie pie Ukepenuopfü tsülie.

Thesaloniako Kerieu 5:17

cha petewa hie,

Jakob 1:5

Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie.

Joshua 24:15

Siro Jihova lie kechü nieko mhodzüki mha kesuo üro, nie supuo lie chütuo shiü thie nie thuo kedaliecie, nie puonuoko Kerü khie kekreitsa nu terhuo lie chü kevorko tuo mo, nie u kijü nu keba Amormia rhuoko tuo shi; derei a mu a kikru zowe Jihova lie chü zotuo.”

Pesikeshü 15:4

Niepuu, supuonie n khrüprei mota mu n za tshe mo ta? N rübei kemesau zocü la. Seyie pete n mhodzünu vor n rüsuotuo, n capiko pie mia pesipengushüwaketa la.”