Mathi 7:26 - Angami Naga CL (Re-edited) Bible (BSI)

²⁶ Derei kehoupuorei a die hako rünyülie di süko chüüzeya kemomia sü mhalekemomia puo huocanyo geinu puo ki chükelieu mhie zo.

Mathi 7:26 Iomraidhean Croise

JOB LESHÜDAU 22:16

Uko teiu mhodzü süko dathewate; süko mvüdzeu dzüdi bu vawate.

Mhasidie 14:1

Thenu mhakesipfüe puo thuo puo ki chülieya, derei mhalekemopfüe puo dzie pie süu bierhuowaya.

Jeremia 8:9

Mhakesimia pie thenga nu shüwatuo, uko bu uzie jüta di tezetatuo; ukoe Jihova dieu meliewaketa la, siro kedipuo mhasi uko nou ba ga?

Mathi 7:24

“Süla kehoupuorei a die hako rünyülie di süko chüüzeyakezhamia sü mhakesikelemia puoe tsiekrie geinu puo ki chükelieu mhie zo.

Mathi 7:25

Süsie teirü tsur, dzü di sier, mu tei rei rükhrie vor ki süu va, derei puo vatsholie mota, kekreilamonyü ki süu tsiekrie geinu puo mvüdzekelie la.

Mathi 7:27

Teirü tsur, mu dzü di sier, tsiu tei rei rükhrie vor ki süu va; sidi süu vatshopie kerhepha zopie zhüwata.”

LUK THUKESHÜ DIELIEKEVI 6:49

Derei kehoupuorei a dieko rünyülie di chüüzeyakemo-u mia puo puo ki mvüdze chü mo di kijü nu puo ki chüyakezhamia mhie zo; dzü di sier di kiu va tse, ki süu vapuochü tetsuta, sidi ki süu kadika!”

Jakob 2:20

Derei mhalekemo-u, kepele puo mhatho sa kemosie kemethuo zo ükecü no silietuo mo mo ga?

Samuel Kerieu 2:30

Süla Jihova, Israel Kepenuopfüe puya, ‘A n kinumia mu n puo kinumia bu kechachie a mhodzünu tha di chalie chütuo;’ ishü ketho zo. Derei tsie Jihovae puya, ‘Süu bu a kinu pecietacie; a tsie we a rhuyakezhamia rhutuo, mu a peseyakezhamia se mhatho mo ütatuokecü la.