Mathi 8:17 - Angami Naga CL (Re-edited) Bible (BSI)

¹⁷ Siro mha hau chükeshü geinu thiedzü siedzekesiu Isaya pukeshü, “Puo u kesuo kemezieko mu kechükenyüko toupfüliete,” isikeshüu chü tseilie.

Mathi 8:17 Iomraidhean Croise

Keriekitho 22:6

Sidi Abraham-e kethe ruosuo kechü seiko chüpie puo nuou Isak bu pfülie; mu puo puo dzie nu mi mu zhietenuo pielie. Sidi unie keze tuo vota.

Isaya 53:4

Ketho zo, puoe u mezhieko lhoupfülieta zo, mu u kechükenyüko pfüliete; sizorei we puoü kere dzükelie, Ukepenuopfü thuo puo vüshü tsiu puo pechüpenyükewa puo tuoi di le.

Mathi 1:22

Mha hako pete chüketa thiedzü Niepuue siedzekesiu geinu pupie kezhüu chü tseilieketuo la zo.

Mathi 2:15

sidi Herod siata kemochie sünu bata. Mha hau chüketa thiedzü Niepuu siedzekesiu geinu, “A Ijipt nunu a nuo kieliewe,” idi pupie kezhüu bu tseilieketuo la zo.

Mathi 2:23

Sidi vo Nazaret ükecü rünau nu lhou, süla thiedzü siedzekesiko geinu, “Puo üse Nazaretmia ütuo,” idi pupie kezhüu tseilie.

Mark 1:32

Süsie niaki leta tsiu thevatieta tse, mia kechükenyü mu terhuokesuo bu u kebi ze ketuo kekra ze Jisu ki vor.

LUK THUKESHÜ DIELIEKEVI 4:40

Siro niaki letazhü tse, themiako kechükenyü neiü nunu mhachü kebako ze puo ki vor; sitse puoe puo dzie yhapie süko mia puopuo gei rei shü di süko chü keshürhoshü.

Korintmiako Kenieu 12:10

Süla a Khrista zau la, a thachü nu rei, mia a kengakecüko nu rei, kemezhiekelieko nu rei, mia a pechücüko nu rei, mu ketsopfhü dzükelieko nu rei a neikuote; kekreilamonyü a thachü keba ki a kuo bayacü la.

Pitor Kerieu 2:24

Puo thuo krus geinu u kephoumako puo mo geinu toupfüliete, sidi u bu kephouma kitsa u pesiawa mu kemiatho la lhou tuolieketuo la; puo kevüpfüko la nieko chü kemeneliete.