Mathi 8:13 - Angami Naga CL (Re-edited) Bible (BSI)

¹³ Sidi Jisu sie kriemhokezhau ki, “Tuo volie, mu n kepele kemhie chüpie n tsükelieu chücie.” Sitse bavüdo süu nu kituou shürholieta.

Mathi 8:13 Iomraidhean Croise

Pethakeshüu 9:7

Volie, n nei di n niekhrüda cülie, tsiu n noumvü di n zu krielie; kekreilamonyü Kepenuopfüe thiedzüthonu n mhatho lieliete.

Mathi 15:28

Süla Jisu hapfü ki, “Thenupfü, n kepele zha za ha! N kemenguu chüpie n ketsüu chüliecie.” Sitse sümesetouki puo nuopfü sü vilieta.

Mathi 17:20

Sitse puo sie, “Nieko kepele ketsa la zo. Kekreilamonyü a nieko ki pu toushütuo, mhanuü nieko kepele gakrieshü de yopuorei bakecü sie nieko kijüthou hau ki, ‘No haki nu rüdi lutsa votacie,’ isishü rei süu rüditatuo, mu nieko mhakehoupuorei chülie kelho jütatuo.”

Mathi 8:4

Sitse Jisu puo ki, “Harie, no mia puo ki rei pu hiecie, derei mezhü zievo-u ki vo di puo bu n mehowacie; sidi mia bu no vilieketa silieketuo la Mosae chünukeshü ruosuou khashüwacie.”

Mathi 9:22

Süki Jisu reipra süpfü ngulie di puo ki, “A nuopfü, n dzüzieliecie! N kepele thuo n chü keshürhoshüwate ho.” Siru thenupfü shürho mhalieta.

Mark 7:29

Süla puo sie hapfü ki, “N die süu la, no tuolie, terhuokesuou n nuopfü geinu prate ho.”

Mark 9:23

Sitse Jisu sie puo ki, “No chülie vi ro le? Peleyakezhamiae mhakehoupuorei chülie vi zo!”

Johan 4:50

Jisu puo ki, “Volie, n nuou rheilie zotuo,” sishü. Themia süu Jisu die pelelie di tuo vota.